Kurdî  ■  كوردی  ■  عربي
FRI, 24 MAY 2019 14:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عەلی قادر: ده‌نگدانی هەولێر، پاكترین پڕۆسە بووە و ئامادەی بە دەست هەژماركردنه‌وه‌شین
| KDP.info


 

ھەولێر-KDP.info- سەرۆكی لقی هەولێری كۆمسیۆنی باڵای هەڵبژاردنەكانی عێراق، رایدەگەیێنێت كە پڕۆسەی هەڵبژاردن لە هەولێر، پاكترین پڕۆسە بووە، ئامادەیشن گەر بڕیار بدرێت بە دەست بژمێردرێنەوە، هەمان ئەنجامی ئێستای دەبێت.

١٢ی ئایاری ئەمساڵ، هەڵبژاردنی ئەنجوومەنی نوێنەرانی عێراق بەڕێوە چوو، دواتریش هەندێ لایەن لە ئەنجامەكەی رازی نەبوون، ئەنجوومەنی نوێنەرانی عێراقیش بڕیاری دا كە سەرجەمی دەنگەكان بە دەست بژمێردرێنەوە، هاوكات دوای سووتانی بەشێك لە سندووقەكانی دەنگدان لە كۆگاكەی رەسافەی بەغدا، ئوسامە نوجێفی داوای دووبارەكردنەوەی هەڵبژادنی كرد، وەزیری ناوخۆی عێراقیش رایگەیاند، كە ئاگركەوتنەوەكە بە ئەنقەست كراوە، لە لایەكی ترشەوە بۆ هەر بڕیارێك لە بارەی ئەنجامی هەڵبژاردنەكان، بۆ ژماردنەوەی دەستی، یانیش دووبارەكردنەوەی، حەیدەر عەبادی، سەرۆكوەزیرانی عێراق، رایگەیاند، كە ئەمە لە دەسەڵاتی دادگای باڵای فیدراڵی عێراقدایە.

 عەلی قادر، بەرپرسی لقی هەولێری كۆمسیۆنی باڵای سەربەخۆی هەڵبژاردنەكانی عێراق، بە ماڵپەڕی فەرمیی پارتی دیموكراتی كوردستانی راگەیاند: "ئێمە وەك لقی هەولێری كۆمسیۆن ئامادەین هەر كاتێك بڕیار بدرێت دەنگەكان بە دەست هەژمار بكرێنەوە، دەیكەین".

قادر، هەروەها دڵنیایی دا لەوەی كە گەر بە دەستیش دەنگەكان بژمێردرێنەوە، لە هەولێر هەمان ئەنجامی ئێستای دەبێت. وەك خۆیشی ئاشكرای كرد، پڕۆسەی هەڵبژاردنەكە لە پارێزگای هەولێر، پاكترین پڕۆسە بووە.

سەرۆكی لقی هەولێری كۆمسیۆنی باڵای هەڵبژاردنەكانی عێراق، روونیشی كردەوە، ئەوان وەك لقی كۆمسیۆن هاوكاریی هەموو لایەنەكان دەكەن، تاوەكو دوودڵی و گومانەكانیان بڕەوێنەوە.

 

خێڵان بەختیار

 




دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP