Kurdî  ■  كوردی  ■  عربي
MON, 28 MAY 2018 08:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

خەسرۆ گۆران: دەستکاریی دەنگی ئاوارەکانی مووسڵ نەکراوە
| KDP.info


ھەولێر-KDP.info- ئەو ڤیدیۆیەی لە تۆڕە کۆمەڵایەتییەکاندا بڵاو کراوەتەوە، گوایە پارتی دەستکاریی دەنگی ئاوارەکانی مووسڵی کردووە، کە لە کەمپەکانی کوردستانن، بەرپرسی دەزگای ھەڵبژاردنەکانی پارتی ڕەتی دەکاتەوە و دەڵێت، دوورە لە ڕاستی، بەڵکو چاودێری کیانی سیاسیی ھەموو لایەنەکان ئامادەی لێک جیاکردنەوەی دەنگەکانن و فەرمانبەری عەرەبی بەغداش ئامادەی جیاکردنەوەی دەنگەکانە.

چەند دەنگۆیەک لە  ڕۆژنامەی سەر بە لایەنێکی سیاسیی دیاریکراو بڵاوکراوەتەوە، گوایە بە ھۆی پارتییەوە دەیان ھەزار دەنگی کورد لە کەرکووک و دیالە فەوتاوە، لە کاتێکدا پارتی دیموکراتی کوردستان بەشداری ھەڵبژارنەکانی لە پارێزگای کەرکووک نەکردووە، بە ھۆکاری شەرعییەتنەدان بەو داگیرکارییەی سەدا ٥١ی خاکی کوردستان، لە لایەن سوپای عێراق و حەشدی شەعبی داگیر کراوەوە و خەڵکەکەی ئاوارەی پارێزگاکانی ھەرێمی کوردستانن.

پەیوەست بەم دەنگۆیە بەرپرسی دەزگای ھەڵبژاردنەکانی پارتی دیموکراتی کوردستان، خەسرۆ گۆران، لە لێدوانێکی تایبەتدا بۆ ماڵپەڕی فەرمیی پارتی دیموکراتی کوردستانی ڕاگەیاند: "ئێمە لە دیالە بەشداریی ھەڵبژاردنەکانمان بۆ ئەنجومەنی نوێنەرانی عێڕاق کردووە، پارتی دەنگیشی ھێناوە، بەڵام ئەم جارە لە دیالە عێراقییەکان زۆر بە کەمی لە بەراورد بە ساڵی ٢٠١٤ بەشداریی ھەڵبژاردنیان کردووە. لە زۆربەی پارێزگاکان، کەمتر بەشداریی دەنگدان کرابوو، لە دھۆک و لە ھەولێر و لە سلێمانی و تەنانەت لە بەغدا و لە مووسڵیش ڕێژەی بەشداریکردن کەمی کردووە."

گۆران گوتی: "ئەو لایەنانەی ناتوانن سەیری ئەو سەرکەوتن و ئەو پێشبینییانەی پارتی دیموکراتی کوردستان بکەن. بۆیە دەست دەکەن بە تۆمەتبەخشینەوە و گومانخستنە نێو ھزری ھاووڵاتیان، چونکە پارتی دیموکراتی کوردستان لە مووسڵ و لە ھەولێر و لە دھۆک دەنگی یەکجار زۆری ھێناوە."

ئەو بەرپرسەی دەزگای ھەڵبژاردنەکان دەشڵێت: "خەڵک متمانەی بە پارتی دیموکراتی کوردستان ھەیە، بۆیە خەڵکی کوردستان بە دەنگ پاداشتی پارتی کردەوە، چونکە لە پردێ خۆڕاگری کرد و نەیھێشت جەیشی حەشدی شەعبی و سوپای عێراق لە ئاوی زێی بچووک دەربازی نێو ھەولێر بن و، خەڵکی دھۆک پاداشتی پارتی داوە، چونکە لە شەڕەکانی مەحموودییە و زوممار نەیھێشت سوپا و حەشدی عێراقی لە ئاوی دیجلە دەرباز بن بۆ نێو دھۆک. پارتی دیموکراتی کوردستان پارێزگاکانی کوردستانی پاراست، بۆیە خەڵکیش متمانەی بە پارتییە و دەنگ دەداتە ئەو ھێزەی پارێزگاری لێ بکات."

پەیوەست بەو گرتە ڤیدیۆیەی لە تۆڕە کۆمەڵایەتییەکاندا بڵاو کرابووەوە، کە گوایە سایلۆی ھەولێرە و پارتی دەستکاری دەنگی ئاوارەکانی مووسڵ و شەنگالی کردووە، خەسرۆ گۆران ڕەتی کردەوە و دەڵێت، دوورە لە ڕاستی و گوتیشی: "لە سایلۆی ھەولێر و لە کولیەی زەراعەی دھۆک دەنگی ئاوارەکانی مووسڵ هەیە، کە لە کەمپەکانی کوردستانن و جیا دەکرێنەوە."

