Kurdî  ■  كوردی  ■  عربي
TUE, 18 SEP 2018 21:17 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بچووككردنەوەی مافی میللەتێك لە مووچەدا
| KDP.info


ئاریان فەرەج
مووچە قوت و پاروەنانە، دابینبوونی پاروەنان هەرەسەرەتاییترین مافی هەر مرۆڤێكی سەرزەمینە. لە وڵاتانی جیهان، پەناهەندە و بێ كار و لێقەوماوانی دەرەكی نەك هەر هاووڵاتیانی خۆیان، لە لایەن حكوومەتانەوە وەك سۆشیال مووچەیان دابین و مسۆگەرە، بێ ئەوەی هیچ منەتێكی تێدا بێ.
مرۆڤ ئەو كائینەیە كە ئیكرامی خودای بەركەوتووە و كوفرە ئەگەر مووچەی وەك منەت و ماف و دەستكەوت بۆ حیساب بكرێت، مرۆڤ ئەو بەنرخترین سەرمایەیە كە دەبێ موعەزەز بژی و شكۆی بۆ نان و مووچە نەشكێندرێ. كە نان بووە مافێكی سەختگیر و نابەردەست، ئامانج شكاندنی كەرامەت و زەلیلكردن و دەستپێهەڵگرتنە لە مافە بەرزە ئینسانییەكانی كە ئازادی و یەكسانی و عیززەت و سەربەرزییە.
پێداگیریی سیاسییە دەستوورشكێن و شۆڤینییەكانی بەغدا لەسەر برینی نانی خەڵكی كوردستان، بۆ ئەوەیە ئینسانی كورد مافە ئینسانی و نەتەوەییە بەرزەكانی لە بیر بكات و سەر بۆ نان و مووچە نەوی بكات. بۆ ئەوەیە داواكارییەكانی كورد لە سەربەخۆیی و ئازادییەوە بچووك بكرێتەوە بۆ ئاستی داواكردنی نان و مووچە و وەك گەورەترین منەت پێی بفرۆشرێتەوە. نانبڕین بەڵگەی بێمروەتی و بێ مۆڕاڵیی نانبڕەكانە كە بەم رێگە ترسنۆك و نامەردانەیە دەیانەوێ شەڕ لەگەڵ ئیرادەی ئینسانی كورد بكەن و بیشكێنن.
بە داخەوە بەشێك لە ئەحزاب و سیاسییەكانی كورد تەنانەت ئەم برسیێتی و بێمووچەییەش وەك چەكی موزایەدە و دەنگ كۆكردنەوە و پلە و پۆست پەیداكردن دەقۆزنەوە، دەیانەوێ بە بەغدا بڵێن مووچە دواترۆپكی داواكاریمانە وەك ئەوەی سەد ساڵ بێ كورد بۆ مووچە خەبات و قوربانی دابێت، بەو تەنازول و خۆبچووككردنەوەیەش دەیانەوێ پلە و پۆستیان لە بەغدا پێ ڕەوا ببیندرێ و بە خەڵكی كوردستانیش بڵێن، مادام هەوڵ بۆ دابینكردنی مووچەتان دەدەین، گەورەترین ئاوات و ئامانجمان بۆ بەدی هێناون و شایانی هەموو پشتیوانییەكتانین.
ئەمانە خەریكن دۆزی گەورە و مێژووییی كورد لە مووچەدا بچووك دەكەنەوە و خەباتی سەد ساڵی گەلی كوردستان لە ئازادیخوازییەوە بچووك دەكەنەوە بۆ مووچەخوازی.
تەلەفۆن و تەلەفۆنكاریی سیاسییەكەی وەك بەرهەم ساڵح لەگەڵ عەبادی لەسەر مووچە، جیا لەوەی لە جەوهەردا بۆ بەدەستهێنانی پلە و پۆستە بۆخۆی لە بەغدا، بێئەرزشكردنی دۆزی كوردیشە، دەنا بۆ دەربارەی ئەو هەموو پێشێلكارییە دەستوورییە و ئەو هەموو داگیركاری و خۆسەپاندن و شۆڤێنییەت و لەشكركێشی و ئەو هەموو مافە زەوتكراوەی كورد قسە ناكەن، ئایا مافی كورد تەنها مووچەیە؟.
بەدەستهێنانی پۆست لە بەغدا لە رێی بچوككردنەوەی داواكارییەكانی كورد لە ئازادییەوە بۆ مووچە، غەدرێكی گەورەیە لە كورد، نرخەكەشی ئەگەر پۆستی سەرۆكۆمارییە كە بەرزترین پۆستی كوردە لە بەغدا، ئەوا بەدەستهێنانیشی مەحاڵە و پۆستێكی ئەوەندەش بێكەڵكە كە گوناهە كورد جارێكی دیكە دەنگی خۆی تێدا خەسار بكات. ئەوەتا سەركۆماری ئێستا دەرهەق بەو هەموو زوڵم و ستەمەی لە كورد دەكرێ، مێش میوانی نییە و بێدەنگ و بێهەڵوێست تەقەی سەری دێت.

