Kurdî  ■  كوردی  ■  عربي
MON, 15 OCT 2018 14:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

محەممەد خورشید: هێزێكی حەشد گەییشتوونەتە كەركووك.. مەبەستەكە روون نییە
| KDP.info


 

كەركووك-KDP.info- هێزێكی زۆری حەشدی شەعبی هاتوونەتە كەركووك و، بەرپرسی لقی 3ی پارتی لەو كه‌ركووك، رایدەگەیێنێت، ئەو هێزە مەزهەبییە میلیشیان و كۆنتتڕۆڵ نەكراون، تا ئێستایش نازاندرێت مەبەستیان چییە.

دوای ئاشكراكردنی ئەنجامە بەراییەكان لە شاری كەركووك، توركمان و عەرەبی سوننە و شیعە ناڕەزایەتییان دەربڕی، تا ئەوەی گەییشتە خۆپێشاندان و شەڕ لە نێوان هێزە چەكدارەكانی ئەو شارە و خۆپیشاندەران، كە برینداریشی لێ كەوتۆتەوە، محەممەد خورشید، بەرپرسی لقی كەركووكی پارتی، به‌ ماڵپەڕی فەرمیی پارتی دیموكراتی كوردستانی رایگەیاند: "چەند رۆژێكە بارودۆخی شاری كەركووك شڵەژانێكی زۆری پێوە دیارە، خۆپێشاندان و رێپێوان لە لایەن نەتەوە جیاوازەكانی شارەكەوە بەردەوامە و كار گەییشتووەتە ئەوەی تەقە لە نێوان هێزە ئەمنییەكانی ئەو شارە و خۆپێشاندەردا دوێنێ ئێوارە رووی داوە و برینداریشی لێ كەوتووەتەوە".

خورشید، هێمای بۆ ئەوەیش كرد، كەوا رێگری لە گواستنەوەی سندووقەكانی دەنگدان لەو شارە هەیە، لە لایەكی تریشەوە هەر یەكە لە شیعەكان و سوننەكان و توركمانەكان پێیان وایە ستەمیان لێ كراوە، گوتیشی: "شەوی رابردوو لە نزیك (معهد تقنی) تەقە لە نێوان خۆپێشاندەران و هێزە ئەمنییەكانی كەركووكدا رووی داوە و برینداریش هەبووە".

محه‌ممه‌د خوڕشید پێشی وایە، گەییشتنی هێزێكی زۆری حەشدی شەعبی بۆ ناو شارەكە، ئەوە هۆكارەكەیەتی، وەكخۆی ئاماژەی پێ كرد، تا ئێستا نازاندرێت، كە ئایا ئەو هێزە میلیشیایە بۆ پاڵپشتیی خۆپێشاندەران و شیعە ناڕازییەكان هاتوون، یاخود بۆ بردنی سندووقەكانی دەنگدان.

سەبارەت بە یەكلاكردنەوەی دەنگەكانی ئەو پارێزگایە لە رێی دەستییەوە، خورشید رەتی كردەوە هیچ بڕیارێكی لەو جۆرە هەبێت، تەنیا لە راگەیاندنەكانەوە ئەو دەنگۆیە هەیە، نەك لە راستیدا وەها بڕیارێك هەبێت.

دەرەنجامی هاتنی میلیشیا شیعەكان بۆ شاری كەركووك لە وەها ساتێكدا، محەممەد خورشید بە مەترسی دەزانێت و دەڵێت: "حەشدی شەعبی هێزێكی میلیشیایی كۆنترۆڵنەكراوە، بوونیشیان لە هەر شوێنێك، نانەوەی پشێوییە، بەڵام تا ئێستا مەبەستی هاتنی ئەو هێزە بۆ كەركووك دیار نییە".

 

خێڵان بەختیار




دوایین هەواڵەکان

سەرۆك بارزانی: بێشكچی جێگەی شانازییە و سیمبولە

MONDAY, 15 OCTOBER 2018 13:10:32

هەولێر-KDP.info-  سەرۆك بارزانی هەڵوێستەكانی ئیسماعیل بێشكچیی لەمەڕ دۆزی ڕەوای گەلی كوردستان بە گرینگ ناو برد. ڕاشیگەیاند "بێشكچی بۆ هەموومان جێگەی شانازییە و سیمبولە و بۆچوون و تێڕوانینەكانی لەبارەی گەلی كوردستان جێگەی بایەخدانێكی زۆرە."

 
خیانەتکارییا 16ى ئۆكتۆبه‌رێ، جەڵتەک بوو ل روحا گشتى یا مللەتێ کورد دایى

MONDAY, 15 OCTOBER 2018 12:10:57

دهۆک-KDP.info- خیانەتا 16ى ئۆكتۆبه‌رێ، پیلانەکا مەزن ژبۆ ژناڤبرنا هەرێما کوردستانێ بوو، ل دەمێ خودا مەترسى لسەر پێگەهێ هەرێما کوردستانێ هەبوو، چونکى ئارمانج نە داگیرکرنا کەرکوکێ بتنێ بوو، بەلکو ئێدى فیدرالیەت ل هەرێما کوردستانێ نەمینیت.

 
فڕاكسیۆنی پارتی: بڕیارەكانی عەبادی ھەڵدەوەشێنەوە

MONDAY, 15 OCTOBER 2018 10:10:04

بەغدا-KDP.info- ئەنجوومەنی نوێنەرانی عێراق، ئەمڕۆ لەبارەی سێ بڕگەوە كۆ دەبێتەوە و یەكێك لە بڕگەكانیش ھەڵوەشاندنەوەی ئەو بڕیارانەیە كە سەرۆكوەزیرانی پێشووی عێراق دەریكردبوون. ئەندامێكی ئەنجوومەنی نوێنەرانیش دەڵێت، بە ھیچ شێوەیەك كار بەم بڕیارانەی دوای ١٢ی ئایار ناكرێ.

 
كەركووكییەكان: 16ـی ئۆكتۆبەر خیانەتێكی جەرگبڕ بوو.. كەركووك لە جەستەیەكی مردوو دەچێت

MONDAY, 15 OCTOBER 2018 10:10:03

كەركووك-KDP.info- ڕۆژی 16ـی ئۆكتۆبەری ساڵی ڕابردوو، هێزەكانی عێراق و میلیشیاكانی حەشدی شەعبیی، بە هاوكاریی باڵێكی حزبێكی كوردستان هێرشیان كردە سەر كەركووك و خورماتوو، كە بە هۆی پاشەكشەپێكردنی بەشێك لە پێشمەرگەكانی یەكێتی، شاری كەركووك و دووزخوورماتوویان داگیركرد و سەدان هاووڵاتیی سڤیل و پێشمەرگە شەهید بوون.

 
نێچیرڤان بارزانی و هاوپه‌یمانیی ئیسڵاح، هاوڕا بوون

SUNDAY, 14 OCTOBER 2018 20:10:16

هه‌ولێر-KDP.info-  نێچیرڤان بارزانی و شاندێكی باڵای هاوپه‌یمانیی ئیسڵاح، هاوڕا بوون كه‌ پرۆسه‌ى سیاسى له‌سه‌ر هه‌رسێ بنه‌ماى هاوبه‌شى و یه‌كسانى و سازان به‌ڕێوه‌ بچێت و كێشه‌كانى هه‌ولێر ـ به‌غدا به‌پێى ده‌ستوور چاره‌سه‌ر بكرێن.

 


 
© 2018 Kurdistan Democratic Party, KDP