هەولێر-KDP.info- مازن عەبدولقادر، سەرۆکی دەستەی کۆمسیۆنی باڵای هەڵبژاردنەکانی عێراق لە هەرێمی کوردستان، ڕێژەی دەنگدەران و کورسی و لیست و کاندیدەکانی لە هەرێمی کوردستان ڕاگەیاند.
عەبدولقادر لە کۆنفرانسێکی ڕۆژنامەوانیدا ئامارەکانی پەیوەست بە هەڵبژاردنەکان لە هەرێمی کوردستانی ڕایگەیاند: "لە هەرێمی کوردستان سێ ملیۆن و ١٤٤ هەزار و ٧٣٠ کەس مافی دەنگدانیان هەیە و ٢٥ کیان پشکدارن، لەوانەش ١٩ پارتی سیاسی و ٤ هاوپەیمانی و ٢ کەسی سەربەخۆ."
عەبدولقادر ئاشکرای کرد: '' ٥٠٣ کەس خۆیان بۆ هەڵبژاردنەکان پاڵاوتووە، لەوانەش ٣٥٧ کەس ڕەگەزی نێرن و ١٤٦ ڕەگەزی مێ."
سەرۆکی دەستەی کۆمسیۆنی باڵای هەڵبژاردنەکانی عێراق لە هەرێمی کوردستان ڕایشیگەیاند: "٤٦ کورسی بۆ هەرێمی کوردستان لە ئەنجومەنی نوێنەرانی عێراق دابین کراون، لەوانەش، ١٦ کورسی بۆ پارێزگای هەولێر، ١٨ کورسی بۆ پارێزگای سلێمانی و ١٢ کورسی بۆ پارێزگای دهۆک."
کـــاروان بـــاعەدری