Kurdî  ■  كوردی  ■  عربي
MON, 28 MAY 2018 08:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەم دەرفەتەش
| KDP.info


ئاریان فەرەج
لەوەتای كورد هەیە، بۆ ئازادی و مافی نەتەوەیی تێدەكۆشێ. هەر حزبێك لەو پێناوەدا نەهاتبێتە مەیدان، هەڵدەتۆقێ و ماوەیەك دێتە بەرباس و دواتر لە جێی خۆی دادەمركێتەوە و دەپوكێتەوە.
هەر كەس بە حەق نوێنەری كورد و حزبی هەڵقوڵاوی ناخی كوردستان بێت، لە چیاكان یان لە ژێرزەمینەكانی خەباتی نهێنی، لە شار یان لە شاخ، لە وڵات یان لە تاراوگە، لە خەباتی مەدەنی و سیاسی یان خەباتی چەكداری، لێرە یان لەبەغدا، دەبێ جگە لە هاواری كورد، داوای رەوای كورد، خەمە نەتەوەییەكانی كورد، هیچی دیكەی لە هەگبەدا نەبێ و ئامانج و مەیل و مەرامێكی دیكەی نەبێ.
ئەگەر كۆی حزبەكانی كوردستان، كۆی نوێنەرەكانیان بۆ ئەو مەبەست و ئامانجە هاوكۆییە و بۆ ئەو ئەركە نەتەوەییە دەنێرنە بەغدا، كەواتە دەبێ هەموان لە بەغدا هاودەنگ و هاوئاواز و یەك دەست و یەك بڕوا بن.
ئەگەر كۆی حزبەكان یەك ئامانج كۆیان دەكاتەوە و یەكدی تەواو دەكەن، كەواتە دزی و گزی لێككردن و یەكدی شكاندن و چاڵ بۆیەك هەڵكەندن و كورسیی یەكدی داگیركردن لە پای چی؟. كورسی و دەنگ بە گرینگتر زانین لە كوردایەتی و بەرژەوەندیی باڵای كوردستان لە پای چی؟. ئەگەر هەمووان یەك ئەجێندایان هەیە نەك ئەجێندای جیاجیا، وەك بە گوێی پارتییان نەكرد و پێكەوە بایكۆتیان نەكرد یان بە یەك لیست دانەبەزین، دزی و گزی و هەڕەشەی تێكدانی ئاساییشی كوردستان و ئەو مۆرە ناشرینەی بە ناوچاوانی كوردستانیانەوە نا و بە تەزویرچی وێنایان كرد، لە پای چی؟ ناكۆكی و چاولێك سووركردنەوە لەسەر یەك ئامانج مانای چی؟.
لەوەتەی كورد هەیە تەفرەقە و ناڕێكی و خۆخۆری دوژمنی باوەكوشتەیەتی، هەموو فورسەتەكانی رابردوو بە فورسەتی جێبەجێكردنی ئیرادەی سەربەخۆیی و ئەنجامەكانی ریفراندۆمیشەوە، هەمووی بە قوربانی ئەم خۆخۆری و ناپاكی و ناتەباییە كرا. بڵێی ئەم فورسەتە نوێەش هەر بە هەمان دەردی فورسەتەكانی پێشوو نەچێت.
لە واقیعی پەرتەوازەیی پێكهاتەكانی دیكەی عێراقدا، كورسییەكانی كورد ئەگەر یەك بن و لە پەرلەمانی عێراقدا یەكڕیز بن، گەورەترین هێزی نێو پەرلەمانەكەن. دەتوانن جوانترین گەمەی سیاسی بكەن و هەرچی ماف و مەرجی كورد هەیە بیسەپێنن. لە قۆناغی ئاوادا كورد لەگەڵ بەغدا بەرەو دانوستان و كێشمەكێشێكی سەخت مل دەنێ، ئەگەر سەنگ و قورسایی نەبێت، هەموو مافەكانی كورد قابیلی زەوتكردنن. ئەو سەنگ و قورساییە بە یەكدەنگی دێتەدی. ئەو رەوشە نالەبارەی ئێستا لە كوردستان لە ئارادایە رێگرە لەبەردەم یەكدەنگیی. كەواتە كۆی حزبەكان لەبەردەم ئیمتیحانێكی چارەنووسسازدان، ئەگەر یەكدەنگ نەبن، دەرفەتێكی دیكە لە دەست كورد دەچێ. دەبێ بە هەر شێوازێك بووە ئەو ناكۆكییە نێوخۆییە بێتە چارەسەركردن، ئەمجارەش كوردستان نەكرێتە قوربانی بەرژەوەندیی تەسكی حزبایەتی و شەڕ لەسەر كورسیی تەزویر و دەنگی ساختە.

