Kurdî  ■  كوردی  ■  عربي
TUE, 18 SEP 2018 21:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

چاودێرێكی سیاسی: خه‌ڵكی كوردستان، چیی تر دەنگی خۆی بۆ كورسییەكی بێكەڵك بە فیڕۆ نادات
| KDP.info


 

هەولێر-KDP.info-  چاودێرێكی سیاسی دەڵێ، قسەكردن و تەلەفۆنكردن بۆ بابەتی مووچە لەگەڵ عەبادی، تەنیا بۆ خۆڵكردنەچاوی خەڵكی كوردستانە، چونكە 10 ساڵە بەر لە ئه‌وانه‌ی به‌م دواییه‌ بە تەلەفۆن و بە دانوستان لەبارەی مووچە و كێشەكانی دیكەوە قسە لەگەڵ عەبادییەكان دەكه‌ن، وەڵامیان تەنیا كاتكوشتن و سووكایەتی بووە.

بەر لە ئازادكردنی عێراق و دوای ڕزگاركردنیشی، حكوومەتە یەك لە دوای یەكەكانی بەغدا بەردەوام پێشێلی مافەكانی گەلی كوردستانیان كردووە و هەوڵی لاوازكردنی كوردیان داوە، تا گەییشتووەتە ڕاددەی بوودجەبڕین و هێرشكردنەسەر ناوچە كوردستانییەكان و شەڕی دەروونی لەگەڵ گەلی كورد لە ڕێگەی ڕاگەیاندنەكانەوە.

زانیاری هه‌یه‌ كه‌ د. بەرهەم ساڵح به‌م دواییانه‌ به‌ ته‌له‌فۆن و له‌باره‌ی مووچه‌وه‌ له‌گه‌ڵ حه‌یده‌ر عه‌بادیی سه‌رۆكوه‌زیرانی عێراق قسه‌ی كردووه‌، كه‌چی تەنانەت جارێكیش باسی داگیركاریی كەركووك و شوێنەكانی تر نه‌كردووه‌؟.
چاودێرانی سیاسی ڕووی پرسیار ئاراسته‌ی ئه‌م هه‌وڵانه‌ ده‌كه‌ن و له‌ د. به‌رهه‌م ساڵح ده‌پرسن، بۆ جارێك بە عەبادی ناڵێی بۆ ئەو هەموو پێشێلكارییە دەستوورییە لە  دژی كورد ئەنجام دەدەی؟، خۆ ئەوە دە ساڵە و بەر لە ئه‌ویش بە تەلەفۆن و بە دانوستان لەبارەی مووچە و كێشەكانی تره‌وه‌ قسە لەگەڵ عەبادییەكان كراوە و وەڵامیان تەنیا كاتكوشتن و سووكایەتی بووە.

خالید ئەحمەد دۆسكی، چاودێری سیاسی، پێوه‌ست به‌م پرسه‌ بە ماڵپەڕی‌ فەرمیی پارتی‌ دیموكراتی كوردستانی گوت "هەڵوێستی بەرهەم ساڵح بۆ ئەنجامدانی پەیوەندییەك لەگەڵ عەبادی بۆ چارەكردن و ناردنی مووچەی كوردستان، كە پێی وابێت بە پەیوەندییەك كێشەكە چارە دەكات، تەنیا چەواشەكردنی خەڵكی كوردستانە، چونكە كێشەكان سیاسین و قووڵن و سیاسەتی قبووڵنەكردنی كوردە و رێگەنەدانە تا بە مافە ڕەواكانی خۆی بگات كە لە دەستووردا چەسپاوە، بۆیە بیناكردن لەسەر هەڵوێستەكانی بەغدا، جگە لە موزایەدەی سیاسی و پڕوپاگەندەی هەڵبژاردن، هیچی تر نییە، بەرهەم باش دەزانێت یەكڕیزنەبوونی كورد چ زیانێكی بە كورد گەیاندووە و خۆیشی چاوەڕێ نەبوو تا یەك لیستی كورد هەبێت".

