Kurdî  ■  كوردی  ■  عربي
TUE, 16 OCT 2018 22:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عێراق لەبەردەم گەمەیەكی گەورە
| KDP.info


عەبدولقەهار هەولێری

ئەگەرچی پرۆسەی هەڵبژاردن لە هەر وڵاتێكدا بۆ بەرقەراركردنی ئاسایش و هێنانە دی دادپەروەرییە، بەڵام پێدەچێت "هەڵبژاردنەكانی ئەمجارەی عێراق" ئەو گێژاوە سیاسییەی عێراق تێیكەوتووە فراوانتر بكات، ئەم بۆچوونەشمان لەو ڕوانگەوە سەرچاوەی گرتووە كە هەڵبژاردنەكانی ئەمجارەی عێراق جیاوازییەكی زۆری هەبوو لەگەڵ هەڵبژاردنەكانی پێشوو بە تایبەت لەڕووی لایەنە براوەكان و هاوسەنگی هێز لە وڵات.
بەپێی ئەنجامەكانی هەڵبژاردن لایەنی براوە ئەو لایەنانەی شیعە مەزهەبن كە لەدژی دەستێوەردانەكانی ئەمریكا و ئێرانن بەیەكەوە. بۆیە هەر یەك لە ئەمریكا و ئێران دوو لایەنن كە زۆرترین زەرەریان پێ دەگات لە دەرەنجامەكانی ئەو هەڵبژاردنە.
هاوكات ئەگەر شیعەكان بتوانن ئەمریكا و ئێران دوور بخەنەوە، ڕەنگە ئەوكات بتوانن حكومەتێكی نیشتمانی پێك بێنن.
هەر دەربارەی ئەم پرسە سیاسیە ماڵپەڕی ڤولتێر نێت بابەتێكی بەناوی پرسی بوونی هێزە ئەمریكیەكان لە عێراق بڵاو كردۆتەوە. ڕۆژنامەكە ئاماژە بۆ ئەوە دەكات كەوا دەرەنجامی هەڵبژاردنەكانی ئەمجارە بە ئاراستەی ئامانجەكانی ئەمریكا نین، بەڵكو ئەمجارە سەركەوتنی هەندێ لە لیستەكانی دژی ئەمریكا پەیامێكیان بەو وڵاتە داوە. بۆیە پرسیارەكە ئەوەیە كە ئایا ئەمریكا دەتوانێ ئەو نارێك و پێكیەی ئێستای عێراق چارەسەر بكات؟ هەرچەند موقتەدا سەدر ڕایگەیاندووە كە ئەولەویەتی تەنیا عێراق دەبێت و یەكەم هەنگاویشی دەركردنی هێزەكانی ئێرانی و توركی و ئەمریكی دەبێت لە عێراق، بەڵام ئاراستەی سیاسەتەكانی بەرەو ڕووی ئەمریكا و دەركردنی تەواوی هێزەكانی ئەو وڵاتەیە لە عێراق.
لەو نێوەندەشدا ئێران زۆر بە بێ دەنگی سەرقاڵی ڕێكخستن و یەكگرتنی هێز و لایەنەكانی دژی موقتەدا سەدرن بۆ ئەوەی بتوانێ هاوپەیمانێتیەكی زۆرینە لەدژی موقتەدا پێك بێنێت. لەگەڵ دەرچوونی ئەمریكا لە ڕێکكەوتننامەی ئەتۆمیش، ئێران بەدوای فشارخستنی زیاترە لەسەر ئەمریكا بە تایبەت لە عێراق و سوریا و لوبنان.
لە ڕاستیدا وەك چۆن جاروبار لە میدیا ئەلیكترۆنییەكان هەندێك قسەی تەقلیدی دەكری، بەڵام لە ناوەڕۆكدا لێكدانەوەی قووڵی سیاسی پێویستە، ئەوهایش لە دوای پرۆسەی هەڵبژاردنەكانی عێراق هەندێك گۆڕانكاری ناوەڕۆكێكی قووڵی سیاسی بەخۆیەوە دەگرێ و ناكرێ هەروا شرۆڤەیەكی سادە و ساكاری بۆ بكرێ، بۆیە پرسیاری جیدی ئەوەیە كە ئاخۆ ئەمە گەمەیەكی ترە كە كارەكتەرە سەرەكییەكانی دیسانەوە ئێران و ئەمریكان كە خودا گەورەترین ئەجێندای سیاسین لە عێراق، یان خواستی گۆڕانكاری بە فیعلی پێگەیشتووە لە عێراق و هەر بە جیدی نیەتێك هەیە بۆ تەسفیە كردنی هێزی بێگانە لەناو خاكی عێراق، كە ئەمەیان نزیكترە لە خەیاڵی زانستییەوە.

