Kurdî  ■  كوردی  ■  عربي
SAT, 23 MAR 2019 14:26 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پێكهاتەكانی كەركووك، هەڕەشەی بایكۆتكردنی هەڵبژاردنەكان دەكەن
| KDP.info


 

كەركووك-KDP.info- گوتەبێژی ئەنجوومەنی سەركردایەتیی كەركووك_ گەرمیانی پارتی دەڵێ، لە كەركووك پێكهاتەكان كۆمەڵێك داواكارییان لەبارەی  دۆخی ئەمنی و خزمەتگوزارییەوە پێشكەشی ئیدارەی شارەكە كردووە، ئەگەر بۆیان جێبەجێ نەكرێت، بایكۆتی هەڵبژاردنەكان دەكەن.

 لە دوای ڕووداوەكانی 16ی ئۆكتۆبەرەوە، دۆخی ئەمنیی شارەكە بەردەوام لە خراپبووندایە و شارەكەیش بەسەربازی كراوە و كوشتن و دزین و رفاندن لێی بەردەوامە، لە ئێستایشدا بە هۆی خراپیی دۆخی ئەمنی و نەبوونی خزمەتگوزارییەوە، خەڵكی زۆر ناڕازییە و، بانگەشەی هەڵبژاردنی پەرلەمانی عێراقیش لەو شارە دەستی پێ كردووە ولایەنە كوردیەكانیش جگە لە پارتی، بەشداری لەو هەڵبژاردنانەدا دەكەن لە كەركووك.

گوتەبێژی ئەنجوومەنی سەركردایەتیی كەركووك_ گەرمیانی پارتی، عەدنان كەركووكی، بە ماڵپەڕی فەرمیی پارتی دیموكراتی كوردستانی راگەیاند: "بانگەشەی هەڵبژاردنەكان لە سنووری كەركووك لە دوێنێوە لەلایەن بەشێك لەلایەنە كوردییەكانەوە دەستیان پێ كردووە و، ئەمڕۆیش ئەوانەی دیكە دەستیان پێ كرد، بەڵام بە هیچ شێوەیەك رێگە بە هیچ كەسێك نادرێت ئاڵای كوردستان بەكار بێنن و لە بانگەشەكانیشدا هیچ سیمایەكی كوردستانی بەدی ناكرێت".

كەركووكی گوتیشی، دژەتیرۆری عێراق سەرپەرشتیی دۆخی ئەمنیی  شارەكە دەكات و، هێزێكی زۆری عێراقییش رەوانەی شارەكە كراوە و لە ژێر سەرپەشتیی ئەواندا بانگەشە بەڕێوە دەچێت .

ئەو هەروەها ڕوونیشی كردەوە: "كۆمەڵێك چالاكوانی مەدەنی لە كەركووك بە ناوی خەڵكی شارەكەوە لە هەر سێ پێكهاتەكان، كۆمەڵێك داواكارییان ئامادە كردووە لەبارەی خراپیی دۆخی ئەمنی و خزمەتگوزاری لە شارەكەدا و داویانە بە ئیدارەی شارەكە و هەڕەشەی ئەوەیان كردووە كە، ئەگەر داواكارییەكانیان جێبەجێ نەكرێن، بایكۆتی هەڵبژاردنەكان دەكەن، ئیدارەی شارەكەیش تائێستا وەڵامی ئەوانی نەداوەتەوە و بڕوایش ناكەم وەڵامیان بداتەوە".

دەشڵێ: "ئەگەر وەڵامی داواكاریی خەڵكەكە نەدەنەوە كە نوێنەری هەموو پێكهاتەكانن، رەنگە بایكۆتی هەڵبژاردنەكان بكەن، چونكە دۆخی ئەمنی و خزمەتگوزاریی شارەكە زۆر خراپە و خراپتریش دەبێت".

 

بڵند ئیبراهیم




دوایین هەواڵەکان

خۆشناو: پرۆژەیاسای سەرۆکایەتی هەرێمی کوردستانمان داوەتە سەرۆکایەتی پەرلەمان

SATURDAY, 23 MARCH 2019 13:03:33
هەولێر-KDP.info- پارتی پرۆژەیاسایەکی بۆ هەمواری یاسای سەرۆکایەتی هەرێمی کوردستان داوەتە سەرۆکایەتی پەرلەمان. سەرۆكی فراكسیۆنی پارتی لە پەرلەمانی كوردستان رایگەیاند، هەموو هەوڵێك دەدەن بەبێ‌ یەكێتی یاسای سەرۆكایەتی هەرێم هەموار نەكەنەوە. لەهەمانکاتدا گوتیشی، ئەگەر هەر نەهاتن، هەمواری یاساكە راناگرن.
 
شەقامی ١٢٠ مەتری دەکرێتەوە و دەست بە شەقامی ١٥٠ مەتری دەکرێت

SATURDAY, 23 MARCH 2019 12:03:31
هەولێر-KDP.info- شارەوانی ھەولێر لەبارەی دواکەوتنی کردنەوەی شەقامی ١٢٠ مەتری شاری ھەولێر ده‌ڵێ، لە ئایندەیەکی نزیکدا شەقامەکە دەکرێتەوە و گوتەبێژی شارەوانیش دەڵێ، رەوشی دارایی باشبێت دەست بە شەقامی ١٥٠ مەتری دەکەین.
 
مەكتەبی سیاسی پارتی، سەرەخۆشیی لە خانه‌واده‌ی حەمید ئاغای كاكە زیادی کۆیە دەکات

SATURDAY, 23 MARCH 2019 12:03:00
پرسەنامەی مەكتەبی سیاسی پارتی دیموكراتی كوردستان
بۆ كۆچی دوایی كەسایەتی نیشتیمانپەروەر(حەمید ئاغای كاكە زیادی کۆیە)
 
بەڕێزان خانەوادەی كەسایەتی نیشتیمانپەروەر (حەمید ئاغای كاكە زیادی کۆیە) 
گەورەترین پێشانگای کتێب لەھەولێر دەکرێتەوە

SATURDAY, 23 MARCH 2019 12:03:23
هەولێر-KDP.info-  بڕیارە لە مانگی نیسانی دابێ چواردەمین پێشانگای نێودەوڵەتی بۆ کتێب لە شاری ھەولێر بکرێتەوە و ھەزاران ناونیشان لەبوارە جیاوازەکان نمایش بکرێن و چەندین وڵاتیش بەشداری دەکەن.
 
پەیامی پیرۆزبایی دەزگای رۆشنبیریی و راگەیاندنی پارتی بۆ رادیۆی زاگرۆس

SATURDAY, 23 MARCH 2019 10:03:53
هەولێر-KDP.info- دەزگای رۆشنبیریی و راگەیاندنی پارتی دیموكراتی كوردستان، بەبۆنەی (13)هەمین ساڵیادی دامەزراندنی (رادیۆی زاگرۆس) په‌یامێكی پیرۆزبایی ئاراسته‌ی بەڕێوەبەر و  ستافی بەڕێوەبردن و تێكڕای كارمەندانی رادیۆی زاگرۆس كرد.
 


 
© 2018 Kurdistan Democratic Party, KDP