چاودێران ده‌ڵێن، دەبێ كۆتایی بەوە بهێنرێت مووچە بكرێتە بابه‌تی قسەكردن لەگەڵ عەبادی. ئه‌وان ده‌پرسن، ئەگەر مەبەست له‌و هه‌وڵانه‌ بۆ به‌ده‌ستهێنانی پۆست و ده‌سته‌ڵات بێ، نموونه‌ی ئه‌و باسه‌ی كه‌ ده‌گوترێ به‌رهه‌م ساڵح ده‌یه‌وێ ببێتە سەرۆككۆمار، ئەوا ده‌بێ باش بزانێ كە كورد ئەزموونێكی تاڵی لەگەڵ سەرۆككۆمارەكان هەیە و چیتر دەنگی خۆی بۆ كورسییەكی بێكەڵك بەفیڕۆ نادات.

به‌رمه‌بنای ئه‌و زانیاریانه‌ی له‌وباره‌وه‌ ده‌ستی كه‌وتوون، دۆسكی جه‌خت ده‌كاته‌وه‌ "بەرهەم ڕۆژانە پەیوەندی لەگەڵ عەبادی هەیە و ڕاوێژی پێ دەكرێت له‌وه‌ی چۆن هەرێمی كوردستان ڕادەستی بەغدا بكات و هێزە نیشتمانییەكانی كوردستان بۆ دواوە بگەڕێننەوە، تا خەڵكی كوردستان بێزار و بێئومێد بكەن بە ‌ناردنی مووچەی مانگێك، یان دوو مانگ كە پێی وایە كێشەی كورد بە تەلەفۆنێك چارە دەبێ".

خالید دۆسكی گوتی: "خەڵكی كوردستان زۆر بەئاگایە لەو هەڵوێست و هەنگاوانەی كە بە پێچەوانەوە سەری خاوەنەكانی دەخوات‌، ماوەی سێ ساڵ پێشمەرگە قارەمانەكان شەڕی داعشیان كرد و شەهیدیان دا، بەرهەممان نەبینی لە سەنگەرەكانی پێشمەرگە، یان باسی داگیركردنی كەركووك و ناوچەكانی تری كوردستانی بكات، بۆیە ئەو هەڵوێستانە هیچ ڕێزێك بۆ كورد ناهێڵێتەوە، ئەوە 10 ساڵە بەر لە بەرهەمیش بە تەلەفۆن و بە دانوستان لەبارەی مووچە و كێشەكانی تر قسە لەگەڵ عەبادییەكان كراوە و وەڵامیان تەنیا كاتكوشتن و سووكایەتی بووە، بۆیە دەبێ كۆتایی بەوە بهێنرێت مووچە بكرێتە پرسی قسەكردن لەگەڵ عەبادی".

ئەو چاودێره‌ سیاسییه‌ باوه‌ڕی وایه‌، كه‌ بەرهەم ساڵح دەبووایە دوای وەفاتی مام جەلال، ڕۆڵێكی وای هەبووایە كە جێگای ئومێدی خەڵكی یەكێتی بایە لە سلێمانی و گوتیشی، ''كە نەیتوانی ئەو ڕۆڵە لەسەر ئاستی سلێمانی بگێڕێت، بێگومان لەسەر ئاستی عێراقیش بە حوكمی ئەزموو‌نەكانی پێشوو ناتوانێت لە دەرەوەی یەكڕیزیی كورد و لایەنە سیاسییەكانی كورد ڕۆڵێكی ئەوتۆ لە ‌بەغدایش بگێڕێت، ئەگەر مەبەستی بوون بە سەرۆككۆمارە، ئەوا‌ مەحاڵە بكرێتە سەرۆككۆمار، چونكە كورد ئەزموونێكی تاڵی لەگەڵ سەرۆككۆمارەكاندا هەیە و چیی تر دەنگی خۆی بۆ كورسییەكی بێكەڵك بە فیڕۆ نادات.''

