Kurdî  ■  كوردی  ■  عربي
WED, 12 DEC 2018 07:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئه‌م مانگه‌ به‌ سیسته‌می تازه‌ مووچه‌ی كه‌مئه‌ندامان دابه‌ش ده‌كرێت
| KDP.info


هەولێر-KDP.info- گوته‌بێژی وه‌زاره‌تی كار و كاروباری كۆمه‌ڵایه‌تیی حكوومه‌تی هه‌رێمی كوردستان گوتی، وه‌زاره‌تی دارایی ڕه‌زامه‌ندیی داوه‌ بۆ زیادكردنی مووچه‌ی كه‌مئه‌ندامان له‌90 هه‌زارەوە بۆ 120 هه‌زار دینار و له‌م مانگه‌وه‌ به‌ سیسته‌می نوێ مووچه‌کەیان دابه‌ش ده‌كرێت.

 

هه‌مزه‌ مه‌غدید، گوته‌بێژی وه‌زاره‌تی كاروكاروباری كۆمه‌ڵایه‌تیی حكوومه‌تی هه‌رێمی كوردستان، به‌ ماڵپه‌ری فه‌رمیی پارتی دیموكراتی كوردستانی ڕایگه‌یاند: "دوای ئه‌وه‌ی داوامان له‌ وه‌زاره‌تی دارایی كرد كه‌ مووچه‌ی كه‌مئه‌ندامان له‌90 هه‌زارەوە بۆ 150 هه‌زار دینار زیاد بكرێت، وه‌زاره‌تی دارایی وه‌ڵامی داوه‌ته‌وه‌ و بڕیاری داوه‌ كه‌ مووچه‌ی كه‌مئه‌ندامان له ‌90 هه‌زار دینارەوە بۆ 120 هه‌زار دینار زیاد بكرێت، چونكه‌ وه‌كو خۆیان باسیان لێ كردووه‌ ‌ئێستا توانایان نییه‌ بۆ150 هه‌زار دینار زیادی بكه‌ن."

 

هه‌مزه‌ مه‌غدید گوتی: "ئه‌و كه‌مئه‌ندامانه‌ی كه‌ هیچ مووچه‌یان نییه‌ 120 هه‌زار دیناریان پێ ده‌درێت و ئه‌وانه‌ی فه‌رمانبه‌رن، وه‌كو پێشوو 60 هه‌زار دینار وه‌رده‌گرن، بۆیه‌ ته‌نیا ده‌ستكاریی مووچه‌ی ئه‌و كه‌مئه‌ندامانه‌ كراوه‌ كه‌ هیچ مووچه‌یه‌كیان نییه‌."

 

مه‌غدید ڕوونیشی كرده‌وه‌: "بڕیاره‌ سبه‌ی مووچه‌ی وه‌زاره‌تی كار و كاروباری كۆمه‌ڵایه‌تی دابه‌ش بكرێت، به‌ڵام هی كه‌مئه‌ندامان هه‌ندێك دوا ده‌كه‌وێت، چونكه‌ پێویسته‌ به ‌سیسته‌می نوێ لیستی مووچەکە‌یان ئاماده‌ بكرێت، بۆیه‌ هه‌وڵ ده‌درێت تا كۆتاییی ئه‌م هه‌فته‌یه‌ لیست ئاماده‌ بكرێت و ڕۆژی پێنجشه‌ممه‌ مووچه‌ی ئه‌وانیش دابه‌ش بكرێت."

 

به‌ پێی ئامارێكی وه‌زاره‌تی كار و كاروباری كۆمه‌ڵایه‌تیی حكوومه‌تی هه‌رێمی كوردستان ژماره‌ی كه‌مئه‌ندامانی هه‌رێمی كوردستان 107 هه‌زار كه‌مئه‌ندامه‌.

