Kurdî  ■  كوردی  ■  عربي
SUN, 17 FEB 2019 11:52 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"پەیامەكەی سەرۆك بارزانی، كلیلی چارەكردنی كێشەكانی ھەرێم و عێراقە"
| KDP.info


 

ھەولێر-KDP.info- لایەنە سیاسییەكان، پەیامەكەی " سەرۆك بارزانی" بە ئەرێنی دەبینن و باوەڕیان وایە، كلیلی چارەكردنی كێشەكانی كوردستان و عێراقە. دەشڵێن، لە بری ئەوەی لە ڕاگەیاندنەكانەوە وەڵام و وەڵامكاری بكرێت، پێویستە لەسەر مێزی گفتوگۆ دابنیشن.

١٥ی ٦ی ٢٠١٨، سەرۆك بارزانی پەیامێكی ئاڕاستەی لایەنە سیاسییەكانی ھەرێمی كوردستان كرد و تێیدا جەخت لە بنەمای جێبەجێكردنی دەستوور دەكاتەوە و دەڵێت، "پشتیوانیی ھەر ھەوڵێكی دڵسۆزانە و بەرپرسیارانە دەكەین كە بۆ چارەكردنی ئەو قەیرانە چەقبەستووەی ئێستای عێراق و بە تایبەتی چارەی دەستووریی پەیوەندییەكانی نێوان ھەرێم و بەغدا دەخرێنە ڕوو. ھیوادارین دوای جەژن ھەموو لایەنە سیاسییەكان بەشداریی گفتوگۆیەكی بنیاتنەر بكەن بۆ گەییشتن بە چارەیەكی ئاشتیانە و گونجاو كە لە بەرژەوەندیی ھەموو گەلانی عێراق و لەسەر  بنەمای جێبەجێكردنی دەستوور بێت".

ئەندامی مەكتەبی ڕاگەیاندنی پارتی دیموكراتی كوردستان، سالار عوسمان، پەیوەست بە پەیامەكەی "سەرۆك بارزانی"، بە ماڵپەڕی فەرمیی پارتی دیموكراتی كوردستانی ڕاگەیاند، "ھەمیشە سەرۆك بارزانی ئەم جۆرە پەیامانەی ھەبووە بۆ یەكڕیزی و تەبایی، ئەم جارەیش لەم پەیامەیدا دەیەوێت بە ھێز و لایەنە سیاسییەكانی كوردستان بڵێت كە یەكڕیزی و تەبایی ھەم كلیلی چارەكردنی كێشەكانە و ھەم دەكرێ لە ڕێی ئەم كلیلەوە پێكەوە بچین لەگەڵ لایەنە سیاسییەكانی عێراق بكەوینە گفتوگۆ بۆ پێكھێنانی دووبارە داڕسشتنەوەی ژیانی سیاسیی لە عێراقدا".

عوسمان دەشڵێ: "سەبارەت بە پەیامەكەی "سەرۆك بارزانی"، لایەنە سیاسییەكان خوێندنەوەی ئەرێنییان هەیە، چونكە وەك پێشتر باسمان كرد، كلیلی چارەكردنی تێكڕای كێشەكانە".

ئەندامی مەكتەبی ڕاگەیاندنی یەكێتیی نیشتیمانی كوردستان، ئازاد تۆفیق، بە ماڵپەڕی فەرمیی پارتی دیموكراتی كوردستانی ڕاگەیاند، "لە دوای ھەڵبژاردنەكانی ئەنجوومەنی نوێنەرانی عێراق و پاش پێكھاتنی ھەندێك لە كیانە سیاسییەكان بۆ پێكھێنانی حكوومەتی ئاییندە، كورد ھەنگاوێكی زۆر چووەتە پێشەوە، بێگومان حكوومەتی نوێی عێراقیش بە بێ كورد پێك نایەت".

تۆفیق گوتیشی، "كورد پێویستی بە یەكڕیزی و یەكدەنگی ھەیە، ئێستایش كە پارتی و یەكێتی دوو هێزی سەرەكیی ھەرێمی كوردستانن، ئەو دوو ھێزە لە پەیامەكانیان و لە دەنگیان و لە ڕەنگیان بۆ یەكڕیزیی ھێزە كوردستانییەكانی ھەرێم، دەنگێكی گەورەی نێو گۆڕەپانی بزووتنەوەی ڕزگاریخوازانەی گەلی كوردستانن، بۆیە كورد پێویستی بە یەكدەنگی  و یەكگوتاری و یەكماڵی ھەیە".

ئەو هەروەها دەشڵێت، "ئەم یەكگوتاری و یەكدەنگییەیش لە پەیامەكەی جەنابی مەسعوود بارزانیدا ھاتووە كە لە جەژن بۆ لایەنە سیاسییە كوردستانییەكانی بڵاو كردووەتەوە. پەیامی یەكێتیی نیشتیمانیی كوردستانیش لەپاڵ یەكڕیزیی یەكێتی و پارتی پێویستمان به‌یەكڕیزیی تەواوی ھێزە كوردستانییەكان ھەیە، بەو ھیوایەم گشت ھێزە كوردستانییەكان بە ژمارەی كورسی و كەمی و زۆریی دەنگەكانیان سەیری پێگە و قورساییی خۆیان نەكەن و بەدەم بانگەوازەكەی یەكێتی و پارتییەوە بێن بۆ یەكلاكردنەوەی سەرجەم كێشەكانی ھەرێم و عێراق".

