Kurdî  ■  كوردی  ■  عربي
SAT, 22 SEP 2018 07:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عارف ڕوشدی: لە چوارچێوەی پەیامەكەی سەرۆكدا، ئامادەكاری بۆ كۆبوونەوەی لایەنەكان كراوە
| KDP.info


 

هەولێر-KDP.info- سەرۆك بارزانی، لە پەیامی جەژنی رەمەزاندا داوای لە گشت ھێزە سیاسییەكانی ھەرێمی كوردستان كرد، بۆ دەربازكردنی ئەم قۆناغە، دوای جەژن كۆ ببنەوە، راوێژكاری مەكتەبی سیاسیی پارتییش دەڵێ، خواستی سەرۆك بارزانی یەكڕیزیی نێوان لایەنەكانە و، دەست بە ئامادەكاری بۆ ئەنجامدانی كۆبوونەوەی لایەنەكان كراوە.

عارف ڕوشدی، راوێژكاری مەكتەبی سیاسیی پارتی، بە ماڵپەڕی فەرمیی پارتی دیموكراتی كوردستانی راگەیاند، "ئەگەر بە ویژدانەوە سەیری پرسەكان بكەین، بەردەوام خواستی سەرەكیی سەرۆك بارزانی ئەوە بووە كە ھێزە سیاسییەكانی ھەرێمی كوردستان یەكڕیز بن، بە تایبەت لە پرسە نیشتیمانی و نەتەوەییەكاندا، ئەو داوایەی سەرۆك بارزانی كە بە بۆنەوەی جەژنی رەمەزانەوە لە پەیامەكەیدا بڵاوی كردەوە، ھەر لەو چوارچێوەیەدایە و مانای ئەوە دەگەیەنێ كە خەباتی سەرۆك بارزانی بەردەوامە لە پێناو یەكخستنی ھێزە كوردستانییەكاندا. سەرۆك بارزانی لەبارەی پرسە ھەنووكەییەكان و رەوشی عێراق لە پەیامەكەیدا ھیوای ئەوەی خواستووە دوای جەژن ھەموو لایەنە سیاسیییەكان بەشداریی گفتوگۆیەكی بنیاتنەر بكەن بۆ گەییشتن بە چارەسەرێكی ئاشتیانە و گونجاو، كە لە بەرژەوەندیی ھەموو گەلانی عێراق و لەسەر  بنەمای جێبەجێكردنی دەستوور بێت".

لە بەشێكی پەیامەكەیدا، سەرۆك بارزانی دەڵێت كە پشتیوانیی ھەر ھەوڵێكی دڵسۆزانە و بەرپرسیارانە دەكەین كە بۆ چارەسەری ئەو قەیرانە چەقبەستووەی ئێستای عێراق و بە تایبەتی چارەسەریی دەستووریی پەیوەندیییەكانی نێوان ھەرێم و بەغدا دەخرێنە ڕوو.

وەك راوێژكارەكەی مەكتەبی سیاسیی پارتییش گوتی، "من لەو بڕوایەدام لە چەند رۆژانی دابێت لایەنە سیاسییەكان ئاگادار دەكرێنەوە بۆ كۆبوونەوە و، ھیوادارم وەڵامێكی پۆزەتیڤ ھەبێت لەلایەن گشت ھێز و لایەنە كوردستانییەكانەوە، تا بتوانن ھەنگاو بۆ پێشەوە بنێن و لە ناكۆكی دوور كەونەوە، چونكە ئاشكرایە كێشەی ئێمە وەك ھەرێمی كوردستان لەگەڵ بەغدا، كێشەی پۆست و دەستكەوتی حزبی نییە، بەڵكوو كێشەی ئێمە، كێشەی خاك و مافی میللەتی كوردستانە و ئەگەر چارە نەكرێن ھەموو پۆستەكانی عێراقیش بە ئێمە بدرێن، ناتوانین ھیچ بكەین، لەبەر ئەوە چاوەڕێ دەكەین ھەنگاوەكانی دوای جەژن ئەرێنی بن، بە تایبەتی ئەو لایانە سیاسیانەی داوەت دەكرێن بۆ دروستكردنی یەكڕیزی".

لەبارەی دیاریكردنی كاتی كۆبوونەوەكەوە، ڕوشدی ئاماژەی دا، "ھەتا ئێستا كاتی كۆبوونەوەكە دیاری نەكراوە، بەڵام وا خەریكە پەیوەندی بە لایەنەكانەوە دەكرێت، ئەگەر لایەنەكان بێنە پێشەوە بە ئامادەبوونی سەرۆك بارزانی كۆبوونەوەكە بەڕێوە دەچێت، پێویستە بە ھەموو لایەكەوە ھەوڵ بدرێت ئەو گرفتە دەرباز بكرێت و خواستی سەرۆك بارزانی بە ھەند وەربگرن، تا بتوانین پێكەوە سەروەرییەكی نیشتیمانی تومار بكەین".

