ههولێر-KDP.info- چاودێرانی سیاسی دەڵێن، پیلانگێڕانی دژی پێشمەرگە بە لایەنی کوردی و عێراقییەوە شەرمەزاربوونە، چونکە دوێنێ پیلانەکەیان سەرکەوتوو نەبوو و لە بەرانبەر ئیڕادەی بەرزی پێشمەرگە شکستی برد.
دوای ئەوەی هەندی لایەنی سیاسی لە پەرلەمانی عێراق دەنگدانی تایبەتی هەرێمی کوردستانیان لە پەرلەمانی عێراق بە ئامانج گرت، پەرلەمانی عێراق بڕیاری دا کە دەبێ دەنگدانی تایبەتی هەرێمی کوردستان بە پێشمەرگە و ئاسایش و پۆلیس لە ناوخۆی هەرێم و دەرەوە هەڵوەشێتەوە، ئیدی پارتی دیموکراتی کوردستان لە دادگای باڵای فیدراڵی تانەی لەو بڕیارە داو ئیدی دوێنێ دادگای باڵای فیدراڵی داوای تانەکەی پارتی دیموکراتی کوردستانی دایەوە و هەڵوەشاندنەوەی دەنگدانی تایبەتی لە هەرێم و دەرەوە بە نادەستووری وەسف کرد.
د.سهباح سوبحی چاودێری سیاسی و ماموستای زانكۆی زانسته سیاسییهكانی زانكۆی سهڵاحهدین، به ماڵپهڕی فهرمیی پارتی دیموكراتی كوردستانی ڕاگهیاند: "بڕیارهكانی دادگای سهركهوتنێكی باش بوو بهنیسبهت پارتی كه دهنگی پارتی گهڕایهوه و بڕیارهكهی دادگاش دیار بوو ههموو هاوڵاتیان یهكسانن بهرانبهر بهدادگا و جیاوازی نییه، بۆیه دهكرێت ئێمه ئهمه بكهینه بنهمایهك كه دهنگی هیچ كهسێك نهفهوتێت، بهتایبهت دهنگی پێشمهرگه كه قوربانی زۆری داوه و ئهزموونی ههرێمی پاراستووه ناكرێت ئهوان دهنگیان حیساب نهكرێت.
د.سوبحی راشکاوانە دەڵێ، هەندێ لایەنی نێوخۆی هەرێم بەو کارە هەڵسان بۆ ئەوەی هێزی پارتی کەمبکەنەوە و دژی پێشمەرگە و دەنگدانی تایبەت لەبەغدا بەمکارە هەڵسان، بەڵام شکستیان هێنا، بۆیە ئیرادەی گەل و پێشمەرگە سەرکەوت، ئەم سەرکەوتنەیش پارتی نەخشاندی چونکە بەرگریی یاسایی و دەستووری لە دەنگی پێشمەرگە کرد.
هەر پێوەست بەم پرسە، د.حەمید باڤی وەک چاودێرێکی سیاسی بۆ ماڵپەڕی فەرمیی پارتی دەڵێ، کارێکی نابەجێ بوو کە ویستیان دەنگی پێشمەرگە هەڵوەشێتەوە ئەی ئەو پێشمەرگانە نەبوون کە داعشیان شکاند، ئەی ئەوانە نەبوون کە هەرێمی کوردستان و سنووریان پاراست، ئەمە شەرمەزارییەکی گەورەبوو بۆ ئەو لایەنە کوردیانەی کە ئەو کارەیان کرد، بۆیە ئەوانە متمانەی خەلکیان لە دەستداوە و زیاتریش لە دەست دەدەن.
دەشڵێ، دوێنێ پیلانگێڕەکان دژی پێشمەرگە شکستیان برد، ئەمەش بە هیمەتی پارتی بوو چونکە نەیهێشت ئەم پیلانە دژی پێشمەرگە سەربگرێ، ئاخر سەیرلەوەدابوو لە نێو پەرلەمانی عێراقدا ئەوانەی لەوێبوون کۆدەنگبوون لەسەر دژایەتیکردنی پێشمەرگە، ئەمەش شەرمەزارییەکی گەورەبوو بۆ ئەو لایەنە کوردیانە کە ئەو کارەیان کرد.
محەمەد عەبدوڵڵا وەک پێشمەرگەیەک هەڵوێستی خۆی بۆ ماڵپەڕی فەرمیی پارتی دیاری کرد و دەڵێ، دوێنی بۆ ئێمە دیاربوو کە کێ بەرگریی لێکردین و کێش بوو کە ویستی دەنگی پێشمەرگە بفەوتێ، بۆیە ئێمە دڵخۆشین بەو هەنگاوەی پارتی دیموکراتی کوردستان و هەروەها شەرمەزارییە بۆ ئەوانەی کە دژی پێشمەرگەی کوردستان لە بەغدا سیاسەت دەکەن.
بڵند ئیبراهیم