Kurdî  ■  كوردی  ■  عربي
WED, 22 AUG 2018 10:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆك بارزانی پێشوازی لە سەرۆكی تەیاری غەددی سووریا دەكات
| KDP.info


هەولێر-KDP.info-  سەرۆك بارزانی  پێشوازی لە سەرۆكی تەیاری غەددی سووریا کرد و لە دیدارکەدا سەرۆكی تەیاری غەددی سووریا پیرۆزبایی سەركەوتنی پارتی دیموكراتی كوردستانی لە سەرۆك بارزانی و خەڵكی كوردستان كرد لە هەڵبژاردنەكانی ئەنجوومەنی نوێنەرانی عێراق و وێڕای ئاماژەدان بە ڕۆڵی سەرۆك بارزانی لە چارەكردنی كێشەكانی عێراق و ناوچەكە جەختیشی لەسەر پێگەی هەرێمی كوردستان لە عێراق و ناوچەكەدا كردووە.

ڕۆژی چوارشەممە ١٦ـی ٥ـی ٢٠١٨ لە سەلاحەددین سەرۆك مەسعوود بارزانی پێشوازی لە شێخ ئەحمەد ئەلجەربا سەرۆكی تەیاری غەددی سووریا كرد.
لە دیدارەكەدا سەرۆكی تەیاری غەددی سووریا پیرۆزبایی سەركەوتنی پارتی دیموكراتی كوردستانی لە سەرۆك بارزانی و خەڵكی كوردستان كرد لە هەڵبژاردنەكانی ئەنجوومەنی نوێنەرانی عێراق و وێڕای ئاماژەدان بە ڕۆڵی سەرۆك بارزانی لە چارەكردنی كێشەكانی عێراق و ناوچەكە جەختیشی لەسەر پێگەی هەرێمی كوردستان لە عێراق و ناوچەكەدا كردووە و ئەوەی ڕاگەیاند كە پەیوەندیی باشی نێوان هەولێر و بەغدا كاریگەریی لەسەر باشتربوونی ئاساییشی هەرێمایەتی لە ناوچەكەدا دەبێت.
لەبەرانبەردا سەرۆك بارزانی سوپاسی سەرۆكی تەیاری غەددی سووریای كرد و هێمای بە دەرئەنجامەكانی هەڵبژاردنەكانی ئەنجوومەنی نوێنەرانی عێراق دا و ئەوەیشی ڕاگەیاند كە بەهۆی هەڵبژاردنەوە بارودۆخێكی نوێ هاتووەتە ئاراوە و لە دوای هەڵبژاردنەكان ئەوەی كە بۆ هەرێمی كوردستان جێگەی بایەخ و یەكلاییكەرەوەیە هەڵوێستی لایەنە عێراقییە براوەكانە بەرانبەر ماف و داواكارییەكانی گەلی كوردستان.
بارودۆخی سیاسیی سووریا و دوایین پێشهاتە ئەمنی و سیاسییەكانی ئەو وڵاتە تەوەرێكی تری ئەو كۆبوونەوەیە بوو.
 




دوایین هەواڵەکان

یەکگرتوو: یەکلیستی هێز و لایەنە سیاسییەکان لە بەغدا، کورد بەهێز دەکات

TUESDAY, 21 AUGUST 2018 14:08:26

دهۆک-KDP.info-سەرۆکی ئەنجوومەنی سەرکردایەتی یەکگرتووی ئیسلامی کوردستان لە بادینان ڕایگەیاند، پێویستە کورد بە یەکلیستی بگەڕێتەوە بەغدا و چیدی خۆیان لە یەکدی بە دوور نەگرن.

نێچیرڤان بارزانی: كوردستان بە‌رە‌و ئایندە‌یە‌كی گە‌شتر ھە‌نگاودە‌نێت

TUESDAY, 21 AUGUST 2018 14:08:59

هەولێر-KDP.info-  نێچیرڤان بارزانی، سەرۆکوەزیرانی هەرێمی کوردستان پەیامێکی پیرۆزبایی بڵاوکردەوە و پیرۆزبایی خۆی ئاراستەی موسڵمانانی کوردستان و جیهان کرد و رایگەیاند، كوردستان بە‌رە‌و ئایندە‌یە‌كی گە‌شتر ھە‌نگاودە‌نێت.


رێکخەری راسپاردە نێودەوڵەتییەکان وه‌ڵامی تۆمه‌تی وەزارەتی دەرەوەی ئەمریکا ده‌داته‌وه‌

MONDAY, 20 AUGUST 2018 23:08:11

هه‌ولێر-KDP.info-  دیندار زێباری ده‌ڵێ، حکوومەتی هەرێمی کوردستان بە جیددی کار دەکات بۆ بەرەنگاربوونەوەی هەر جۆرە  توندوتیژییەک دژی ئافرەتان و بازرگانیکردن بە ئافرەتان و منداڵان و، بە توندی سزای ئەو کەسانە دەدات کە تاوانەکان ئەنجام دەدەن.

 
پەیامی پیرۆزبایی سەرۆک بارزانی بەبۆنەی جەژنی قوربان

MONDAY, 20 AUGUST 2018 22:08:41

هه‌ولێر-KDP.info-  بەبۆنەی جەژنی پیرۆزی قوربانه‌وه‌، سەرۆک بارزانی پیرۆزبایی لە خەڵکی کوردستان و عێراق دەکات، هه‌روه‌ها پیرۆزبایی ئاراستەی خانەوادەی سەربەرزی شەهیدان و پێشمەرگە قارەمانەکانی کوردستان دەکات.

 
پارتی پەیامێکی پیرۆزبایی راگەیاند

MONDAY, 20 AUGUST 2018 20:08:49

هەولێر-KDP.info-  مەكتەبی سیاسی پارتی دیموكراتی كوردستان بەبۆنەی جەژنی قوربانی پیرۆز، لە پەیامیدا دەڵێ، ئاواتەخوازین ئەو بۆنە پیرۆزە ببێتە مایەی ئایندەیەكی گەش بۆ گەلەكەمان و كوردستانیش هەر لە پێشكەوتن و ئاوەدانیی و ئارامیی دا بێت.

 


 
© 2018 Kurdistan Democratic Party, KDP