ئەگینا بەڕێوەبەری ئۆفیسی باڵای کۆمسیۆنی ھەولێر و دھۆک خۆیان لەم شوێنانەن، بەجێگرەکانیشانەوە و دەستەی ھەرێم و کۆمسیۆنی باڵای سەربەخۆی ھەڵبژاردنەکان لەوێن و فەرمانبەری عەرەبی بەغدا خۆیان لەوێن و چاودێری ھەموو لایەنە سیاسییەکان لەوێن، ھەر کیانێکی سیاسی بۆی ھەیە چەندین چاودێر و بریکاری لەو شوێنانە ھەبێت و لەوێش ئامادەن."

گۆران دەشڵێت: "بە ھیچ شێوەیەک نەمانھێشتووە ھیچ لایەنێکی سیاسی دەستوەردان لە کاروباری کۆمسیۆن بکات، بە پێچەوانەوە، ئێمە وەک پارتی دیموکراتی کوردستان چەند گلەییەکمان لە کۆمسیۆن ھەیە، دەربارەی ھەندێک بابەت."

فایزە کۆیی

 




دوایین هەواڵەکان

"پارتی ده‌یه‌وێت هه‌موو لایه‌نه ‌كورده‌كان به‌ یه‌كگرتوویی بچنه‌ به‌غدا"

SUNDAY, 27 MAY 2018 18:05:04

هه‌ولێر-KDP.info- ئه‌ندامێكی ئه‌نجومه‌نی سه‌ركردایه‌تیی پارتی دیموكراتی كوردستان گوتی، دوای ئه‌وه‌ی شاندی پارتی دیموكراتی كوردستان له ‌به‌غدا گه‌ڕایه‌وه‌، بڕیاره‌ ئه‌م حه‌فته‌یه‌ له‌گه‌ڵ یه‌كێتیی نیشتمانیی كوردستان كۆ بێته‌وه‌ بۆ ئه‌وه‌ی پێكه‌وه‌ گفتوگۆ له‌گه‌ڵ لایه‌نه‌ عێراقییه‌كان بكه‌ن، له‌باره‌ی پێكهێنانی حكوومه‌تی نوێی عێراق، به‌ڵام لایه‌نه‌كانی دیكه‌ی كورد هێشتا خۆیان یه‌كلایی نه‌كردووەته‌وه‌.

 
پێكھاتەكان داوای گەرەنتی لە حكوومەتی نوێی عێراق دەكەن

SUNDAY, 27 MAY 2018 15:05:33

هەولێر-KDP.info- پێكھاتەكان لە ھەموو كاتێك زیاتر ھەست بە مەترسی دەكەن و داوای گەرەنتی لە حكوومەتی داھاتووی عێراقدا دەكەن، وەك چالاك و نوێنەری پێكھاتەكانیش ئاماژەی بۆ دەكەن، تا عێراق پابەندی دەستوور نەبێت و مافی پێكھاتەكان پێشێل بكرێت، مەترسیی گەورە بۆسەر پێكھاتەكانی عێراق دروست دەبێت.

 
لیژنەی یاسایی: پەرلەمان و دادگای فیدراڵی، دەستەڵاتی هەڵوەشاندنەوەی ئەنجامی هەڵبژاردنیان نییە

SUNDAY, 27 MAY 2018 11:05:37

بەغدا-KDP.info-  سەرۆكی لیژنەی یاسایی لە پەرلەمانی عێراق گوتی، بەپێی دەستووری عێراق، نە پەرلەمان و نە دادگای فیدراڵی ناتوانن بڕیاری هەڵوەشاندنەوەی ئەنجامی هەڵبژاردنەكان بدەن، بۆیە كۆبوونەوەی سبەینێی پەرلەمان، هیچ بەهایەكی یاسایی و دەستووریی  نییە و، پارتییش بەشداریی تێدا ناكات.

 
یـەکـەم بـەیاننامەی سـەرکـردایەتیی کاتیی پارتی دیموکراتی کوردستان

SUNDAY, 27 MAY 2018 10:05:01

هەولێر-KDP.info-  یەکەم بەیاننامەی سەرکردایەتیی کاتی لە مانگی دوازدەی 1975 لە قۆناغی ئامادەکاری بۆ شۆڕشی چەکداری و دواتر هەڵگیرساندنی شۆڕشی گوڵانی پێشکەوتنخواز، ئەو دیکۆمێنتەی خوارەوە، دەقی بەیاننامەی سەرکردایەتیی کاتییە کە بە دەست و خەتی سەرۆک بارزانی نووسراوە.

 
پارێزگاری دھۆک هۆکاری گیان‌لەدەستدانی حەوت کەسەکەی زیندانێکی دهۆک دەخاتە ڕوو

SATURDAY, 26 MAY 2018 20:05:33

دهۆک-KDP.info- ئەمڕۆ ئێوارە بە ھۆی نانەوەی پشێوی و شەڕ و ئاڵۆزی لە نێو زیندانی چاکسازیی زڕکا لە شاری دھۆک، حەوت زیندانی گیانیان لەدەست دا و ژمارەیەکی زیاتریش بریندار بوون، پارێزگاری دھۆکیش دەڵێ، ئەوانەی پشێوییان دروست کردووە ھەوڵی ئەوەیان داوە لە زیندان ڕا بکەن و بە ماددەی تیرۆر حوکم دراون.



 
© 2018 Kurdistan Democratic Party, KDP