ئەندامی مەكتەبی سیاسیی حزبی شیوعی، زیرەك كەمال، بۆ ماڵپەڕی فەرمیی پارتی دیموكراتی كوردستان گوتی، "لەسەر ئاستی كوردستان و عێراقیش، دوای دەرئەنجامەكانی ھەڵبژاردن لیكترازانێكی گەورە لە ناوەندی سیاسیی حزبەكانی عێراق و ھەرێمی كوردستانیش دروست بووە، بۆیە پێویستمان بە دیالۆگ و دانیشتن و یەكڕیزییە".

كەمال ئاماژەیشی دا، "دەبینین زۆربەی حزب و لایەنە سیاسییەكان لە كەناڵەكانی ڕاگەیاندنەوە یەكتری دەدوێنن، ئەویش تەنیا وەڵام و وەڵامكارییە و پەرچەكردارە، بۆیە كۆبوونەوەیەكی گەورەی لایەنە ساسییەكان، ھەنگاوی یەكەمە بۆ ڕەواندنەوەی ئەو گومان و لێكترازان و كێشانەی دروست بوون".

 

فایزە كۆیی

 




دوایین هەواڵەکان

مەسروور بارزانی لەگەڵ ئەندامانی كۆنگرێسی ئەمەریكا كۆ بووەوە

SUNDAY, 17 FEBRUARY 2019 11:02:44

ئەڵمانیا-KDP.info- لە بەردەوامیی دیدار و كۆبوونەوەكانی لەگەڵ وەزیر و كاربەدەستانی وڵاتانی جیهان لە پەراوێزی كۆنگرەی ئاسایشی میونشن، مەسروور بارزانی، راوێژكاری ئەنجوومەنی ئاسایشی هەرێمی كوردستان، لەگەڵ ئیلیسا سلۆتكین و ئەلیسە ستافانیك، ئەندامانی كۆنگرێسی ئەمەریكا كۆ بووەوە.

 
ناوەڕۆكی كۆبوونەوەی مەسروور بارزانی و وەزیری دەوڵەت بۆ كاروباری دەرەوەی ئیمارات

SUNDAY, 17 FEBRUARY 2019 11:02:06

ئەڵمانیا-KDP.info- لە دووەم رۆژی كۆنفڕانسی ئاسایشی میونشندا، مەسروور بارزانی، راوێژكاری ئەنجوومەنی ئاسایشی هەرێمی كوردستان، دوێنێ شەممە 16/02/2019، لەگەڵ ئەنوەر قەرقاش، وەزیری دەوڵەت بۆ كاروباری دەرەوەی ئیمارات كۆ بووەوە.

 
ناوەڕۆكی كۆبوونەوەی مەسروور بارزانی و وەزیری دەوڵەت بۆ كاروباری دەرەوەی ئیمارات

SUNDAY, 17 FEBRUARY 2019 10:02:24

ئەڵمانیا-KDP.info- لە دووەم رۆژی كۆنفڕانسی ئاسایشی میونشندا، مەسروور بارزانی، راوێژكاری ئەنجوومەنی ئاسایشی هەرێمی كوردستان، دوێنێ شەممە 16/02/2019، لەگەڵ ئەنوەر قەرقاش، وەزیری دەوڵەت بۆ كاروباری دەرەوەی ئیمارات كۆ بووەوە.

 
مەسروور بارزانی و وەزیری بەرگریی ئەڵمانیا كۆ بوونەوە

SUNDAY, 17 FEBRUARY 2019 10:02:34

ئەڵمانیا-KDP.info- مەسروور بارزانی، راوێژكاری ئەنجوومەنی ئاسایشی هەرێمی كوردستان، لە دووەم رۆژی كۆنفڕانسی ئاسایشی میونشندا، دوێنێ شەممە 16/02/2019، لەگەڵ خاتوو ئۆرسۆلا ڤۆندێرلاین، وەزیری بەرگریی ئەڵمانیا كۆ بووەوە.

 
مەحموود عوسمان: نزیكبوونەوەی حیزبەكان لە ڕێككەوتن ئومێدبەخشە

SUNDAY, 17 FEBRUARY 2019 10:02:31

سلێمانی-KDP.info- حیزبەكانی براوەی هەڵبژاردنەكانی كوردستان، لە كۆبوونەوە و دانوستاندان بۆ پێكهێنانی كابینەی نۆیەمی حكوومەتی هەرێمی كوردستان، سیاسەتمەداری كورد مەحموود عوسمان دەڵێ، نزیكبوونەوەی حیزبەكان ئومێدبەخشە و، داواش دەكات بە زوویی حكوومەتی نوێ ڕابگەیەندرێت.

 


 
© 2018 Kurdistan Democratic Party, KDP