Kurdî  ■  كوردی  ■  عربي
WED, 16 JAN 2019 18:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کەنعان خەیلانی: لایەنی کورد هەن دەیانەوێت هەڵبژاردن دوا بخەن
| KDP.info


هەولێر-KDP.info- مانگی ٩ی ئەمساڵ وادەی یاساییی ئەنجومەنی پارێزگاکان تەواو دەبێت، سەرۆکی فراکسیۆنی پارتیش لە ئەنجومەنی پارێزگای هەولێر ڕایدەگەیەنێت، داوایان لە ئەنجومەنی وەزیران کردووە، وادەی هەڵبژاردن دیاری بکەن.

٢٣ی ٩ی ئەمساڵ کۆتایی بەم خولەی ئەنجومەنی پارێزگاکانی هەرێمی کوردستان دێت، بۆ ئەو مەبەستەش فراکسیۆنی پارتی لە ئەنجومەنی پارێزگای هەولێر و سەرۆکی فراکسیۆنەکە ئاشکرای کرد، مانگی ٤ی ڕابردوو نووسراویان لەو بارەیەوە بۆ ئەنجومەنی وەزیران بەرز کردووەتەوە و داوایان کردووە، ڕۆژێک بۆ هەڵبژاردنی ئەنجومەنی پارێزگاکان دیاری بکەن.

کەنعان خەیلانی بە ماڵپەڕی فەرمیی پارتی دیموکراتی کوردستانی ڕاگەیاند: "دوای تەواوبوونی خولی ئەنجومەنی پارێزگاکان لە ڕووی یاساییەوە شەرعییەتی نامێنێت، بە پێی یاسای ژمارە ٣، سێ مانگ لە بەردەستمان دەبێت، کە ئەنجومەنی وەزیرانی هەرێم ڕۆژی هەڵبژاردن دیاری بکات".

ناوبراو بۆچوونی فراکسیۆنەکەی و پارتی دیموکراتی کوردستانیش دەخاتە ڕوو، کە هەمێشە لەگەڵ ئەنجامدانی هەڵبژاردندا بوون لە کات و ساتی خۆی، ڕوونیشی دەکاتەوە پێشیان باشە هەردوو هەڵبژاردنی پەرلەمان و ئەنجومەنی پارێزگاکانی هەرێم پێکەوە بکرێن، ڕوونیشی دەکاتەوە، وەها بڕیارێک لە ئەستۆی ئەنجومەنی وەزیرانی هەرێمی کوردستانە، بەو واتایەی کە ئەو لایەنە سیاسییانەی بەشداری حکوومەتن، بە ڕێککەوتن دەبێ ئەو بڕیارە بدەن.

جەختیشی کردەوە، وەک فراکسیۆنی پارتی لە ئەنجومەنی پارێزگای هەولێر، بە نووسراوی فەرمی ئەنجومەنی وەزیرانی هەرێمیان لە مانگی ٤ی ڕابردوو ئاگادار کردووەتەوە، لە ٢٣ی ٩ وادەی یاساییی ئەنجومەنی پارێزگاکان کۆتایی دێت، بە هیوای دیاریکردنی ڕۆژی هەڵبژاردنی داهاتوون، هەرکاتێکیش ڕۆژەکە دیاری بکرێت، پێوەی پابەند دەبین.

خەیلانی ئەوەشی نەشاردەوە، کە هەندێ لایەن هەوڵی دواخستنی هەڵبژاردنی پەرلەمانی کوردستانیش دەدەن، هێمایشی بۆ ئەوەکرد، کەوا پارتی لە هەڵبژاردنی ئەنجومەنی نوێنەرانی عێراق و پەرلەمانی هەرێمی کوردستان ترسی نەبووە و داوای کردووە لە وادەی خۆیدا بکرێت، چۆن ترسی لە هەڵبژاردنی ئەنجومەنی پارێزگاکان هەیە.

جەختیشی کردەوە، کەوا پارتی سوورە لەسەر ئەوەی هەڵبژاردنەکان لە وادەی خۆیاندا بکرێن، سازشیش ناکەن، مەگەر ئەوەی لایەنە سیاسییەکانی تر هاوڕا نەبن، گوتیشی: "بۆ وەبیرهێنانەوە، پاریش پارتی پێداگر بوو، کە هەڵبژاردنی پەرلەمان لە وادەی خۆیدا بکرێت، بەڵام هەندێ لایەن ڕازی نەبوون و دوایان خست، ئێستاش ئەو لایەنانە هەوڵ دەدەن ئەم هەڵبژاردنەش بۆ ساڵی داهاتوو دوا بخرێت".

خێڵان بەختیار




دوایین هەواڵەکان

دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 
"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"

WEDNESDAY, 16 JANUARY 2019 15:01:30

کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

 
دیندار زێباری: بە گوێرەی یاسا مامەڵە لەگەڵ دەستگیرکراوان کراوە

WEDNESDAY, 16 JANUARY 2019 15:01:59

هەولێر-KDP.info-   لە دوای هێرشی تیرۆریستانی داعش بۆ سەر چەند ناوچەیەکی کوردستان، بەردەوام لە چەند سەرچاوەیەکی نێودەوڵەتی و ناوخۆییەوە تۆمەتی مامەڵەی نەشیاو لەگەڵ دەستگیرکراوان دەخرێتە پاڵ دامودەزگاکانی حکوومەتی هەرێمی کوردستان؛ وەک هێشتنەوەی ڕاگیراوان بۆ ماوەیەکی زۆر بێ ئەوەی دادگایی بکرێن  و کەیسەکانیان یەکلا بکرێتەوە. د. دیندار زێباری، ڕێکخەری ڕاسپاردە نێودەوڵەتییەکانی حکوومەتی هەرێمی کوردستان سەبارەت بەم پرسە دەڵێ، بە گوێرەی یاسا مامەڵە لەگەڵ دەستگیرکراوان کراوە.

 
سه‌رۆک بارزانی به‌شداری له‌ پرسه‌ی مامۆستا محه‌مه‌د مه‌لا قادر کرد

WEDNESDAY, 16 JANUARY 2019 14:01:27

هەولێر-KDP.info-  سەرۆک بارزانی ئەمڕۆ لە هەولێری پایتەخت بەشداری لە مەراسیمی پرسەی مامۆستا محەمەد مەلا قادر کرد.



 
© 2018 Kurdistan Democratic Party, KDP