Kurdî  ■  كوردی  ■  عربي
TUE, 19 MAR 2019 13:45 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"رێگای یاسایی بۆ دەستبەکاربوونی پەرلەمانی عێراق ھەیە"
| KDP.info


هەولێر-KDP.info- پەرلەمانی عێراق ھەموو ھەوڵێکی خستووەتە کار بۆ درێژکردنەوەی تەمەنی خۆی، بڕیارە سبەی کۆبوونەوەیەکی دیکەش بەڕێوە بچێت، چاودێرێکیش پێی وایە ڕێگەی یاسایی ھەیە و نابێت پەرلەمان دەست بۆ بابەتی درێژکردنەوی تەمەنی خۆی ببات.

 

ئەندامێکی فراکسیۆنی پارتی لە پەرلەمانی عێراق ئاشکرای کرد، ھیچ دەقێکی یاسایی و دەستووری نییە بۆ درێژکردنەوەی تەمەنی پەرلەمان و ھیچ ڕێککەوتنێکیش نییە تا بەردەوامی بەو خۆلەی پەرلەمان بدرێت.

دوێنێ پەرلەمانی عێراق کۆ بووەوە و تێدا تاوتوێی ئەو پڕۆژەیاسایە کرا کە لە لایەن لیژنەی یاساییی پەرلەمانەوە ئامادە کراوە بۆ درێژکردنەوەی تەمەنی پەرلەمانی عێراق، بەڵام کۆبوونەوەکە بێ ئەنجام کۆتایی ھات و بڕیارە سبەی، یەکشەممە، جارێکی دیکە پەرلەمانی عێراق کۆ ببێـەوە. لەو بارەیەوە، ئەمیرە زەنگەنە پەرلەمانتاری پارتی بە ماڵپەڕی فەرمیی پارتی دیموکراتی کوردستانی ڕاگەیاند: "زۆرینەی کۆتلەکانی پەرلەمان بەشداریی کۆبوونەوەی دوێنێیان نەکرد و لە کۆبوونەوەی سبەیشدا بەشدار نابن و ئێمەش وەک فراکسیۆنی پارتی نە بەشداریمان ھەبووە، نە لە کۆبوونەوەکانی داھاتوودا بەشداری لە کۆبونەوەی وادا دەکەین."

بوخاری عەبدوڵڵا، چاودێری سیاسی و شارەزای یاسا ڕەتی کردەوە پەرلەمانی عێراق دەسەڵاتی درێژکردنەوەی تەمەنی خۆی ھەبێت و بە پێشێلکاری بۆ سەر دەستووری عێراق وەسفی کرد، عەبدوڵڵا گوتی: "ھەر تانەیەکی لێ بدرێت لەسەر ئەو بابەتە دادگای فیدڕاڵی پڕۆژەیاساکەی پەرلەمان ڕەت دەکاتەوە، چونکە ھیچ دەرچەیەکی یاسایی و دەستووری نییە چۆن دەبێت تەمەنی خۆی درێژ بکاتەوە."

ڕۆژی ٣٠ی ئەم مانگە تەمەنی پەرلەمانی عێراق کۆتایی دێت و وڵات دەکەوێتە بۆشاییی یاساییەوە، کە دەبێتە ھۆی پەککەوتنی حکوومەت و دەزگە فەرمییەکان  بوخاری عەبدوڵڵا دەڵێت: "چارەسەر ھەیە ئەگەر پەرلەمان نیەتی ھەبێت بۆ دەربازکردنی ئەم قۆناغە."

ئەو چاودێرە سیاسییە ڕوونی کردەوە: "تاکە چارەسەر بۆ قۆناغی ئێستا و تێپەڕاندنی بۆشاییی یاسایی ئەوەیە، پەرلەمان دەتوانێ بانگھێشتی ئەندامانی خولی نوێ بکات و کۆبوونەیەوەک بە سەرۆکایەتیی بەتەمەنترین ئەندام بەڕێوە ببرێت، دواتر کۆبوونەوەکە بەکراوەیی بەجێ بێڵن، تا لایەنەکان بۆ پێکھێنانی حکوومەتی نوێ دەگەنە ئەنجام."

بەر لە جەژنی ڕەمەزان، زانیاریی فەرمیی دەست ماڵپەڕی فەرمیی پارتی دیموکراتی کوردستان کەوتن، کە ژمارەیەک پەرلەمانتار لە ماڵی سەرۆکی پەرلەمانی عێراق کۆ بوونەوە تا پیلانێک دانێن بۆ درێژکردنەوەی تەمەنی پەرلەمان و درێژەدان بەو دەسەڵاتەی ھەیەتی، ئەوەش لەپێناو دەرکردنی چەند پڕۆژەیاسایەکدا.

ئەمیرە زەنگە، پەرلەمانتار، بۆچوونی وایە: "ھەر کاتێک پرۆژەیاسایەک بۆ درێژکردنەوەی تەمەنی پەرلەمان خرایە کارنامەی کۆبوونەوەوە، پێشبینی دەکرێت دەنگی پێویست بەدەست نەھێنێت و سەرناگرێت، چونکە کێشەی زیاتر دروست دەکات و لایەنەکان ڕازی نابن بە درێژکردنەوەی تەمەنی پەرلەمان، ھەرچەندە درێژکردنەوەی تەمەنی پەرلەمان تەنیا تا ئەو کاتەیە کە حکوومەت پێک دێت و بۆ چوار ساڵ نییە."

قائید میرۆ

 




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP