Kurdî  ■  كوردی  ■  عربي
FRI, 14 DEC 2018 23:11 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پسپۆڕێكی زانستە سیاسییەكان: بەغدا لە دەرەوە پیلان بۆ لاوازكردنی هەرێمی كوردستان دادەنێت
| KDP.info


 

هەولێر-KDP.info- پسپۆڕێكی زانستە سیاسییەكان ئاماژە بۆ ئەوە دەكات، تا كێشە بنەڕەتییەكانی كورد لە عێراقدا چارە نەكرێن، بە چارەكردنی كێشە لاوەكییەكان گرفتەكانی نێوان هەرێمی كوردستان و بەغدا وەك خۆیان دەمێننەوە. دەشڵێ، لەوانەیە بۆ چەند مانگێك مووچەمان بۆ بنێرن، بەڵام لە سەرێكی دیكەوە كار بۆ لاوازكردنی كیانی سیاسیی هەرێمی كوردستان دەكەن.

دكتۆر شێرزاد زەكەریا، مامۆستای زانكۆ و پسپۆڕی زانستە سیاسییەكان، بە ماڵپەڕی فەرمیی پارتی دیموكراتی كوردستانی راگەیاند: "كێشەكانی نێوان هەرێمی كوردستان و بەغدا كێشەی مێژوویین و بە درێژایی دامەزراندنی دەوڵەتی عێراق ئەو كێشانە هەر چارە نەكراون، لەوانەیە بە شێوەی كاتی هەندێك جار هەندێ كێشە چارە كرابن، بەڵام كێشە بنەڕەتییەكانی گەلی كورد وەك پێكهاتەیەكی سەرەكیی عێراق چارە نەكراون، بە درێژایی سەد ساڵی رابردوو گەلی ئێمە كێشەی زەوی و زمان و پەروەردەی هەبووە لەگەڵ ناوەنددا، هەتا كێشەی مەزهەب و ئایین و ئابوورییش هەبوونە، چەندین شۆڕش و راپەڕین بەرپا كراون هەمووی لە پێناو بەدەستهێنانی مافەكانماندا بووە".

كورد نزیكەی سەدەیەكە لەلایەن حكوومەتە یەك لە دوای یەكەكانی عێراقەوە دەچەوسێندرێتەوە، هەر جارێك بەغدا لاواز بێت، پەنای بۆ دانوستان و رێككەوتن هێناوە لەگەڵ كورد، بەڵام دواتر بەغدا لە دەرفەت گەڕاوە بۆ پێشێلكردنی مافەكانی گەلی كورد و شكاندنی رێككەوتنەكان، لە دوای پڕۆسەی ئازادیی عێراقیش، بڕیار بوو كورد وەك نەتەوەی دووەم و سەرەكیی عێراق بەشدار بێت لە دەستەڵاتی عێراقدا، بەڵام عێراقی نوێیش هەمان سیناریۆی عێراقی پێشووی جێبەجێ كرد بەرامبەر بە كورد.

ئەو پسپۆڕەی زانستە سیاسییەكان ڕوونی كردەوە: "ئەگەر پێشتر كێشەی كورد لە عێراقدا چارە بكربایە، خۆ شۆڕشی مەزنی ئەیلوول نەدەبوو، ئەوانی تریش بە هەمان شێوە لەبەر ئەوەی كورد بەردەوام بەرەنگاری عێراق بووەتەوە، بۆ ئەوە بووە مافی ئێمەیان نەداوە، ئێستایش هەمان كێشەی ئەوكاتەن ماونەتەوە و رۆژ بە رۆژ كەڵەكە دەبن".

دكتۆر شێرزاد زیاتر گوتی: "گرتنی فڕۆكەخانە و نەناردنی مووچە ئەنجامی كێشەیەكن، باشە پرسیار ئەوەیە، با فڕۆكە خانە نەكاتەوە، بۆچی فڕۆكەخانەی داخست، بۆچی بەغدا مووچەی بڕی؟ دیارە هۆكارێكی هەبووە، تا ئەو هۆكارانە چارە نەكرێن ئەوە كێشەی ئێمە بەغدا نابڕێتەوە".

ئەو پسپۆڕە پیلانێكی بەغدای دژی هەرێمی كوردستان ئاشكرا كرد بەوەی كە، لە سەرێكەوە بەغدا خەڵكی كوردستان بە ناردنی مووچە و كردنەوەی فڕۆكەخانەوە خەریك كردووە و، لە دەرەوەیش خەریكی دانانی پیلانە بۆ لاوازكردنی كیانی سیاسیی هەرێمی كوردستان.