 




دوایین هەواڵەکان

"پارتی ده‌یه‌وێت هه‌موو لایه‌نه ‌كورده‌كان به‌ یه‌كگرتوویی بچنه‌ به‌غدا"

SUNDAY, 27 MAY 2018 18:05:04

هه‌ولێر-KDP.info- ئه‌ندامێكی ئه‌نجومه‌نی سه‌ركردایه‌تیی پارتی دیموكراتی كوردستان گوتی، دوای ئه‌وه‌ی شاندی پارتی دیموكراتی كوردستان له ‌به‌غدا گه‌ڕایه‌وه‌، بڕیاره‌ ئه‌م حه‌فته‌یه‌ له‌گه‌ڵ یه‌كێتیی نیشتمانیی كوردستان كۆ بێته‌وه‌ بۆ ئه‌وه‌ی پێكه‌وه‌ گفتوگۆ له‌گه‌ڵ لایه‌نه‌ عێراقییه‌كان بكه‌ن، له‌باره‌ی پێكهێنانی حكوومه‌تی نوێی عێراق، به‌ڵام لایه‌نه‌كانی دیكه‌ی كورد هێشتا خۆیان یه‌كلایی نه‌كردووەته‌وه‌.

 
پێكھاتەكان داوای گەرەنتی لە حكوومەتی نوێی عێراق دەكەن

SUNDAY, 27 MAY 2018 15:05:33

هەولێر-KDP.info- پێكھاتەكان لە ھەموو كاتێك زیاتر ھەست بە مەترسی دەكەن و داوای گەرەنتی لە حكوومەتی داھاتووی عێراقدا دەكەن، وەك چالاك و نوێنەری پێكھاتەكانیش ئاماژەی بۆ دەكەن، تا عێراق پابەندی دەستوور نەبێت و مافی پێكھاتەكان پێشێل بكرێت، مەترسیی گەورە بۆسەر پێكھاتەكانی عێراق دروست دەبێت.

 
لیژنەی یاسایی: پەرلەمان و دادگای فیدراڵی، دەستەڵاتی هەڵوەشاندنەوەی ئەنجامی هەڵبژاردنیان نییە

SUNDAY, 27 MAY 2018 11:05:37

بەغدا-KDP.info-  سەرۆكی لیژنەی یاسایی لە پەرلەمانی عێراق گوتی، بەپێی دەستووری عێراق، نە پەرلەمان و نە دادگای فیدراڵی ناتوانن بڕیاری هەڵوەشاندنەوەی ئەنجامی هەڵبژاردنەكان بدەن، بۆیە كۆبوونەوەی سبەینێی پەرلەمان، هیچ بەهایەكی یاسایی و دەستووریی  نییە و، پارتییش بەشداریی تێدا ناكات.

 
یـەکـەم بـەیاننامەی سـەرکـردایەتیی کاتیی پارتی دیموکراتی کوردستان

SUNDAY, 27 MAY 2018 10:05:01

هەولێر-KDP.info-  یەکەم بەیاننامەی سەرکردایەتیی کاتی لە مانگی دوازدەی 1975 لە قۆناغی ئامادەکاری بۆ شۆڕشی چەکداری و دواتر هەڵگیرساندنی شۆڕشی گوڵانی پێشکەوتنخواز، ئەو دیکۆمێنتەی خوارەوە، دەقی بەیاننامەی سەرکردایەتیی کاتییە کە بە دەست و خەتی سەرۆک بارزانی نووسراوە.

 
پارێزگاری دھۆک هۆکاری گیان‌لەدەستدانی حەوت کەسەکەی زیندانێکی دهۆک دەخاتە ڕوو

SATURDAY, 26 MAY 2018 20:05:33

دهۆک-KDP.info- ئەمڕۆ ئێوارە بە ھۆی نانەوەی پشێوی و شەڕ و ئاڵۆزی لە نێو زیندانی چاکسازیی زڕکا لە شاری دھۆک، حەوت زیندانی گیانیان لەدەست دا و ژمارەیەکی زیاتریش بریندار بوون، پارێزگاری دھۆکیش دەڵێ، ئەوانەی پشێوییان دروست کردووە ھەوڵی ئەوەیان داوە لە زیندان ڕا بکەن و بە ماددەی تیرۆر حوکم دراون.



 
© 2018 Kurdistan Democratic Party, KDP