دهۆک-KDP.info- چالاکڤانێن مەدەنى دبێژن، پارتى دیموکراتى کوردستان حکومەتا عیراقێ نەجارکر بهێت دان و ستاندنا دگەل حکومەتێ کوردستانێ بکەت و وێ دوورپێچا ئابۆرى یا لسەر هەرێمێ راکەت و ئێکەم پێنگاڤ ڤەکرنا ڤرۆکخانەیان بوو،
پشتى دامەزراندنا حکومەتا نوو ل عیراقا فیدرال ل سالا 2003ێ و پەسەندکرنا دستورێ 2005ێ، حکومەتا هەرێما کوردستانێ هەمى رێکێن ئاشتى پەناکرن ژبۆ پاراستنا جوکرافیا و بدەستڤەئینانا مافێن هەولاتێن کوردستانیان، حکومەتا عیراقێ بەردەوام شەرێ دەروونى و ئابۆرى و لەشکەرى و سیاسى دگەل هەرێما کوردستانێ کریە، ئایا کى بوون پێگەهێ کوردان ل ناڤخو و لسەر ئاستێ نیڤدەولەتى پاراستى؟
بێوار باجلورى، چالاکڤانێ مەدەنى بۆ مالپەرێ فەرمیێ پارتى دیموکراتى کوردستان گۆت:"هەر ژ حکمرانیا نوویى ل عیراقێ ژ سالا 2003ێ تا ئەڤرۆ تاکە حزب پرسێن نەتەوەیى و بدەستڤەئینانا دەستکەفتێن مللەتێ کورد ژبۆ بهێزکرنا پێگەهێ کوردستانێ لسەر ئاستێ ناڤخویێ و نیڤدەولەتى پارتى دیموکراتى کوردستان بوویە، جونکى یا دیارە چەندین حزبێن کوردى خوەرادەستى حکومەتا عیراقێ کریە و هەولدایە دەستکەفتێن نەتەوەیى ژناڤببەن، بەلێ پارتى حکومەتا عیراقێ نەجارکر بهێت دان و ستاندنا دگەل حکومەتێ کوردستانێ بکەت و وێ دوورپێچا ئابۆرى یا لسەر هەرێمێ راکەت و ئێکەم پێنگاڤ ڤەکرنا ڤرۆکخانەیان بوو ".
ئایا عیراق بەرپرسیارە بەرامبەر کاودانێن ئالۆز ل هەرێما کوردستانێ؟
بێوار باجلورى بەحسکر، پارتى وەک حزبەکا جەماوەرى و خودان پێگەهەکێ بهێز ل سالا 2005ێ حکومەتەکا نوول عیراقێ دامەزاند، بەلێ ب مخابنى ڤە هندەک حزبێن ناڤخو یێ هەرێما کوردستانێ دەستێ خو رادەستى حکومەتا عیراقێ کر و بوونە ئەگەرێ برینا بودجە و مووچەیێن هەولاتێن هەرێما کوردستانێ، پارتى دیموکراتى کوردستان هەمى هەولدان کرن بارێ ئابۆریێ هەرێمێ ئاسایى بکەت، دیسان پشتى روودانێن خیایەنەتا 16ى ئێکتوبەرا 2017ێ، سەرۆکێ هەرێما کوردستانێ (مەسعود بارزانى) و سەرۆکێ حکومەتێ (نیجیرڤان بارزانى) هەمى هەولدان کرن بارێ کوردستانێ راگرن، نوکە ژى دۆژمنێن پارتى گەلەکن، جونکى دزانن پارتى تاکە حزبە پرۆژەیێ دەولەتبوونێ ددەستیدا و هەمى دەما پرسێن نەتەوەیى دپارێزیت و هەولدەت ژیانا هەولاتێن کوردستانێ خوش بکەت و عیراق تاوانبار و بەرپرسیارە لسەر رەوشا ئالوزا هەرێما کودستانێ دناڤدا دژیت و پارتى تاکە حزبە خۆ بخودانێ جارەسەرکرنا ڤان کێشا دبینیت.
لاوین سەورى، چالاکڤانێ مەدەنى بۆ مالپەرێ پارتى دیموکراتى کوردستان دیارکر:" سیستەمێ شوفینیەتێ ل عیراقێ یێ بەرنامەکریە و جوداهیا عەبادى و مالکى بۆ کوردستانیان نینە و هەمى تشت لدەمێ دوورپێچکرنا ئابۆرى لسەر هەرێما کوردستانێ و شەرێ دەروونى و لەشکەرى دگەل خەلکێ هەرێمێ ئەنجامدایى دیار بوو، راستە پێشمەرگە یێ کوردستانێ هەمیێ یە، بەلێ ل روودانێن 16ى ئێکتوبەرا 2017ێ، دیت هەمى پێشمەرگەیى سەر ب پارتى ڤە و حزبا پارتى نەهێلا حەشدا شەعبى بگەهیتە سنۆرێن هەرێما کوردستانێ و باژێرێ دهۆک و هەولێر و سلێمانیێ و هەلبجى ژى پاراستن، ژبەر هندێ پارتى ب ئیرادە و ب هێزا خۆ پلانێن دۆژمنان ژناڤبرن و پێگەهێ کوردان لسەر ئاستێ نیڤدەولەتى بهێزتر لێکرى".
لاوین سەورى زەلالکر:" پشتى ئەنجامدانا خیانەتا 16ى ئێکتوبەرێ خەلکى باوەرى ب دەستهەلاتا کوردى نەمایى، بەلێ پارتى هەمى بزاڤکرن وێ باوەریێ ڤەگەرینتەڤە و چەندین پەیمان دگەل حکومەتا مەرگەزى ئیمزاکرن و ژوان رەوانەکرنا مووچەیێ فەرمانبەران و پاشکەوتێ مووچەیان ژى تا رادەکێ نەهێلیت، دیسان دماوەیێ 75 رۆژاندان (نیچیرڤان بارزانى) دیدارێن نیڤدەولەتى ئەنجامدان، داکو کومەلگەها دەولى رازى بکەت ژبۆ هاریکاریا هەرێما کوردستانێ و تا رادەکێ شیا رەوشا هەرێمێ ئارام و خوشکەتەڤە".
هەلز عەلى سەلیم