 




دوایین هەواڵەکان

د. چواس: پارتی ڕەھەندێکی زۆری نیشتمانی و پێشکەوتنی سیاسیشی بۆ گەلی کورد ھەیە

TUESDAY, 18 SEPTEMBER 2018 20:09:45

ھەولێر-KDP.info- پسپۆڕێکی سیاسی دەڵێت، پارتی ھەرچەندە لە بانگەشە و بەرنامەکانیدا ھەمیشە ڕەھەندی خزمەتگوزاری و پێشکەوتنی ھەیە، ڕەھەندێکی زۆری نیشتمانی و پێشکەوتنی سیاسیشی بۆ گەلی کورد ھەیە. بۆیەش دانانی دەستووری خستووەتە بەرنامەی کاری و گرنگییەکی زۆری پێ داوە و بە دەستکەوتێکی نەتەوەیی دەزانێت.

پۆڵۆنیا مێژووی خەباتی گەلی کوردستان بۆ ئازادی و سەربەخۆیی بەرز دەنرخێنێت

TUESDAY, 18 SEPTEMBER 2018 17:09:39

هەولێر-KDP.info- کونسووڵی کۆماری پۆڵۆنیا لە دیداریدا لەگەڵ بەرپرسی مەکتەبی پێوەندییەکانی دەروەی پارتی دەڵێ، ئەمساڵ یادی سەربەخۆییی پۆلۆنیا دەکەنەوە و لەو یادەشدا مێژووی خەباتی گەلی کوردستان بۆ ئازادی و سەرەبەخۆیی بەرز دەنرخێنن.

 
جووتیارانی كوردستان: ده‌نگمان بۆ لیستی 183ی پارتییه‌

TUESDAY, 18 SEPTEMBER 2018 15:09:23

هه‌ڵه‌بجه  -KDP.info-له‌ كارنامه‌ی لیسته‌كه‌ی پارتی دیموكراتی كوردستاندا به‌ ژماره‌ 183 بۆ هه‌ڵبژاردنی په‌رله‌مانی كوردستان گرنگیدان به‌ جووتیاران هاتووه،‌ بۆ ئه‌وه‌ی كشتوكاڵی كوردستان ببوو‌ژێننه‌وه و‌ پێداویستیی ناوخۆ پڕ بكەنه‌وه‌.

 
پرسەنامەی بارەگای بارزانی بۆ خانەوادەی مامە عەزە

TUESDAY, 18 SEPTEMBER 2018 14:09:48

به‌ناوی خودای گه‌وره‌ و میهره‌بان

 
مه‌سروور بارزانی پێشوازی له‌ باڵیۆزی نیوزلاند له‌ عێراق ده‌كات

TUESDAY, 18 SEPTEMBER 2018 14:09:10

هەولێر-KDP.info- راوێژكاری ئه‌نجوومه‌نی ئاسایشی هه‌رێمی كوردستان رایگەیاند، هه‌رێمی كوردستان هه‌وڵی پێكهێنانی هاوپه‌یمانیه‌تیه‌ك ده‌دات، كه‌ داخوازییه‌كانی كوردستان و مادده‌ و بڕگه‌كانی ده‌ستوور جێبه‌جێ ده‌كات. هه‌روه‌ها ئاماژه‌ی به‌ چڕكردنه‌وه‌ی هه‌وڵه‌كان بۆ دامه‌زراندنی ئه‌نجوومه‌نی باڵای سیاسه‌تی ستراتیژی له‌ عێراق دا، وه‌ك هه‌وڵێكی گرینگ بۆ رێگه‌گرتن له‌ تاكڕه‌وی له‌ به‌ڕێوه‌بردن و ده‌ركردنی بڕیاره‌ چاره‌نووسسازه‌كاندا.



 
© 2018 Kurdistan Democratic Party, KDP