 

بڵند ئیبراهیم

 




دوایین هەواڵەکان

نێچیرڤان بارزانی و وه‌زیری وزه‌ی ئه‌مه‌ریكا كۆ بوونه‌وه‌

TUESDAY, 11 DECEMBER 2018 20:12:27

هه‌ولێر-KDP.info-  له‌ كۆبوونه‌وه‌یدا له‌گه‌ڵ وه‌زیری وزه‌ی وڵاته‌ یه‌كگرتووه‌كانی ئه‌مه‌ریكا، نێچیرڤان بارزانی گرنگیى به‌رده‌وامیی هاوپه‌یمانه‌تی و دۆستایه‌تی له‌گه‌ڵ ئه‌مه‌ریكا دووپات كرده‌وه. هاوكات هیوای خواست ئه‌مه‌ریكا سه‌باره‌ت به‌ هه‌نارده‌كردنی نه‌وتی كه‌ركووك بگێڕێت، چونكه‌ له‌ به‌رژه‌وه‌ندی و داهاتی گشتیی عێراق به‌كار ده‌بێت.

 
سەرەخۆشیی بارەگای بارزانی بۆ خانەوادەی موقه‌ده‌م زوبێر خدر ره‌سوڵ

TUESDAY, 11 DECEMBER 2018 20:12:55

به‌ناوی خودای گه‌وره‌ و میهره‌بان

شاندێكی یه‌كێتیى ئه‌ورووپا سه‌ردانی په‌رله‌مانی كوردستانیان كرد

TUESDAY, 11 DECEMBER 2018 19:12:58

هەولێر-KDP.info-  شاندێكی یه‌كێتیى ئه‌ورووپا سه‌ردانی په‌رله‌مانی كوردستانیان كرد و ئاماده‌یی خۆیان بۆ  كردنه‌وه‌ى خولى راهینان و گه‌شه‌پێدانى تواناكان له‌گه‌ڵ ئه‌ندامانى خولى نوێى په‌رله‌مان نیشانداو  جه‌ختیشیان له‌سه‌ر كاركردنى هاوبه‌ش له‌گه‌ڵ هه‌رێمى كوردستان و عێراق كرده‌وه‌ له‌ هه‌ردوو بوارى  چاودێریى دارایی گشتى و چاكسازى له‌بوارى وزه‌دا به‌تایبه‌تى له‌بوارى كه‌رتى كاره‌بادا.

وەزیری وزەی ئەمەریکا سڵاو و سوپاسگوزاری تایبەتی مایک پێنسی بە سەرۆک بارزانی گەیاند

TUESDAY, 11 DECEMBER 2018 19:12:33

هەولێر-KDP.info-  سەرۆك بارزانی لە شاری هەولێر لەگەڵ وەزیری وزەی ئەمەریكا كۆبووەوە و لە دیدارەکەدا وەزیری وزەی ئەمریکا، سڵاوی تایبەتی مایک پێنس جێگری سەرۆکی ئەمریکای بە سەرۆک بارزانی گەیاند، سوپاسگوزاری تایبەتی ئەویشی بە سەرۆک بارزانی گەیاند، سەبارەت بە پەنادان و حەوانەوە و پاراستنی پێکهاتە ئایینییەکان بەتایبەتی کریستیانەکان لە هەرێمی کوردستاندا. هیواشی خواست ئەو هاونیشتمانییانەی بەهۆی شەڕی داعشەوە پەڕاگەندەو ئاوارە بوون بە زووترین کات بگەڕێنەوە سەر ماڵ و حاڵی خۆیان.

مه‌سروور بارزانی: ھەرێمی کوردستان دەخوازێت بە شێوەیەکی کرداری سوود لە ناوەڕۆکی رێککەوتنی ستراتیژی ئەمەریکا و عێراق وەرگرێت

TUESDAY, 11 DECEMBER 2018 19:12:33

هەولێر-KDP.info- مەسروور بارزانی راوێژکاری ئەنجوومەنی ئاسایشی هەرێمی کوردستان و وەزیری وزەی ئەمەریکا کۆبوونەوە و لە دیدارەکەدا مەسروور بارزانی رایگەیاند،  ھەرێمی کوردستان دەخوازێت بە شێوەیەکی کرداری سوود لە رێکەوتنی ستراتیجی نێوان ئەمەریکا و عێراق وەرگرێت بە تایبەت لە بواری کەرتەکانی وزە و ئابووری و چاکسازی.



 
© 2018 Kurdistan Democratic Party, KDP