Kurdî  ■  كوردی  ■  عربي
WED, 16 JAN 2019 18:07 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ده‌زگای خێرخوازیی بارزانی هاوكاریی لێقه‌وماوانی سه‌ر چیای شه‌نگال ده‌كات
| KDP.info


شنگال-KDP.info- دەزگای خێرخوازیی بارزانی هاوکاریی ئاوارەکانی سەر چیای شنگال دەکات دوای ئەوەی بە هۆی ڕووداوە سروشتییەکانەوە بە سەدان ماڵیان تێکچوو، دەزگای بارزانی بانگەوازی کرد، بەڵام تەنیا کونسوڵخانەی کوێت بەدەم ئەو بانگەوازە هات.

 

دوابه‌دوای ئه‌و ڕووداوه‌ سروشتییه‌ی له‌سه‌ر چیای شنگال (كه‌مپی سه‌رده‌شت) ڕووی دا و به ‌هۆیه‌وه‌ به‌سه‌دان خێزان ماڵ و حاڵیان تێكچوو و له‌ بارودۆخێكی خراپی ژیاندا ده‌ژیان، ده‌زگای خێرخوازییی بارزانی له‌ میانی ده‌ركردنی به‌یاننامه‌یه‌كدا داوای گه‌یاندنی هاوكاری به‌په‌له‌ی بۆ ئاواره‌كانی سه‌ر چیای شنگال كرد و ئاماده‌یی ته‌واوی نیشان دا بۆ گه‌یاندنی هاوكارییه‌كان بۆ سه‌ر چیاكه‌، به‌ڵام ته‌نیا كونسوڵخانه‌ی وڵاتی كوێت له‌ هه‌رێمی كوردستان به‌ ده‌م بانگه‌وازه‌كه‌ی ده‌زگای خێرخوازیی بارزانییه‌وه‌ هات و ئاماده‌یی نیشان دا هاوكاریی ئاواره‌كانی سه‌ر چیا بكات.

 

ده‌زگای خێرخوازیی بارزانی ئه‌مڕۆ، ڕێككه‌وتی 16/5/2018، كاروانێكی پڕ له‌ هاوكاریی خۆراك و پێداویستیی ناوماڵی گه‌یانده‌ سه‌ر چیای شنگال و به‌سه‌ر لێقه‌وماوانی لافاوه‌كه‌ی سه‌ر چیاكه‌دا دابه‌شی كرد، كه‌ ژماره‌یان نزیكه‌ی (500) خێزان بوون، ئه‌و پێداویستییانه‌ی دابه‌ش كران‌ پێكهاتبوون له‌:

 

1- پارسێلی خۆراك: 1000 كارتۆن

2- دۆشه‌ك: 1000 دانه‌

3- به‌تانی: 2000 دانه‌

4- سێت مه‌تبه‌خ: 1000 دانه‌.

 




دوایین هەواڵەکان

دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 
"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"

WEDNESDAY, 16 JANUARY 2019 15:01:30

کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

 
دیندار زێباری: بە گوێرەی یاسا مامەڵە لەگەڵ دەستگیرکراوان کراوە

WEDNESDAY, 16 JANUARY 2019 15:01:59

هەولێر-KDP.info-   لە دوای هێرشی تیرۆریستانی داعش بۆ سەر چەند ناوچەیەکی کوردستان، بەردەوام لە چەند سەرچاوەیەکی نێودەوڵەتی و ناوخۆییەوە تۆمەتی مامەڵەی نەشیاو لەگەڵ دەستگیرکراوان دەخرێتە پاڵ دامودەزگاکانی حکوومەتی هەرێمی کوردستان؛ وەک هێشتنەوەی ڕاگیراوان بۆ ماوەیەکی زۆر بێ ئەوەی دادگایی بکرێن  و کەیسەکانیان یەکلا بکرێتەوە. د. دیندار زێباری، ڕێکخەری ڕاسپاردە نێودەوڵەتییەکانی حکوومەتی هەرێمی کوردستان سەبارەت بەم پرسە دەڵێ، بە گوێرەی یاسا مامەڵە لەگەڵ دەستگیرکراوان کراوە.

 
سه‌رۆک بارزانی به‌شداری له‌ پرسه‌ی مامۆستا محه‌مه‌د مه‌لا قادر کرد

WEDNESDAY, 16 JANUARY 2019 14:01:27

هەولێر-KDP.info-  سەرۆک بارزانی ئەمڕۆ لە هەولێری پایتەخت بەشداری لە مەراسیمی پرسەی مامۆستا محەمەد مەلا قادر کرد.



 
© 2018 Kurdistan Democratic Party, KDP