نەشوان بەرزنجی




دوایین هەواڵەکان

د. چواس: پارتی ڕەھەندێکی زۆری نیشتمانی و پێشکەوتنی سیاسیشی بۆ گەلی کورد ھەیە

TUESDAY, 18 SEPTEMBER 2018 20:09:45

ھەولێر-KDP.info- پسپۆڕێکی سیاسی دەڵێت، پارتی ھەرچەندە لە بانگەشە و بەرنامەکانیدا ھەمیشە ڕەھەندی خزمەتگوزاری و پێشکەوتنی ھەیە، ڕەھەندێکی زۆری نیشتمانی و پێشکەوتنی سیاسیشی بۆ گەلی کورد ھەیە. بۆیەش دانانی دەستووری خستووەتە بەرنامەی کاری و گرنگییەکی زۆری پێ داوە و بە دەستکەوتێکی نەتەوەیی دەزانێت.

پۆڵۆنیا مێژووی خەباتی گەلی کوردستان بۆ ئازادی و سەربەخۆیی بەرز دەنرخێنێت

TUESDAY, 18 SEPTEMBER 2018 17:09:39

هەولێر-KDP.info- کونسووڵی کۆماری پۆڵۆنیا لە دیداریدا لەگەڵ بەرپرسی مەکتەبی پێوەندییەکانی دەروەی پارتی دەڵێ، ئەمساڵ یادی سەربەخۆییی پۆلۆنیا دەکەنەوە و لەو یادەشدا مێژووی خەباتی گەلی کوردستان بۆ ئازادی و سەرەبەخۆیی بەرز دەنرخێنن.

 
جووتیارانی كوردستان: ده‌نگمان بۆ لیستی 183ی پارتییه‌

TUESDAY, 18 SEPTEMBER 2018 15:09:23

هه‌ڵه‌بجه  -KDP.info-له‌ كارنامه‌ی لیسته‌كه‌ی پارتی دیموكراتی كوردستاندا به‌ ژماره‌ 183 بۆ هه‌ڵبژاردنی په‌رله‌مانی كوردستان گرنگیدان به‌ جووتیاران هاتووه،‌ بۆ ئه‌وه‌ی كشتوكاڵی كوردستان ببوو‌ژێننه‌وه و‌ پێداویستیی ناوخۆ پڕ بكەنه‌وه‌.

 
پرسەنامەی بارەگای بارزانی بۆ خانەوادەی مامە عەزە

TUESDAY, 18 SEPTEMBER 2018 14:09:48

به‌ناوی خودای گه‌وره‌ و میهره‌بان

 
مه‌سروور بارزانی پێشوازی له‌ باڵیۆزی نیوزلاند له‌ عێراق ده‌كات

TUESDAY, 18 SEPTEMBER 2018 14:09:10

هەولێر-KDP.info- راوێژكاری ئه‌نجوومه‌نی ئاسایشی هه‌رێمی كوردستان رایگەیاند، هه‌رێمی كوردستان هه‌وڵی پێكهێنانی هاوپه‌یمانیه‌تیه‌ك ده‌دات، كه‌ داخوازییه‌كانی كوردستان و مادده‌ و بڕگه‌كانی ده‌ستوور جێبه‌جێ ده‌كات. هه‌روه‌ها ئاماژه‌ی به‌ چڕكردنه‌وه‌ی هه‌وڵه‌كان بۆ دامه‌زراندنی ئه‌نجوومه‌نی باڵای سیاسه‌تی ستراتیژی له‌ عێراق دا، وه‌ك هه‌وڵێكی گرینگ بۆ رێگه‌گرتن له‌ تاكڕه‌وی له‌ به‌ڕێوه‌بردن و ده‌ركردنی بڕیاره‌ چاره‌نووسسازه‌كاندا.



 
© 2018 Kurdistan Democratic Party, KDP