Kurdî  ■  كوردی  ■  عربي
SAT, 23 MAR 2019 14:31 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كاندیدانی پارتی: کارنامەی لیستی ١٨٤ی پارتی بە کردەیی جێبەجێ دەکەین
| KDP.info


هه‌ولێر-KDP.info- كاندیدانی پارتی دیموكراتی كوردستان ئاماژه‌ بۆ ئه‌وه‌ ده‌كه‌ن كه‌ كار بۆ جێبه‌جێكردنی مافه‌ ده‌ستووری و نه‌ته‌وه‌ییه‌كانی گه‌لی كوردستان ده‌كه‌ن، وه‌كو ئه‌وه‌ی له‌ به‌رنامه‌ی پارتی دیموكراتی كوردستان، ‌لیستی 184دا باسی لێوه‌ كراوه‌ و ده‌بنه‌ داكۆكیكاری ‌مافه‌كانی گه‌لی كورد.

 

پارتی دیموكراتی كوردستان به‌رنامه‌ی خۆی بۆ هه‌ڵبژاردنی په‌رله‌مانی عێراق ئاشكرا كرد و له‌ به‌رنامه‌كه‌دا جه‌ختی له‌سه‌ر ئه‌وه‌ كردووەته‌وه‌ كه‌ كار ده‌كه‌ن بۆ پاراستنی ماف و ئازادییه‌ دەستوورییه‌كانی گه‌لی كوردستان و قه‌واره‌ی دەستووریی هه‌رێمێكی یه‌كگرتووی به‌هێز و جێبه‌جێكردنی دەستوور به ‌ته‌واوی مادده‌ و بڕگه‌كانییه‌وه‌، له‌وانه‌ مادده‌ی140ی دەستووری عێراق و ئه‌نجامدانی ڕاپرسی و ئاساییكردنه‌وه‌ی دۆخی كه‌ركووك و ئاوه‌دانكردنه‌وه‌ی ناوچه‌ زیانلێكه‌وتووه‌كان و قه‌ره‌بووكردنه‌وه‌ی خه‌ڵكه‌كه‌ی و گه‌ڕاندنه‌وه‌ی ئاواره‌كان بۆ سه‌ر ماڵوحاڵی خۆیان كه‌ له ‌دوای 16ی ئۆكتۆبه‌رەوە ئاواره‌ بوونه‌.

له‌م باره‌یه‌وه‌، شێروان حه‌یده‌ری، كاندیدی ژماره‌ ٩ی لیستی 184ی پارتی دیموكراتی كوردستان، بۆ ماڵپه‌ڕی فه‌رمیی پارتی دیموكراتی كوردستان گوتی: "ئێمه‌ وه‌كو كاندیدانی پارتی دیموكراتی كوردستان ئه‌گه‌ر خه‌ڵك متمانه‌ی پێ داین له ‌به‌غدا كار ده‌كه‌ین بۆ جێبه‌جێكردنی په‌یام و به‌رنامه‌ی پارتی دیموكراتی كوردستان، كه‌ به‌رنامه‌ی پارتی به‌رگریكردنه‌ له‌ ماف و داوا ڕه‌واكانی گه‌ڵی كوردستان و جێبه‌جێكردنی ئه‌و مادده‌ دەستوورییانه‌ی كه‌ په‌یوه‌ندییان به ‌هه‌رێمی كوردستانه‌وه‌ هه‌یه‌ و جگه‌ له‌وه‌ش، به‌رگری له‌ قه‌واره‌ی سیاسی و بودجه‌ و مووچه‌ و ماف و ئازادییه‌كانی خه‌ڵكی هه‌رێمی كوردستان ده‌كه‌ین، بۆیه‌ هه‌رێمی كوردستان هه‌ر مافێكی لای به‌غدا هه‌بێت كار بۆ به‌ده‌ستهێنانی ده‌كەین و ده‌بینه‌ داكۆكیكاری خه‌ڵكی كوردستان."

شێروان حه‌یده‌ری گوتیشی: "ئێمه‌ ده‌بینه‌ نوێنه‌ری ڕاسته‌قینەی‌ خه‌ڵكی كوردستان و ده‌بینه‌ ته‌واوكه‌ری نوێنه‌رانمان له‌م خوله‌ و ئه‌وانه‌ی خوله‌كانی ڕابردووی په‌رله‌مانی عێراق، كه‌ ئه‌وه‌ی ئه‌وان نه‌یانتوانیووه‌ بیكه‌ن، ئێمه‌ ده‌یكه‌ن، به‌تایبه‌ت بۆ ده‌ركردنی ئه‌و یاسایانه‌ی كه‌ پێویسته‌ په‌سه‌ند بكرێن هه‌وڵیان بۆ ده‌ده‌ین، چونكه‌ پرسی ئێمه‌ له‌گه‌ڵ عێراق نه‌ته‌وه‌ییه‌ و شه‌ریكبوونه‌ له‌گه‌ڵ عێراق و په‌یوه‌ندیی به ‌ئاینده‌ی خه‌ڵكی كوردستانه‌وه‌ هه‌یه‌."

