Kurdî  ■  كوردی  ■  عربي
TUE, 16 OCT 2018 22:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئه‌مجاره‌ش‌ مه‌ترسیی ئیفلیجكردن
| KDP.info


كه‌ریم قادر
له‌ زۆنی هه‌مه‌ڕه‌نگدا، ئه‌گه‌ر و پێشهات له‌گه‌ڵ ده‌ستپێشخه‌رییه‌كانی قبووڵكردنی یه‌كدی و دروستكردنی ئه‌وه‌ی پێی ده‌گوترێت یه‌كریزی! ملنان ده‌به‌ر ژیانێكی سیاسی و ئیداریی نوێی دوور له‌ توندوتیژی و ڕنینه‌وه‌ی به‌رهه‌می خه‌باتی زیاتر له‌ یه‌ك سه‌ده‌ خه‌بات، هیوابه‌خش و هانده‌ر نین.
"ڕۆژانە خەڵکێکی زۆر داوامان لێ دەکەن ھێزی چەکدار درووست بکەین"، ئه‌مه‌ قسه‌ی ئەندامێكی پێشكه‌وتووی حزبێكی خۆ به‌ مه‌ده‌نیزانه‌.
"كاتێك تۆ لێره‌ نه‌بوویت، ڕاگه‌یاندنی ده‌وڵه‌ته‌ به‌هاریه‌كه‌ی كابرا و رێفڕاندۆمێكی توركی میلله‌تێكی گه‌ڕانده‌ خاڵی سفر، ره‌نج و خه‌بات و خوێنی ده‌یان ساڵه‌ی میلله‌تێكی به‌خه‌ساردا، بۆ كورسییه‌ك"‌ ئه‌مه‌ نامه‌ی جاشزاده‌یه‌كه‌ بۆ مردوویه‌ك.
یه‌كێكی دیكه‌ بۆ گرمه‌شێركردنی كه‌تنه‌ نیشتمانییه‌كان، باس له‌ هه‌بوونی مه‌ترسیی پیلانێكی ئیقلیمی دژ به‌ هه‌رێمی كوردستان ده‌كات، به‌ڵام به‌ لنگاوقوچی، چونكه‌ خۆی به‌شێك بوو له‌ پیلانێكی‌ ئیقلیمی بۆ ده‌ستوپێ به‌ستانه‌وه‌ی هه‌رێمی كوردستان.
پیلانه‌ ئیقلیمییه‌كان هه‌ر نۆره‌ی به‌ فۆرمێك گه‌رم ده‌كرێنه‌وه‌ و ده‌رخواردی حزبه‌ هه‌ڵپه‌رسته‌كانی ده‌ده‌ن. زۆر دوور ناڕۆین، ته‌نها پیلانه‌ زه‌قه‌كانتان به‌ بیر ده‌هێنمه‌وه‌: شێواندنی ناوه‌ڕۆكی مادده‌ی 140ی ده‌ستوور و داهێنانی مۆدیلێكی ناواقیعیانه له‌ كه‌ركووك‌، به‌شداریكردن له‌ بڕینی بودجه‌ی هه‌رێمی كوردستان، په‌لاماری له‌ ناكاوی داعش بۆ سه‌ر هه‌رێمی كوردستان، لێدوان و بانگه‌وازه‌كانی رۆژێك پێش ئه‌نجامدانی ریفراندۆم و هه‌ڵمه‌ته‌ ئیعلامییه‌ چه‌واشه‌كارییه‌كانی هاوشانی خیانه‌ته‌ گه‌وره‌كه‌ی 16ی ئۆكتۆبه‌ر، كه‌ تا جیا نه‌بینه‌وه‌ نابڕێنه‌وه‌، نه‌خاسمه‌‌ ئاگرخۆشكه‌ری زۆر هه‌ن، به‌ڵام له‌وه‌ته‌ی عێراق به‌ زۆری زۆرداری له‌ سێ پێكهاته‌ی ناته‌بای خودان تایبه‌تمه‌ندیی جودا دروست كراوه‌، هیچ كاتێك دۆخه‌كه‌ی وه‌كو ئێسته‌ شڕوشه‌پڕێو نه‌بووه‌. هاوكات ئه‌مریكا له‌لایه‌ك له‌ هه‌وڵدایه‌ له‌ ڕێگه‌ی ئه‌نجوومه‌نی ئاسایشی نێوده‌وڵه‌تییه‌وه‌ به‌پێی ده‌ستوور نه‌ك داهێنانی ناواقیعی چاره‌سه‌ری ناوچه‌ دابڕێندراوه‌كان بكات، له‌لایه‌كی دیكه‌ بۆ دروستكردنی هاوپه‌یمانه‌تیێكی نێوده‌وڵه‌تی دژ به‌ هه‌ڕه‌شه‌ و ره‌فتاره‌كانی كۆماری ئیسلامیی ئێران له‌ ناوچه‌كه به‌رده‌وامه‌، بۆیه‌ ده‌بوو فۆكسی تایبه‌تی له‌سه‌ر خۆخڕكردنه‌وه‌ و ئاماده‌كردن بۆ وه‌به‌رهێنانی ئه‌م قۆناغه‌ نوێیه‌ بوایه‌، نه‌ك‌ جارێكی دیكه‌ به‌ پاساوی داتاشراو، وه‌ك بڵێی رێككه‌وتنێكی ژێربه‌ژێری له‌م نێوانه‌دا هه‌بێت، پیلانه‌كان دژ به‌ هه‌رێمی كوردستان به‌رده‌وامی پێده‌درێت، له‌لایه‌ك به‌ ناوی خۆپاراستن، نه‌ك به‌رگریكردن له‌ مافه‌كانی كوردستان هه‌ڵپه‌ی دروستكردنی هێزی چه‌كدار ده‌كرێت، له‌لایه‌كی دیكه‌ به‌ مه‌به‌ستی پڕكردن و ئاماده‌كردنیان بۆ نانه‌وه‌ی پشێوی و ئاژاوه‌، كۆبوونه‌وه‌ی ناوه‌خت‌ له‌گه‌ڵ پێشمه‌رگه‌ ده‌كرێت. ئه‌مانه‌ هه‌لهه‌له‌ی به‌رپاكردنی شه‌ڕه‌، به‌تایبه‌تی له‌ بیرمان نه‌چووه‌ و ناچێت، كه‌ گشت شه‌ڕه‌ ناوخۆییه‌كانی كوردستان بۆ هیلاككردنی توانا و تێكدانی یه‌كڕیزی به‌ پاساوی حازر به‌ ده‌ستپێشخه‌ری و له‌سه‌ر ده‌ستی قوتابیانی قوتابخانه‌ به‌ڵایه‌كه‌ بووه‌. ئه‌مجاره‌ش پێده‌چێت شه‌ڕێك بقه‌ومێندرێت‌، كه‌ نه‌ بۆ خۆپاراستنه‌، نه‌ بۆ رووبه‌ڕووبوونه‌وه‌ی پیلانه‌ ئیقلیمییه‌كانه‌، نه‌ بۆ ده‌ربازكردنی سیاسه‌ته‌ له‌ ده‌ست كۆمه‌ڵێك مناڵه‌وردكه‌ و بازرگانی چاوچنۆك و خۆپه‌رستی دڵڕه‌ش، به‌ڵكو بۆ ئیفلیجكردن و خاوكردنه‌وه‌ی هه‌نگاوه‌ نیشتمانییه‌كانه‌ له‌ قۆناغێكی زۆر هه‌ستیاردا.




