Kurdî  ■  كوردی  ■  عربي
WED, 22 AUG 2018 08:57 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"لە ھەولێر ٤٠% خواست لەسەر پڕۆژەکانی وەبەرھێنان زیادی کردووە"
| KDP.info


هەولێر-KDP.info- بەڕێوەبەری گشتیی وەبەرھێنانی ھەولێر ئاشکرای کرد، ڕەوشی کەرتی وەھەبەرھێنان بەروارد بە ساڵانی ڕابردوو باشترە و دەشڵێ، خواست لەسەر ئەنجامدانی پڕۆژەکانی وەبەرھێنان زۆر زیادی کردووە و بە ھۆی کەمتەرخەمیشەوە ٤٨ پڕۆژە لە ساڵانی ڕابردوودا ھەڵوەشێندراونەتەوە.

دوای دەرچوونی یاسای وەبەرھێنان لە ساڵی ٢٠٠٦ و دامەزراندنی دەستەی گشتیی وەبەرھێنان نزیکەی دووسەد ھەزار یەکەی نیشتەجێبوون لە ھەرێمی کوردستان دروست کراون، بەڵام لە دوای ھاتنی قەیرانی دارایی و شەڕی بەرەنگاربوونەوەی داعش، کەرتی وەبەرھێنان زیاتر لە ھەموو کەرتەکانی دیکە پاشەکشەی کرد. لەو بارەیەوە سامان عارەب، بەڕێوەبەری گشتیی وەبەرھێنانی پارێزگای ھەولێر بۆ ماڵپەڕی فەرمیی پارتی دیموکراتی کوردستانی ڕوون کردەوە: " ئەو گلەییانەی ساڵانی ڕابردوو لە کەرتی نیشتەجێبوون ھەبوو کەم بوونەتەوە، چونکە وەبەرھێنەرەکان ئێستا پشتیان بە قیستی ھاووڵاتیان بەستووە بۆ تەواوکردنی پڕۆژەکانیان، ھەر بۆ نموونە، چەند شارێک ھەبوون کێشەکانیان چارە کراون، ڕەوشەکە ئەمساڵ باشترە بەراورد بە ساڵانی ٢٠١٦ و ٢٠١٧، بەڵام بە ھۆی قەیرانی دارایی و شەڕی داعشەوە ئەو کێشانەی بۆ کەرتی وەبەرھێنان دروست بوون بە یەکجاری چارە نەبوون، ھەتا چەندیش ڕەوشی سیاسی و ئەمنی بەرەو باشتر بچێت کەرتی وەبەرھێنان زیاتر گەشە دەکات."

لە سنووری پارێزگای ھەولێر کەم نین ئەو پڕۆژانەی بە نیوەچڵی ماونەتەوە و کێشە لە نێوان کڕیار و وەبەرھێنەردا ھەیە، وەک بەڕێوەبەری گشتیی وەبەرھێنانی ھەولێر ئاشکرای کرد، بەشێک لەو کێشانە چارەیان بۆ دوزراوەتەوە و دەڵێت: "دەتوانم بڵێم چارە بۆ ھەموو ئەو پڕۆژانەی پێشتر کێشەیان ھەبوو، یان بە نیوەچڵی مابوونەوە بینراوەتەوە، لە سنووری پارێزگای ھەولێر تەنیا دوو پڕۆژە ھێشتا کێشەیان چارە نەکراوە، ئەوانیش دەشتی بەھەشت و پڕۆژەی کۆیە ستی، قەیرانەکەش کاریگەری ھەبوو تا چارەی پڕۆژەکانی وەبەرھێنان بکرێت و وەبەرھێنەرانیش خۆیان گونجاندووە لەگەڵ ڕەوشەکە."

پەیوەست بە تۆمارکردنی سکاڵا لەسەر وەبەرھێنەرە کەمتەرخەمەکان و گرتنەبەری ڕێوشوێنی یاسایی دژیان، ئەو بەرپرسەی وەبەرھێنان ئاماژەی بۆ ئەوە کرد، ژمارەیەک وەبەرھێنەر دەستگیر کراون و گوتی: "فەرمانی دەستگیرکردن بۆ ژمارەیەک وەبەرھێنەری کەمتەرخەم دەرچووە، بەداخەوە بەشێکیان ھەرێمی کوردستانیان بەجێ ھیشتووە و ھەندێکیش بە کەفالەت ئازاد کراون، ئێمە داوای یاساییمان لەسەر ژمارەیەک وەبەرھێنەر تۆمار کردووە، نایشارینەوە وەبەرھێنەری کەمتەرخەم ھەبوونە، ھەر ئەوەش وای کردووە لە سەرەتای دامەزراندنی دەستەی وەبەرھێنانەوە لە پارێزگای ھەولێر نزیکەی ٤٨ پڕۆژە ھەڵبوەشێنینەوە."

