هەولێر-KDP.info- وەزیری دەرەوەی ئەمەریکا مایک پۆمپیۆ لە نامەیەکدا بۆ راوێژکاری ئەنجوومەنی ئاسایشی هەرێمی کوردستان مەسروور بارزانی، جەخت لەسەر هاوکاریی هەمەلایەنە لە پێناو ئاشتی و سەقامگیری دەکاتەوە.
لە وەڵامی نامەی پیرۆزبایی مەسوور بارزانی راوێژکاری ئەنجوومەنی ئاسایشی هەرێمی کوردستان بۆ مایک پۆمپییۆ، بە بۆنەی دەست بەکاربوونی، وەزیری دەرەوەی ئەمریکا وێڕای سوپاس و ئاواتەخوازی بۆ پەرەپێدانی پەیوەندییەکان، پابەندبوونی وڵاتەکەی بە هەماهەنگی لەگەڵ هاوپەیمانانی دووپات کردەوە. لەم نامەیەدا پۆمپییۆ جەختی لەوە کردەوە کە ئەمەریکا بێ وچان لەگەڵ گشت هاوپەیمان و هاوبەشەکانی تێدەکۆشێت بۆ ئەوەی ئاسایش و سەقامگیری زیاتر لە ناوچەکە و سەرانسەری جیهان جێگیر ببێت و زەمینەی لەبارتر بۆ پێشکەوتن و ئاسوودەی گەلان برەخسێنرێت.