دوایین هەواڵەکان

کرمانج عوسمان: دەبێ تاوانی ١٦ی ئۆکتۆبەر بەنێودەوڵەتی بکرێت

TUESDAY, 16 OCTOBER 2018 19:10:19

ھەولێر-KDP.info- شارەزایەکی نێودەوڵەتی دەڵێ، حکوومەتی عێراق خۆی تاوانباری ڕووداوەکانی ١٦ی ئۆکتۆبەرە و بۆخۆی نایەت سزای خۆی بدات. بۆیە دەبێ ئەم کەیسە بەنێودەوڵەتی بکرێت و لە دادگا نێودەوڵەتییەکان یەکلایی بکرێتەوە.

 
سەرچاوەیەک لە کۆمسیۆن: ٣١٤ وێستگەی دەنگدان لە سلێمانی بۆ ئۆفیسی نیشتمانی نەگەڕێندراونەتەوە

TUESDAY, 16 OCTOBER 2018 18:10:48

ھەولێر-KDP.info-  سەرچاوەیەک لە کۆمسیۆنی باڵای سەربەخۆی هەڵبژاردن و ڕاپرسیی هەرێم دەڵێت, تا ئێستا ٣١٤ وێستگەی دەنگدان لە ئۆفیسی ھەڵبژاردنەکانی پارێزگای سلێمانی نەگەڕاوەتەوە ئۆفیسی نیشتمانی لە ھەولێر، بۆ ئەم مەبەستە کۆمسیۆن لێژنەیەکی پێنج کەسیی لە نوێنەری ھەر پێنج لایەنەکە پێک ھێناوە. بەو دەنگانە و سندووقە قردێڵە سوورەکانیشەوە ٤ تا ٥ کوردسی زیاد دەکات.

 
دەیان بەڵگەنامە لەسەر تاوانەکانی ١٦ی ئۆکتۆبەر ڕادەستی دادگا نێوخۆیی و نێودەوڵەتییەکان دەکرێن

TUESDAY, 16 OCTOBER 2018 16:10:29

  هەولێر -KDP.info- بە ھۆی ھێرشی داگیرکاریی ساڵی ڕابردووی عێراق ھێزەکانی عێراق بە پۆلیس و دژەتیرۆر و میلیشیاکانی حەشدی شەعبییەوە کەوتنە ئەنجامدانی چەندین تاوانی قێزەونی دژەمرۆڤایەتی لە دژی پێکھاتەکانی ئەو ناوچانە و پارێزەرێکیش دەڵێ، چەندین بەڵگە و دیکۆمێنت ئامادەیە و ڕادەستی دادگا نێوخۆیی و نێودەوڵەتییەکانی دەکەین.

 
د. مەحموود عوسمان: دەبێ بکەرانی ١٦ی ئۆکتۆبەر سزا بدرێن

TUESDAY, 16 OCTOBER 2018 16:10:52

هەولێر-KDP.info- ئەمڕۆ ساڵێک بەسەر خیانەتی ١٦ی ئۆکتۆبەری ساڵی ڕابردوودا تێپەڕی کە بە ھۆی خیانەتی ھەندێ بەرپرسی کوردەوە بەشێکی زۆری خاکی کوردستان لەدەست درا و کارەساتی مرۆییشی بەدوادا ھات، سیاسەتمەدارێکی کوردیش نیگەرانە لەوەی تا ئێستا تۆمەتبارانی ڕووداوەکانی ١٦ی ئۆکتۆبەر سزا نەدراون و ئاشکرای کرد، ڕەوشی کەرکووک ئاڵۆزە و نابێت عەسکەر دەستەڵاتدار بێت.

 
لە ترسی چالاکیی کوردانی کەرکووک، حەشدی شەعبی ناوچە کوردییەکان دەپشکنێت

TUESDAY, 16 OCTOBER 2018 15:10:59

کەرکووک-KDP.info- لە ترسی مانگرتن و چالاکیی کوردانی کەرکووک ھێزەکانی پۆلیس و حەشدی شەعبی کەوتووتەنە پشکنینی ناوچە کوردییەکانی شاری کەرکووک و بەرپرسێکی کوردیش دەڵێ، خەڵکی کەرکووک بڕیاری دابوو لە دژی داگیرکاری مانگرتن ڕابگەیەنێت، بەڵام شارەکە کراوەتە سەربازگە بۆ ڕێگریکردن لە چالاکیی کورد.

 


 
© 2018 Kurdistan Democratic Party, KDP