 

قائید میرۆ




دوایین هەواڵەکان

سه‌رۆك بارزانی: یه‌كێتیی زانایان ڕێیان لە گەشەی هزری توندڕۆیی و ئینكار لەنێو خەڵكی كوردستان گرتووە

FRIDAY, 21 SEPTEMBER 2018 16:09:16

هه‌ولێر-KDP.info-  وێڕای پیرۆزبایی بەبۆنەی چل و هەشتەمین ساڵیادی دامەزراندنی یەكێتیی زانایانی ئایینی ئیسلامیی كوردستان، سه‌رۆك بارزانی پێزانینی هەیە بۆ ڕۆڵ و كاریگەریی یەكێتیی زانایان و مامۆستا و پیاوانی ئایینی، كە ڕێگەیان لە گەشەی هزری توندڕۆیی و ئینكار لەنێو خەڵكی كوردستان گرتووە و هەمیشە لە بارودۆخی سەخت و ئاڵۆزدا پشتیوانی دۆزی ڕەوای گەلەكەیان بوونە.

 
پەیامی پارتی، بەبۆنەی 48 ساڵەی یادی دامەزراندنی یەكێتیی زانایانی ئایینی ئیسلامیی كوردستان‎

FRIDAY, 21 SEPTEMBER 2018 16:09:37
هەولێر-KDP.info- بەبۆنەی (48)ەمین ساڵیادی دامەزراندنی یەكێتی زانایانی ئایینی ئیسلامی كوردستان، مەكتەبی سیاسی پارتی دیموكراتی كوردستان، له‌ په‌یامێكدا پیرۆزبایی دامەزراندنی یەكێتی زانایانی ئایینی ئیسلامی كوردستان ده‌كات. 
 
بەشی خۆم بۆ خۆم، بەشی تۆیش دەخۆم

FRIDAY, 21 SEPTEMBER 2018 15:09:00

هۆشیار سیوەیلی
کێشمەکێشەکانی پرسی سەرۆککۆماری عێراق لە ناو سەرکردایەتیی یەکێتی بە پلەی یەکەم و دواتر لە نێوان پارتی و یەکێتیدا هێشتا یەکلا نەبووه‌تەوە. هەرچەندە ئەنجوومەنی سەرکردایەتیی یەکێتی د. بەرهەم ساڵحی کاندید کردووە بۆ وەرگرتنی ئەو پۆستە، بەڵام دووبارەکردنەوەی سیناریۆی خوولی پێشوو کە دکتۆر نەیتوانی سەرکەوتن بە دەست بهێنێ، هێشتا ئەگەرێکە بە تایبەتی وەک دەبیستین کە دکتۆرێکی تری زۆر نزیک لە ناوەندی دەسەڵات، بە نیازن خۆیان کاندید بکه‌ن و پارتییش ناڕازییە بە دیاریکردنی تاکلایەنەی کاندید بۆ پۆستەکە.

کەریم سنجاری: نابێت فشار بخرێتەسەر هیچ کەسێک بۆ دەنگدان بە بەربژێرێکی دیاریکراو

FRIDAY, 21 SEPTEMBER 2018 13:09:58
هەولێر-KDP.info- وەزیری ناوخۆی هەرێمی کوردستان بەشداریی لە هەڵبژاردن و دەنگدان بە مافێکی رەوای هەر تاکێکی کۆمەڵگە ناودەبات و رایدەگەیێنێت، نابێت هیچ بەرپرس و ئەفسەر و فەرمانبەر و کارمەندێک لەهەر ئاستێکی وەزیفیدا بێت پاڵەپەستۆ و هەڕەشە بخاتەسەر هەر ئەفسەر و کارمەند و فەرمانبەرێک بۆ دەنگدان بە کاندیدێکی دیارییکراو و بەناچاری.
 
نێچیرڤان بارزانی: پارتی باوەڕی زۆربەی خەڵکی کوردستانی لەگەڵدایە

THURSDAY, 20 SEPTEMBER 2018 20:09:54

هه‌ولێر-KDP.info-  ئێوارەی ئەمڕۆ پێنجشەممە ٢٠/٩/٢٠١٨، بە ئامادەبوونی نێچیرڤان بارزانی جێگری سەرۆکی پارتی دیموکراتی کوردستان، ئه‌ندامانی مه‌كته‌بی سیاسی و سه‌ركردایه‌تیی و به‌رپرسانی لق و کاندیدانی پارتی بۆ پەرلەمانی کوردستان، ئاهەنگێکی بەرفراوانی جەماوەری بۆ ئافرەتان، لاوان و قوتابیانی کوردستان، لە پیشانگای نێودەوڵەتیی هەولێر ساز کرا.

 


 
© 2018 Kurdistan Democratic Party, KDP