دەشڵێ: " كێشەی هەرێمی كوردستان لە عێراقدا نە مووچەیە و نە بوودجە، بەڵكوو كێشە شەراكەت و هاووڵاتیبوون و ماددەی 140ی دەستوورە، لەوانەیە چەند مانگێك بەغدا مووچەمان بۆ بنێرێ، بەڵام دواتر هەر دەیبڕێ، فڕۆكەخانە دەكاتەوە، دواتر دایدەخات، بەوە كێشەكان چارە ناكرێن، عێراق دەیەوێ كورد لە هێڵی نەتەوەیی و نیشتیمانی دوور بخاتەوە و خەڵك بە مووچە و فڕۆكەخانەوە سەرقاڵ بكات، حكوومەتی بەغدا پیلانی هەیە و دەستی دەرەكییشی لەگەڵدایە، بۆ ئەوەی هەرێمی كوردستان وەك كیانێكی سیاسی لاواز بكات، نەك رێككەوتن بكات و ئەنجامی هەبێت".

 

قائید میرۆ

 

 




دوایین هەواڵەکان

نێچیرڤان بارزانی و ئه‌لحه‌لبووسی دۆخی عێراق و ناوچه‌كه‌ تاوتوێ ده‌كه‌ن

FRIDAY, 14 DECEMBER 2018 22:12:12

هه‌ولێر-KDP.info-  ئێواره‌ی ئه‌مڕۆ هه‌ینی 14/12/2018، نێچیرڤان بارزانی سه‌رۆكوه‌زیرانی هه‌رێمی كوردستان، پێشوازی له‌ د. محه‌مه‌د ئه‌لحه‌لبووسی سه‌رۆكی په‌رله‌مانی عێراق و شاندێكی یاوه‌ری كرد.

 
پارتی جەژنی رۆژووی ئێزدییان پیرۆز ده‌كات

FRIDAY, 14 DECEMBER 2018 17:12:39

هه‌ولێر-KDP.info-  وێڕای پیرۆزبایی جەژنی رۆژووی ئێزدی، پارتی جەخت لەسەر پاڵپشتیی تەواو و بەردەوامیی پارتی و سەرۆك مەسعوود بارزانی دەكاتەوە بۆ پاراستنی كوولتوری رەسەنی ئێزدیاتی و گەڕاندنەوەی ئارامی و سەقامگیریی بۆ تەواوی ناوچەكانیان و كاركردن بۆ زیاتر ئاوەدانكردنەوە و پەرەپێدان و پێشكەوتنی گیانی برایەتی و پێكەوەژیان و تەبایی لای گشت پێكهاتەكانی كۆمەڵگەی كوردستانی.

 
نێچیرڤان بارزانى پیرۆزبایى له‌ ئێزدییان ده‌كات

FRIDAY, 14 DECEMBER 2018 12:12:03

هه‌ولێر-KDP.info-  نێچیرڤان بارزانى سه‌رۆكوه‌زیرانى هه‌رێمى كوردستان، له‌ په‌یامێكدا جه‌ژنى "ڕۆژى یێت ئێزى" له‌ ئێزدییان پیرۆز كرد و وێڕاى پیرۆزبایى، دووپاتى كرده‌وه‌ تا ڕفێنراوێكى ئێزدى له‌ ده‌ستى داعشدا مابێت، له‌ هه‌وڵى به‌رده‌وامدا ده‌بن بۆ ڕزگاركردنیان.

 
فڕۆکە جەنگییەکانی توركیا بە چڕی شنگال بۆردوومان ده‌كه‌ن

THURSDAY, 13 DECEMBER 2018 23:12:02

شنگال-KDP.info-  فەرماندەی فەرماندەیی پێشمەرگەی شنگال ڕایگەیاند، فڕۆکە جەنگییەکانی تورکیا بە چڕێ شنگال بۆردوومان ده‌كه‌ن، به‌ڵام زیانه‌كانی بۆردوومان نه‌زانراون.

 
سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان دەكات

THURSDAY, 13 DECEMBER 2018 16:12:04

هەولێر-KDP.info-  سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان کرد و لە پەیامیدا رایگەیاند، شانازییە بۆ هەموومان كە كوردستان وڵاتی برایەتی و پێكەوەژیانە و، دەبێ بە هیممەتی هەموو لایەك ئەو برایەتی و پێكەوەژیانە قوڵتر و فراوانتر ببێت.



 
© 2018 Kurdistan Democratic Party, KDP