Kurdî  ■  كوردی  ■  عربي
SAT, 22 SEP 2018 18:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئه‌گه‌ر پۆمپیۆ ببێ به‌ وه‌زیری ده‌ره‌وه‌
| KDP.info



هۆشیار سیوه‌یلی
ڕێکس تێلەرسۆنی وەزیری دەرەوەی وڵاتە یەکگرتووەکان دەرکرا و مایک پۆمپیۆ کە بەڕێوەبەری CIAیە، لە لایەن سەرۆک ترامپەوە دەستنیشان کرا و گەر سەنەت (کە بە هەڵە بە ئەنجوومەنی پیران ناو دەبرێت) دەنگی لەسەر بدات، ئەوا لە مانگی چواردا دەبێتە وەزیری دەرەوە.
هەرچەندە لە مێژووی ئەو وڵاتەدا زۆر کەم ڕوویداوە ئاوا خێرا و بەو شێوە نەشیاوە وەزیری دەرەوە بگۆڕێت، بەڵام هەراکە لەسەر ئەوە نییە، بەڵکو لەسەر کەسایەتی و سیاسەت و بۆچوونەکانی پۆمپیۆیە و لە هەموویشیان گرینگتر سیاسەتی بەرامبەر ئێران. هەرچەندە وەک باس دەکرێت کێشەی زۆر لە نێوان سەرۆک و وەزیرەکەیدا هەبووە، بەڵام زەقترینیان ناکۆکییەکانیان بووە لەمەڕ فایلی ناوکیی ئێران.
ترامپ دەیەوێت ڕێکكەوتنە ناوکییەکە هەڵبوەشێنێتەوە (بە پێچەوانەی هەموو ئەو وڵاتانەی شانبەشانی ئەمەریکا ئیمزایان کردووە)، یان دەستکاریی بکات لە ڕێگەی هەڕەشەی دەرچوونی ئەمەریکا لە ڕێکكەوتنەکە (کە ئەمە مەبەستە سەرەکییەکەیە). تیلەرسۆن لەگەڵ دەرچوونی ئەمەریکا نەبوو، ڕێكکەوتنەکەی لا باش بوو، لایشی وابوو ئێران پابەندە. ئایا کاریگەریی هەڵوێست و بۆچوونەکانی وەزیری نوێ لەسەر سیاسەتی دەرەوە چی دەبێت و تا چ ڕادەیەک مل بۆ سیاسەت و بۆچوونەکانی سەرۆک دەدات، دەبێ چاوەڕێ بین.
ئەوەی کەمێک ڕۆشنایی دەخاتە سەر سروشتی ڕەفتاری پۆمپیۆ و سیاسەتی دەرەوەی ئەمەریکا لە سێ ساڵی داهاتوودا، ئەو ستراتیژییەیە کە ئیدارەی ئەمەریکا بە ناوی ستراتیژی ئاسایشی نەتەوەیی ئەمەریکا ئامادەی کردووە و دژایەتیی ئێران لە ناوچەی ڕۆژهەڵاتی ناڤین یەکێکە لە سیما دیارەکانی. ئەوەی دەکرێت پێشبینی بکرێت دەربارەی سیاسەتی ئەمەریکا بەرامبەر ئێران لە مەودایەکی نزیکدا بریتییە لە تەنگهەڵچنینی زیاتر بە ئێران، بەڵام زۆر زەحمەتە ترامپ بتوانێت ڕێکكەوتنەکە هەڵبوەشێنێتەوە. ڕەنگە بکرێت لە هەندێک ڕووی ترەوە کێشە بۆ ئێران دروست بکرێ و دەستکاریی ڕێکكەوتنەکە بکرێت بە تایبەتی توانای ئێران بۆ زیاتر پەرەپێدانی مووشەکە بالیستییەکانی. ئێستا ئەورووپاییەکان لەگەڵ ئەمەریکا لە گفتوگۆدان بۆ پێشنیازکردنی هەندێک گۆڕانکاری لە ڕێكکەوتنەکە یان دانانی هەندێک سزا لەسەر ئێران. ئەگەر توانییان لەسەر ئەمە ڕێكبکەون، ئایا کاردانەوەی ئێران چۆن دەبێت و لە رێکكەوتنەکە دەکشێتەوە؟
ئەوەی جێگەی پرسیاری زۆر کەسە ئەوەیە، کە ئایا ئەم وەزیرە تازەیە گۆڕانکاریی بەرچاو لە سیاسەتی ئەمەریکادا بەرامبەر هەرێمی کوردستان دەهێنێتە ئاراوە؟ وەڵامدانەوەی ئەم پرسیارە بە شێوەیەکی ڕاستەوخۆ ئاسان نییە و هەڵوێستەکانی داهاتووی ئەمەریکا بەندە بە کۆمەڵێک گۆڕانکاری و پێشهاتی ترەوە، بەڵام ئەوەی تێبینی دەکرێت ئەوەیە، هەڵوێستی ئەمەریکا بەرامبەر هەرێمی کوردستان گۆڕانکاریی گەورەی بەسەردا نایەت و، ئەو وڵاتە بەردەوام دەبێت لە پشتگیریی هەرێم لە چوارچێوەی عێراقێکی فیدراڵدا و ڕەنگە وەزیری نوێ، زیاتر لە گرینگی پێگەی هەرێم لە هاوکێشە سیاسی و ئەمنییەکانی ناوچەکە تێبگا. وەک هەمیشە پەیوەندییە نێوخۆییەکانی خۆمان و شێوازی حوکمداری و خۆبەڕێوەبردنمان کاریگەری لەسەر هەڵوێستی دەرەوە دەبێت بەرامبەر هەرێم.




دوایین هەواڵەکان

دڕاندن و سوتاندنی پۆسته‌ری كاندیدان، سزای هه‌یه‌

SATURDAY, 22 SEPTEMBER 2018 18:09:32

هەولێر-KDP.info-  دڕاندن و سوتاندنی پۆسته‌ری به‌ربژێره‌كانی پارتی دیموكراتی كوردستان له‌ سلێمانی بووه‌ به‌ دیارده‌ و، به‌شی یاسایی كۆمسیۆنی باڵای سه‌ربه‌خۆی هه‌ڵبژاردن و راپرسییش روونكردنه‌وه‌ له‌و باره‌وه‌ ده‌دات.

 
سەرۆك بارزانی پێشوازی لە سەرۆكی ئەنجوومەنی نوێنەرانی عێراق كرد

SATURDAY, 22 SEPTEMBER 2018 17:09:29

هەولێر-KDP.info- سەرۆك بارزانی پێشوازی لە سەرۆكی ئەنجوومەنی نوێنەرانی عێراق كرد و هەردوولا لەسەر ئەوە هاوڕا بوون كە پێویستە هەموو لایەك پابەندی تەوقیتاتی دەستووری بێت لە پڕۆسەی سیاسی و جەختیش لە پابەندبوون بە هەر سێ پڕەنسیپی هاوبەشی و تەوافوق و هاوسەنگیی نێوان پێكهاتەكان لە پڕۆسەی حوكمڕانیدا كرایەوە.

مه‌سروور بارزانی پێشوازی له‌ سه‌رۆكی ئه‌نجوومه‌نی نوێنه‌رانی عێراق كرد

SATURDAY, 22 SEPTEMBER 2018 16:09:44

هەولێر-KDP.info-  مه‌سروور بارزانی پێشوازی له‌ سه‌رۆكی ئه‌نجوومه‌نی نوێنه‌رانی عێراق كرد و لە دیدارەکەدا سه‌رۆكی ئه‌نجوومه‌نی نوێنه‌رانی عێراق رایگەیاند كه‌ له‌نزیكه‌وه‌ له‌گه‌ڵ سه‌رجه‌م فراكسیۆنه‌كانی ئه‌نجوومه‌ن كاری هاوبه‌ش ده‌كه‌ن له‌ گه‌ڵاڵه‌كردن و ده‌ركردنی یاساكان به‌ ئامانجی گێرانه‌وه‌ی متمانه‌ی نێوان پێكهاته‌كان و خزمه‌تكردنی باشتری هاووڵاتیانی وڵات بێ جیاوازی.

سەرۆك بارزانی لەگەڵ ئەندامانی فڕاكسیۆنی پارتی دیموكراتی كوردستان لە ئەنجوومەنی نوێنەرانی عێراق كۆبۆوە

SATURDAY, 22 SEPTEMBER 2018 15:09:51

هەولێر-KDP.info-   سەرۆك بارزانی لەگەڵ ئەندامانی فڕاكسیۆنی پارتی دیموكراتی كوردستان لە ئەنجوومەنی نوێنەرانی عێراق كۆبۆوە و لەو كۆبوونەوەیەدا سەرۆك بارزانی لە گوتەیەكدا دەستخۆشی و پیرۆزبایی لە ئەندامانی فڕاكسیۆنی پارتی دیموكراتی كوردستان لە ئەنجوومەنی نوێنەرانی عێراق كرد و ڕۆشنایی خستەسەر بایەخی هەڵبژاردنەكانی عێراق و سەركەوتنی لیستی پارتی لەو هەڵبژاردنە و جەختیشی لەوە كردەوە كە پێویستە فڕاكسیۆنی پارتی نموونەی بەرزی ئاكاری سیاسی بێت و پابەندیش بێت بە ئامانجە ستراتیژییەكانی گەلی كوردستان كە ئامانجی ستراتیژیی پارتی دیموكراتی كوردستانیشن.

پارتی چی كردووە و چیی تر دەكات؟

SATURDAY, 22 SEPTEMBER 2018 14:09:07

دهۆك-KDP.info- پارتی دیموكراتی كوردستان هەر لە سەرەتای دامەزرانییەوە كاری بۆ كوردستانێكی بەهێز كردووە و دەیكات، هەروەها توانیویەتی پێگەی سیاسی و جیۆسیاسیی كوردستان بەهێز بكات، وەك شارەزایانیش دەڵێن، پارتی كاری بۆ بەرزكردنەوەی هەموو ئاستەكانی ژیان لە هەرێم كردووە و دەیشیكات، دەشتوانێت پێگەی كورد زیاتر بەهێز و بەرەوپێشتر ببات.

 


 
© 2018 Kurdistan Democratic Party, KDP