Kurdî  ■  كوردی  ■  عربي
FRI, 20 JUL 2018 13:37 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"لە عەفرین خەڵک ئازار دەدرێ"
| KDP.info


عەفرین-KDP.info- چاودێرێکی سیاسی دەڵێ، گروپەچەکدارەکان لە  عەفرین خەڵکی بەتوندترین شێوە ئازار دەدەن، رێکخراوی هیومان وۆچ ئاشکرای کردووە کە چەکدارەکان لەگەڵ ئەوەی خەڵکی ئازار دەدەن، شوێنەکانیش خاپوور دەکەن تا خەڵکی نەگەڕێنەوە.

ئیسماعیل شەریف، بە ماڵپەری فەرمیی پارتی دیموکراتی کوردستان گوت:'' گروپە چەکدارەکان لە شاری عەفرین جوتیارێکیان بە ناوی محەمەد ئیبراهیم زۆر بە توندی ئازار داوە، ئەو خۆی خەڵکی ناوچەی خەلیلۆکایی سەر بە عەفرینە، لەکاردابوو گروپێکی چەکدار لێی پەیدابوون و بە توندترین شێوە ئازاریان دا.

ئەم جوتیارە تەمەنی ٥٤ ساڵە و کاری جوتیاری دەکات، وەک ئیسماعیل شەریف دەڵێ، ئەو هیچ پێوەندی بەکاری سیاسییەوە نییە، بەڵام گروپی چەکداری سەر بە سولتان موراد هاتن و بە توندترین شێوە لێیان داوە و سوکایەتیشیان بە خیزانەکەی کردووە، ئێستا ئەم جوتیارە باری تەندروستی نالەبارە.

بەگوێرەی زانیارییەکانی شەریف، ئەم جۆرە رەفتارەی گروپە چەکدارەکان بەردەوامە و خەڵکی عەفرین زۆر ئازار دەدەن، حەفتەی رابردوویش هێرشیان کردە سەر ئەحمەد شێخۆ جێگەری سەرۆکی ئەنجوومەنی شاری شیای سەر بەعەفرین و ئەمیش هاوشێوەی ئەو جووتیارە ئازاردرا و لێیان داوە.

بۆ ناڕازایەتی دەربڕین لەسەر ئەمجۆرە رەفتارانە، ئەنەکەسە راگەیاندراوێکی بڵاوکردەوە و تێیدا هاتووە کە کە کاری نامرۆیی زۆر لە عەفرین لە لایەن گروپە چەکدارەکانەوە دەکرێ، داوایش لە رێکخراوەکانی کۆمەڵگەی مەدەنی و مافی مرۆڤ دەکەن بەزوویی لە دژی ئەم رەفتارانە بێنە سەرهێڵ.

رێکخراوی هیومان وۆچ قسەی لەسەر عەفرین هەیە، بەڕێوەبەری کاتی بەشی فریاکەوتن لەو رێکرخراوە پێوەست بە چاودێری دۆخی سووریا بریانکا مۆتابارسی، دەڵێ، گروپێکی چەکداری زۆر لە عەفرین هەن و ماڵی خەڵکی تاڵان دەکەن و خەڵکی ئازار دەدەن، ئەم گروپانە چەندین شوێنیان خاپوور کردووە، بۆ ئەوەی خەڵکی نەگەڕێنەوە عەفرین.
پێشووتریش ئەنەکەسە رایانگەیاندووە کە دۆخی عەفرین زۆر خراپە و رەوشەکە نالەبارە.

کـــاروان بـــاعەدری


 




دوایین هەواڵەکان

چەواشەکارییەکان لە بارەی سەدی بێخمەوە هەر بەردەوامن

FRIDAY, 20 JULY 2018 12:07:22

چاودێرێک
هیچ شتێک لەوە ئاسانتر نییە کای کۆن بە با کەیت و حەقیقەتەکان ئاوەژوو بکەیتەوە، بەشكم نانێكی لێ بخۆی. شانۆنووسی گەورەی ئەلمانی دەڵێ: ئەوەی هەقیقەت نازانێ، گێلە و ئەوەیشی دەیزانێ و خۆی لێ گێل دەکات تاوانبارە! جا نازانین هەڵسوڕێنراوانی ئەو چەند میدیا کوردی و عەرەبییەی بە یەک نیەت و میلۆدی باسی هۆکاری دروستنەکردنی بەنداوی بێخمە دەکەن، لە توخمی گێلەکەن یا تاوانباران!

نێردە و ڕاوێژكاری یەكێتیی ئەورووپا ستایشی هێزە ئەمنییەكانی هەولێر دەكەن

THURSDAY, 19 JULY 2018 17:07:38

هەولێر-KDP.info- شاندێكی نێردە و ڕاوێژكاری یەكێتیی ئەورووپا بۆ كاروباری ئەمنی، لە دیدارێكیاندا لەگەڵ بەڕێوەبەری پۆلیسی هەولێر، ستایشی هێزە ئەمنییەكانی هەولێریان كرد لە دابینكردنی ئەمنییەت و سەقامگیری بۆ هاووڵاتیان.

 
"حکوومەتی ھەرێم ئامادەکاری بۆ پڕۆژەبودجەی ساڵی ٢٠١٩ دەکات"

THURSDAY, 19 JULY 2018 15:07:02

هەولێر-KDP.info-  لە لایەن وەزارەتی دارایی و ئابووریی حکوومەتی ھەرێمی کوردستانەوە ھەموو وەزارەتەکان ڕاسپێردراون کە ئامادەکاری بکەن بۆ بودجەی ساڵی دابێ. بەرپرسێکی وەزارەتی پەروەردە ئاشکرای کرد، ئەگەر بودجە بۆ ساڵی دابێت دابین بکرێت، مامۆستاش دادەمەزرێنن.

 
"داعش و حەشد هەریەکەو لە لایەکەوە هەڕەشە لە کوردانی کاکەیی دەکەن"

THURSDAY, 19 JULY 2018 15:07:32

هەولێر-KDP.info-  کوردانی کاکەیی لە نێوان داعش و حەشدی شەعبیدا بوونەتە قوربانی و لە لایەک حەشد دەیەوێت بەزۆر چەکیان بکات و لە لایەکی دیکەوە شەوانە داعش ھەڵدەکۆتێتە سەریان. چالاکێکی کوردی کاکەیی دەڵێ، خەریکە ناوچەکە چۆڵ دەبێت لە کاکەیی و بە ھەموو لایەک ھەر زوڵم لە کاکەیی دەکەن.

 
"ژێرخانی ئەلکترۆنیی ئەمەریکا لەژێر هەڕەشەی ڕووسیادایە"

THURSDAY, 19 JULY 2018 15:07:10

هەولێر-KDP.info- گەورەترین کێشە کە بۆ هەڵبژاردنی مانگی ١١ی ئەمساڵ  بەرۆکی بە ترامپ گرتووە، پرسی دەستوەردانی ڕووسیایە لە ژێرخانی ئەلکترۆنیی دیجیتاڵیی ئەمەریکا، بۆیە ترامپ بەرەو کوێ دەچێ ئەو پرسە بە دوایی دێت.

 


 
© 2018 Kurdistan Democratic Party, KDP