د. ڤیان سه‌بری، كاندیدی ژماره ‌١ی لیستی 184ی پارتی دیموكراتی كوردستان له ‌سنووری دهۆك، بۆ ماڵپه‌ڕی فه‌رمیی پارتی دیموكراتی كوردستان گوتی: "لیستی پارتی دیموكراتی كوردستان لیستی ڕیفراندۆم و شكستهێنان به‌ پلانی ناحه‌زانی گه‌لی كورده‌، بۆیه‌ هه‌موو توانای خۆمان ده‌خه‌ینه‌ گه‌ڕ بۆ به‌هێزكردنی گوتاری سیاسی و ڕۆڵ و سه‌نگی هه‌رێمی كوردستان بۆ به‌رگریكردن له ‌مافی دەستووریی هه‌رێمی كوردستان و ده‌ستكه‌وتی ڕیفراندۆم و خوێنی شه‌هیدان. جگه‌ له‌وه‌ش، كار ده‌كه‌ین بۆ جێبه‌جێكردنی په‌یام و به‌رنامه‌ی پارتی دیموكراتی كوردستان كه‌ زیاتر جه‌خت له‌سه‌ر مافه‌ نه‌ته‌وه‌ییه‌كانی گه‌لی كورد ده‌كاته‌وه‌."

د. ڤیان گوتیشی: "گرنگیی زیاتر بە مافی ئافره‌ت ده‌ده‌ین و كاری بۆ ده‌كه‌ین بۆ ئه‌وه‌ی مافی ئافره‌ت به‌ده‌ست بێت و خزمه‌تگوزاری بۆ هه‌موو كه‌رته‌كان دابین بكرێت، به‌تایبه‌ت كه‌رتی ته‌ندروستی."

بڵند ئیبراهیم


 




دوایین هەواڵەکان

خۆشناو: پرۆژەیاسای سەرۆکایەتی هەرێمی کوردستانمان داوەتە سەرۆکایەتی پەرلەمان

SATURDAY, 23 MARCH 2019 13:03:33
هەولێر-KDP.info- پارتی پرۆژەیاسایەکی بۆ هەمواری یاسای سەرۆکایەتی هەرێمی کوردستان داوەتە سەرۆکایەتی پەرلەمان. سەرۆكی فراكسیۆنی پارتی لە پەرلەمانی كوردستان رایگەیاند، هەموو هەوڵێك دەدەن بەبێ‌ یەكێتی یاسای سەرۆكایەتی هەرێم هەموار نەكەنەوە. لەهەمانکاتدا گوتیشی، ئەگەر هەر نەهاتن، هەمواری یاساكە راناگرن.
 
شەقامی ١٢٠ مەتری دەکرێتەوە و دەست بە شەقامی ١٥٠ مەتری دەکرێت

SATURDAY, 23 MARCH 2019 12:03:31
هەولێر-KDP.info- شارەوانی ھەولێر لەبارەی دواکەوتنی کردنەوەی شەقامی ١٢٠ مەتری شاری ھەولێر ده‌ڵێ، لە ئایندەیەکی نزیکدا شەقامەکە دەکرێتەوە و گوتەبێژی شارەوانیش دەڵێ، رەوشی دارایی باشبێت دەست بە شەقامی ١٥٠ مەتری دەکەین.
 
مەكتەبی سیاسی پارتی، سەرەخۆشیی لە خانه‌واده‌ی حەمید ئاغای كاكە زیادی کۆیە دەکات

SATURDAY, 23 MARCH 2019 12:03:00
پرسەنامەی مەكتەبی سیاسی پارتی دیموكراتی كوردستان
بۆ كۆچی دوایی كەسایەتی نیشتیمانپەروەر(حەمید ئاغای كاكە زیادی کۆیە)
 
بەڕێزان خانەوادەی كەسایەتی نیشتیمانپەروەر (حەمید ئاغای كاكە زیادی کۆیە) 
گەورەترین پێشانگای کتێب لەھەولێر دەکرێتەوە

SATURDAY, 23 MARCH 2019 12:03:23
هەولێر-KDP.info-  بڕیارە لە مانگی نیسانی دابێ چواردەمین پێشانگای نێودەوڵەتی بۆ کتێب لە شاری ھەولێر بکرێتەوە و ھەزاران ناونیشان لەبوارە جیاوازەکان نمایش بکرێن و چەندین وڵاتیش بەشداری دەکەن.
 
پەیامی پیرۆزبایی دەزگای رۆشنبیریی و راگەیاندنی پارتی بۆ رادیۆی زاگرۆس

SATURDAY, 23 MARCH 2019 10:03:53
هەولێر-KDP.info- دەزگای رۆشنبیریی و راگەیاندنی پارتی دیموكراتی كوردستان، بەبۆنەی (13)هەمین ساڵیادی دامەزراندنی (رادیۆی زاگرۆس) په‌یامێكی پیرۆزبایی ئاراسته‌ی بەڕێوەبەر و  ستافی بەڕێوەبردن و تێكڕای كارمەندانی رادیۆی زاگرۆس كرد.
 


 
© 2018 Kurdistan Democratic Party, KDP