پێداچوونەوە بە شێوازی مۆڵەتدان بە پڕۆژەکانی وەبەرھێنان لە کەرتی نیشتەجێبووندا دەکرێت و وەک سامان عارەب دەڵێت، لەمەودوا مۆڵەت بە پڕۆژە گرانبەھا و ھایکۆستەکان نادرێت، چونکە ھۆکار نین بۆ کەمکردنەوەی قەیرانی نیشتەجێبوون، ھاوکات زانیاریی زیاتری دڕکاند و گوتی: "ھیچ بڕیارێک بۆ پێدانی مۆڵەت بە پڕۆژەکانی وەبەرھێنان لە کەرتی نیشتەجێبووندا نییە، دووبارە پێداچوونەوە بە ڕێنماییەکاندا دەکرێت، لەمەودوا مۆڵەت بەو پڕۆژانەی نرخیان بەرزە نادرێت، چونکە دروستکردنی ئەو جۆرە پڕۆژانە نابنە ھۆکار بۆ چارەسەرکردنی قەیرانی نیشتەجێبوون لە ھەرێمی کوردستان، بەڵام لە کەرتەکانی دیکەی پیشەسازی و کشتوکاڵ ئاژەڵداری و گەشتیاری پیشەکانی دیکە مۆڵەتیان پێ دەدرێت، ھەر وەبەرھێنەرێک پڕۆپۆزەل پێشکەش بکات بە پێی ڕێنماییەکان مۆڵەتی پێ دەدرێت."

بەڕێوەبەری گشتیی وەبەرھێنانی پارێزگای ھەولێر گوتی: "ئەمساڵ بەراورد بە ساڵی ڕابردوو ڕێژەی خواست لەسەر ئەنجامدانی پڕۆژەی وەبەرھێنان ٤٠% بەرز بووەتەوە، ئەمەش ڕێژەیەکی دڵخۆشکەرە بۆ گەشەکردنی کەرتی وەبەرھێنان لە دوای شەڕی داعش و قەیرانی دارایی."

قائید میرۆ

 




دوایین هەواڵەکان

یەکگرتوو: یەکلیستی هێز و لایەنە سیاسییەکان لە بەغدا، کورد بەهێز دەکات

TUESDAY, 21 AUGUST 2018 14:08:26

دهۆک-KDP.info-سەرۆکی ئەنجوومەنی سەرکردایەتی یەکگرتووی ئیسلامی کوردستان لە بادینان ڕایگەیاند، پێویستە کورد بە یەکلیستی بگەڕێتەوە بەغدا و چیدی خۆیان لە یەکدی بە دوور نەگرن.

نێچیرڤان بارزانی: كوردستان بە‌رە‌و ئایندە‌یە‌كی گە‌شتر ھە‌نگاودە‌نێت

TUESDAY, 21 AUGUST 2018 14:08:59

هەولێر-KDP.info-  نێچیرڤان بارزانی، سەرۆکوەزیرانی هەرێمی کوردستان پەیامێکی پیرۆزبایی بڵاوکردەوە و پیرۆزبایی خۆی ئاراستەی موسڵمانانی کوردستان و جیهان کرد و رایگەیاند، كوردستان بە‌رە‌و ئایندە‌یە‌كی گە‌شتر ھە‌نگاودە‌نێت.


رێکخەری راسپاردە نێودەوڵەتییەکان وه‌ڵامی تۆمه‌تی وەزارەتی دەرەوەی ئەمریکا ده‌داته‌وه‌

MONDAY, 20 AUGUST 2018 23:08:11

هه‌ولێر-KDP.info-  دیندار زێباری ده‌ڵێ، حکوومەتی هەرێمی کوردستان بە جیددی کار دەکات بۆ بەرەنگاربوونەوەی هەر جۆرە  توندوتیژییەک دژی ئافرەتان و بازرگانیکردن بە ئافرەتان و منداڵان و، بە توندی سزای ئەو کەسانە دەدات کە تاوانەکان ئەنجام دەدەن.

 
پەیامی پیرۆزبایی سەرۆک بارزانی بەبۆنەی جەژنی قوربان

MONDAY, 20 AUGUST 2018 22:08:41

هه‌ولێر-KDP.info-  بەبۆنەی جەژنی پیرۆزی قوربانه‌وه‌، سەرۆک بارزانی پیرۆزبایی لە خەڵکی کوردستان و عێراق دەکات، هه‌روه‌ها پیرۆزبایی ئاراستەی خانەوادەی سەربەرزی شەهیدان و پێشمەرگە قارەمانەکانی کوردستان دەکات.

 
پارتی پەیامێکی پیرۆزبایی راگەیاند

MONDAY, 20 AUGUST 2018 20:08:49

هەولێر-KDP.info-  مەكتەبی سیاسی پارتی دیموكراتی كوردستان بەبۆنەی جەژنی قوربانی پیرۆز، لە پەیامیدا دەڵێ، ئاواتەخوازین ئەو بۆنە پیرۆزە ببێتە مایەی ئایندەیەكی گەش بۆ گەلەكەمان و كوردستانیش هەر لە پێشكەوتن و ئاوەدانیی و ئارامیی دا بێت.

 


 
© 2018 Kurdistan Democratic Party, KDP