Kurdî  ■  كوردی  ■  عربي
FRI, 24 MAY 2019 14:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لقی٣: ئاشكرایه‌ كێن ئه‌وانه‌ی ده‌ستیان به‌سه‌ر سندووقەکانی دەنگدانی کەرکووكدا گرتووه‌
| KDP.info


توركومانه‌ مانگرتووه‌كان، له‌و شوێنه‌ی سندووقه‌كانی ده‌نگدانیان لێ گه‌مارۆ داوه‌. ئه‌رشیڤ

 

هه‌ولێر-KDP.info-  بەرپرسێکی پارتی دیموکراتی کوردستان رەتی کردەوە پارتی ھیچ دەستوەردانێکی ھەبێت لە پڕۆسەی ھەڵبژاردنی سنووری کەرکووک و  جه‌ختی كرده‌وه‌، كه‌ تورکومان و عەرەبی کەرکووک ئەو بنکەیەیان گەمارۆ داوە کە سندووقی دەنگدانی پارێزگای تێدا دەپارێزرێت.

پارتی دیموکراتی کوردستان بەھۆی داگیرکاریی حەشد و ھێزە عێراقییەکانه‌وه‌ بایکۆتی پڕۆسەی ھەڵبژاردنی ١٢ی مانگی رابردووی لە سنووری پارێزگای کەرکووک کرد. ئەوەشی دەربارەی دەستوەردانی پارتی له‌ پڕۆسه‌كه‌ لە ھەندێ كه‌ناڵی میدیادا بڵاو دەکرێتەوە، بەرپرسی لقی ٣ی پارتی دیموكراتی كوردستان ڕه‌تی دەکاتەوە و ده‌ڵێ ''قسه‌ی بێبنه‌مان.''

دکتۆر محەممەد خورشید، بە ماڵپەڕی فەرمیی پارتی دیموکراتی کوردستانی راگەیاند "پارتی دیموکراتی کوردستان ھەر لە سەرەتاوە بایکۆتی پڕۆسەی ھەڵبژاردنی لە پارێزگای کەرکووک کردووە، هه‌ڵبه‌ت بەھۆی داگیرکارییەوە، بە ھیچ شێوەیەکیش دەستمان نەخستووتە نێو پڕۆسەکە لەو سنوورە، ئەوەشی بڵاو دەکرێتەوە لێرەو لەوێ کە پارتی دەستی ھەیە لەوەی رەوشەکە بە ئاقارێکی تردا ببات، ھیچ راست نییە. ئینجا ھەندێ لایەنی کوردی كه‌ وا بڵاوی دەکەنەوە گوایە ھەندێ لایەنی کوردی پیلانی ھەیە دژی کەرکووک و دەیانەوێ دەستکاری ئەنجامەکانی ھەڵبژاردن بکەن، خۆ چوار لایەنی کوردی بەشدار لە ھەڵبژاردنی سنووری پارێزگای کەرکووک دژایەتیی خۆیان بۆ ئەنجامەکان نەشاردووه‌تەوە و دەڵێن دەستکاریی دەنگەکانمان کراوە و ساختەکاریی زۆر کراوە.''

ھەردوو پێکھاتەی عەرەب و تورکومانی کەرکووک ئەنجامی ھەڵبژاردنی١٢ی ئایار لە پارێزگای کەرکووک ڕەت دەکەنەوە؛ ئه‌وان داوای دووبارەکردنەوەی پڕۆسی ھەڵبژاردن دەکەن و، به‌ ده‌نگی به‌رز ده‌ڵێن ساختەکاریی زۆر لە پڕۆسەکەد کراو.
دکتۆر محەممەد خورشید ڕوونی ده‌كاته‌وه‌ "دوای کۆتاییھاتنی پڕۆسەی ھەڵبژاردنی پەرلەمانی عێراق سندووقەکانی دەنگدان لە کەرکووک ھەمووی گوازراونەتەوە بۆ ناوچەیەک لە باشووری کەرکووک بە ناوی (مەخزەن)، ژمارەیەک خۆپێشاندەری عەرەب و تورکومان گەمارۆی ئەو شوێنەیان داوە، ئه‌وان له‌وێ خێمەیان ھەڵداوە رێگە`س نادەن سندووقەکان ده‌ستكاری بكرێن و بۆ ھیچ شوێنێک بگوازرێنەوە.''

قائید میرۆ

  




دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP