Kurdî  ■  كوردی  ■  عربي
SAT, 22 SEP 2018 07:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"خێزانێكی كوردی ئێزدی چوونەتە شنگال و چارەنووسیان نادیارە"
| KDP.info


شنگال-KDP.info- ماوه‌ی شه‌ش ڕۆژه‌ خێزانێكی كوردی ئێزدی له ‌سنووری قه‌زای شێخان به ‌مه‌به‌ستی كارێكی ئیداره‌ی سه‌ردانی قه‌زای شنگالیان كردووه‌، به‌ڵام تاوه‌كو ئێستا نه‌گه‌ڕاونه‌ته‌وه‌ و چاره‌نووسیان نادیاره‌.

 

پێش شه‌ش ڕۆژ، مه‌دال قاسم له‌گه‌ڵ خێزانه‌كه‌ی، به‌ ناوی سۆنیا چه‌تۆ و كوڕه‌ سێ ساڵه‌كه‌یان بۆ كارێكی ئیداری له‌ ناحیه‌ی باعەدرێ سه‌ردانی قه‌زای شنگالیان كردووه‌ و تاوه‌كو ئێستا نه‌گه‌ڕاونه‌ته‌وه‌ بۆ ماڵی خۆیان و چاره‌نووسیان نادیاره‌.

 

له‌م باره‌یه‌وه‌، قایمقامی قه‌زای شنگال، مه‌حما خه‌لیل، به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "ڕاسته‌ ئه‌و خێزانه‌ سه‌ردانی قه‌زای شنگالیان كردووه‌ و ئێمه‌ به‌دواداچوونمان كردووه‌ و نازانین ئه‌و خێزانه‌ ئێستا له ‌كوێیه‌ و چاره‌نووسیان دیار نییه‌."

 

مه‌حما خه‌لیل گوتیشی: "ئێمه‌ به‌دواداچوونی به‌رده‌وام ده‌كه‌ین له‌گه‌ڵ هێزه‌ ئه‌منییه‌كان بۆ ئه‌وه‌ی بزانین چاره‌نووسی ئه‌و خێزانه‌ چییه‌ و چییان به‌سه‌ر هاتووه‌، چونكه‌ لەو ڕۆژه‌وە کە سه‌ردانی شنگالیان كردووه‌، چارەنووسیان دیار نییە."

 

سه‌یدۆ چه‌تۆ، نوێنه‌ری كوردانی ئێزدی له ‌ئه‌نجومه‌نی پارێزگای مووسڵ، به ‌ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "ئێمه‌ش ئاگاداری ئه‌وه‌ین كه‌ ئه‌و خێزانه‌ سه‌ردانی شنگالیان كردووه‌، به‌ڵام چاره‌نووسیان دیار نییه‌ و نازانین چییان به‌سه‌ر هاتووه‌ و به‌دواداچوون بۆ ئه‌و خێزانه‌ ده‌كه‌ین، تا چاره‌نووسیان دیار بێت."

 

له‌ شنگال چه‌ندین جۆرە هێز هه‌یه؛‌ له‌وانه‌ په‌كه‌كه‌ و حه‌شدی شه‌عبی و هێزه‌ عێراقییه‌كان، به‌رده‌وامیش زوڵم له‌ كوردانی ئێزدی ده‌كه‌ن و كوردانی ئێزدیش له‌ ترسی ئه‌و هێزانه‌، تا ئێستا زۆرینه‌یان ئاواره‌ن و نه‌گه‌ڕاونه‌ته‌وه‌ بۆ سه‌ر ماڵوحاڵی خۆیان.

 

بڵند ئیبراهیم

 




دوایین هەواڵەکان

سه‌رۆك بارزانی: یه‌كێتیی زانایان ڕێیان لە گەشەی هزری توندڕۆیی و ئینكار لەنێو خەڵكی كوردستان گرتووە

FRIDAY, 21 SEPTEMBER 2018 16:09:16

هه‌ولێر-KDP.info-  وێڕای پیرۆزبایی بەبۆنەی چل و هەشتەمین ساڵیادی دامەزراندنی یەكێتیی زانایانی ئایینی ئیسلامیی كوردستان، سه‌رۆك بارزانی پێزانینی هەیە بۆ ڕۆڵ و كاریگەریی یەكێتیی زانایان و مامۆستا و پیاوانی ئایینی، كە ڕێگەیان لە گەشەی هزری توندڕۆیی و ئینكار لەنێو خەڵكی كوردستان گرتووە و هەمیشە لە بارودۆخی سەخت و ئاڵۆزدا پشتیوانی دۆزی ڕەوای گەلەكەیان بوونە.

 
پەیامی پارتی، بەبۆنەی 48 ساڵەی یادی دامەزراندنی یەكێتیی زانایانی ئایینی ئیسلامیی كوردستان‎

FRIDAY, 21 SEPTEMBER 2018 16:09:37
هەولێر-KDP.info- بەبۆنەی (48)ەمین ساڵیادی دامەزراندنی یەكێتی زانایانی ئایینی ئیسلامی كوردستان، مەكتەبی سیاسی پارتی دیموكراتی كوردستان، له‌ په‌یامێكدا پیرۆزبایی دامەزراندنی یەكێتی زانایانی ئایینی ئیسلامی كوردستان ده‌كات. 
 
بەشی خۆم بۆ خۆم، بەشی تۆیش دەخۆم

FRIDAY, 21 SEPTEMBER 2018 15:09:00

هۆشیار سیوەیلی
کێشمەکێشەکانی پرسی سەرۆککۆماری عێراق لە ناو سەرکردایەتیی یەکێتی بە پلەی یەکەم و دواتر لە نێوان پارتی و یەکێتیدا هێشتا یەکلا نەبووه‌تەوە. هەرچەندە ئەنجوومەنی سەرکردایەتیی یەکێتی د. بەرهەم ساڵحی کاندید کردووە بۆ وەرگرتنی ئەو پۆستە، بەڵام دووبارەکردنەوەی سیناریۆی خوولی پێشوو کە دکتۆر نەیتوانی سەرکەوتن بە دەست بهێنێ، هێشتا ئەگەرێکە بە تایبەتی وەک دەبیستین کە دکتۆرێکی تری زۆر نزیک لە ناوەندی دەسەڵات، بە نیازن خۆیان کاندید بکه‌ن و پارتییش ناڕازییە بە دیاریکردنی تاکلایەنەی کاندید بۆ پۆستەکە.

کەریم سنجاری: نابێت فشار بخرێتەسەر هیچ کەسێک بۆ دەنگدان بە بەربژێرێکی دیاریکراو

FRIDAY, 21 SEPTEMBER 2018 13:09:58
هەولێر-KDP.info- وەزیری ناوخۆی هەرێمی کوردستان بەشداریی لە هەڵبژاردن و دەنگدان بە مافێکی رەوای هەر تاکێکی کۆمەڵگە ناودەبات و رایدەگەیێنێت، نابێت هیچ بەرپرس و ئەفسەر و فەرمانبەر و کارمەندێک لەهەر ئاستێکی وەزیفیدا بێت پاڵەپەستۆ و هەڕەشە بخاتەسەر هەر ئەفسەر و کارمەند و فەرمانبەرێک بۆ دەنگدان بە کاندیدێکی دیارییکراو و بەناچاری.
 
نێچیرڤان بارزانی: پارتی باوەڕی زۆربەی خەڵکی کوردستانی لەگەڵدایە

THURSDAY, 20 SEPTEMBER 2018 20:09:54

هه‌ولێر-KDP.info-  ئێوارەی ئەمڕۆ پێنجشەممە ٢٠/٩/٢٠١٨، بە ئامادەبوونی نێچیرڤان بارزانی جێگری سەرۆکی پارتی دیموکراتی کوردستان، ئه‌ندامانی مه‌كته‌بی سیاسی و سه‌ركردایه‌تیی و به‌رپرسانی لق و کاندیدانی پارتی بۆ پەرلەمانی کوردستان، ئاهەنگێکی بەرفراوانی جەماوەری بۆ ئافرەتان، لاوان و قوتابیانی کوردستان، لە پیشانگای نێودەوڵەتیی هەولێر ساز کرا.

 


 
© 2018 Kurdistan Democratic Party, KDP