لە ڕۆژنامەی هەولێر وەرگیراوە

 




دوایین هەواڵەکان

کرمانج عوسمان: دەبێ تاوانی ١٦ی ئۆکتۆبەر بەنێودەوڵەتی بکرێت

TUESDAY, 16 OCTOBER 2018 19:10:19

ھەولێر-KDP.info- شارەزایەکی نێودەوڵەتی دەڵێ، حکوومەتی عێراق خۆی تاوانباری ڕووداوەکانی ١٦ی ئۆکتۆبەرە و بۆخۆی نایەت سزای خۆی بدات. بۆیە دەبێ ئەم کەیسە بەنێودەوڵەتی بکرێت و لە دادگا نێودەوڵەتییەکان یەکلایی بکرێتەوە.

 
سەرچاوەیەک لە کۆمسیۆن: ٣١٤ وێستگەی دەنگدان لە سلێمانی بۆ ئۆفیسی نیشتمانی نەگەڕێندراونەتەوە

TUESDAY, 16 OCTOBER 2018 18:10:48

ھەولێر-KDP.info-  سەرچاوەیەک لە کۆمسیۆنی باڵای سەربەخۆی هەڵبژاردن و ڕاپرسیی هەرێم دەڵێت, تا ئێستا ٣١٤ وێستگەی دەنگدان لە ئۆفیسی ھەڵبژاردنەکانی پارێزگای سلێمانی نەگەڕاوەتەوە ئۆفیسی نیشتمانی لە ھەولێر، بۆ ئەم مەبەستە کۆمسیۆن لێژنەیەکی پێنج کەسیی لە نوێنەری ھەر پێنج لایەنەکە پێک ھێناوە. بەو دەنگانە و سندووقە قردێڵە سوورەکانیشەوە ٤ تا ٥ کوردسی زیاد دەکات.

 
دەیان بەڵگەنامە لەسەر تاوانەکانی ١٦ی ئۆکتۆبەر ڕادەستی دادگا نێوخۆیی و نێودەوڵەتییەکان دەکرێن

TUESDAY, 16 OCTOBER 2018 16:10:29

  هەولێر -KDP.info- بە ھۆی ھێرشی داگیرکاریی ساڵی ڕابردووی عێراق ھێزەکانی عێراق بە پۆلیس و دژەتیرۆر و میلیشیاکانی حەشدی شەعبییەوە کەوتنە ئەنجامدانی چەندین تاوانی قێزەونی دژەمرۆڤایەتی لە دژی پێکھاتەکانی ئەو ناوچانە و پارێزەرێکیش دەڵێ، چەندین بەڵگە و دیکۆمێنت ئامادەیە و ڕادەستی دادگا نێوخۆیی و نێودەوڵەتییەکانی دەکەین.

 
د. مەحموود عوسمان: دەبێ بکەرانی ١٦ی ئۆکتۆبەر سزا بدرێن

TUESDAY, 16 OCTOBER 2018 16:10:52

هەولێر-KDP.info- ئەمڕۆ ساڵێک بەسەر خیانەتی ١٦ی ئۆکتۆبەری ساڵی ڕابردوودا تێپەڕی کە بە ھۆی خیانەتی ھەندێ بەرپرسی کوردەوە بەشێکی زۆری خاکی کوردستان لەدەست درا و کارەساتی مرۆییشی بەدوادا ھات، سیاسەتمەدارێکی کوردیش نیگەرانە لەوەی تا ئێستا تۆمەتبارانی ڕووداوەکانی ١٦ی ئۆکتۆبەر سزا نەدراون و ئاشکرای کرد، ڕەوشی کەرکووک ئاڵۆزە و نابێت عەسکەر دەستەڵاتدار بێت.

 
لە ترسی چالاکیی کوردانی کەرکووک، حەشدی شەعبی ناوچە کوردییەکان دەپشکنێت

TUESDAY, 16 OCTOBER 2018 15:10:59

کەرکووک-KDP.info- لە ترسی مانگرتن و چالاکیی کوردانی کەرکووک ھێزەکانی پۆلیس و حەشدی شەعبی کەوتووتەنە پشکنینی ناوچە کوردییەکانی شاری کەرکووک و بەرپرسێکی کوردیش دەڵێ، خەڵکی کەرکووک بڕیاری دابوو لە دژی داگیرکاری مانگرتن ڕابگەیەنێت، بەڵام شارەکە کراوەتە سەربازگە بۆ ڕێگریکردن لە چالاکیی کورد.

 


 
© 2018 Kurdistan Democratic Party, KDP