Kurdî  ■  كوردی  ■  عربي
SUN, 21 APR 2019 17:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

گەشەی ئابووری لە کاتی شەڕ و قەیراندا
| KDP.info


حوسێن کوردنەژاد

سیاسەت لە کاتی شەڕدا زەحمەتتر دەبێ، دەوڵەت لە ئاستی سیاسەتی سەرانسەریی وڵاتدا مەجبوور بە پێڕۆکردن دەبێ لە هێند سیاسەتی سازان و تەحەممول و ددان بەخۆداگرتندا. سنوورداربوونی سەرچاوەکان دەست و پێی حکوومەت دەگرێ و بیرۆکراسیی حکوومەت ئاست و رادەی کاریگەریی دادەبەزێت.
بەڵام چ شەڕ بێ یان ئاشتی، یەک شت نەگۆڕە، ئەویش بەردەوامیی ژیان و چالاکیی ئابووری و بازاڕە بۆ دابینکردنی ژیانی خەڵک.
هەڵەی گەورە لە ئابوورییەکانی گەشەنەستاندوودا بریتییە لە بۆچوونی- دەوڵەت مەرکەزی- بەو واتایە کە دەوڵەت بەردەوام سەرچاوەی سیاسەت و دابینکردنی ژیانی ئابووری بێت.
چالاکیی ئابووری لە جەوهەری خۆیدا لۆکاڵە و زۆرینەی بڕیاره‌ ئابوورییه‌كان لە جەوهەری خۆیاندا لۆکاڵن. هەتا ئەم بۆچوونە کە لە ڕاستیدا لە ژیانی رۆژانەدا دیفاکتۆ پیادە دەکرێ، لە سیاسەتی کۆمپانیا و چالاکانی بازاڕ و سیاسەتی گشتیی وڵاتدا، گۆڕانی بەسەردا نەیه‌ت ناتوانین لە پۆتانسیەل و تواناکانی ئابووریی کۆمەڵگا و بازاڕی خۆمان کەڵکی تەواو وەربگرین.
بۆیە ئەو سیاسەتە کە دەبێ لە خوارەوەڕا کار بکات و وڵات بەرز کاتەوە، بریتییە لە سیاسەتێکی ئابووری کە گەشەی دینامیک و توانای لۆکاڵ بکاتە ئامانجی خۆی و تەرکیز بکات لەسەر بەهێزکردنی لۆکاڵ و شۆێنی جیاواز لە بازاڕی کوردستاندا.
ئازادی و سەربەستی ئەم لۆکاڵ و شوێنانە بۆ چالاکیی ئابووری زۆر زیاترە لە دەستکراوەیی دەوڵەت و حکوومەت و دژبەران و ناحەزان, نفوزیان زۆر کەمترە و مەجالی کارتێکەری نێگه‌تیڤیان سنووردارە.
لە ئێستای بارودۆخی کوردستاندا گشت ئاکتۆران دەبێ ڕووی هەوڵەکانیان لە بەهێزترکردنی چالاکیی ئابووریی لۆکاڵ و بەهێزکردنی تواناکانی لۆکاڵدا بێت.
لە ئێستاوە تا چەند دەیەی تر پۆتانسیەل و مەودای گەشەی ئابووریی وڵات و چارەسەری گرفتەکان لە ئابووریی لۆکاڵدایە و بۆیە سیاسەتی گەشەی ئابووریی دەبێ رووی لە لۆکاڵ و چالاکییەکانی لۆکاڵدا بێت.
ئەم تەرکیزە لەسەر بەهێزکردنی ژیانی ئابووریی لە ئاستی لۆکاڵدا هەم چالاکیی بازار و هەمیش چالاکیی کەرتی گشتی لەخۆیدا دەگرێت. شه‌راكه‌ت و هاوکاریی ئاکتۆران لە ئاستی لۆکاڵدا، هەموو کاتێک هەم ئاسانترە هەمیش بە بەرهەمترە. ئێستا کە چالاکردنی ئابووری وەک زەرورەت و پێویستی خۆی دەرخستووە، رووکردن لەم سیاسەتە مەنتیق و عەقڵی تێدایە، لەبەر ئەوە کە ئابووریی لۆکاڵ کلیلی چارەسەرییە.
 




دوایین هەواڵەکان

"ژاپۆن دەیەوێ ئەزموونی خۆی بگوازێتەوە ھەرێمی کوردستان"

SUNDAY, 21 APRIL 2019 17:04:00

هەولێر-KDP.info-  سەرۆکی ڕێکخراوی کوردی_ژاپۆنی، ئاماژەی بۆ ئەوە کرد، بڕیارە ژمارەیەک کۆمپانیای ژاپۆنی بۆ کارکردن بێنە ھەرێمی کوردستان و دەشڵێت، ژاپۆن دەیەوێ ھەرێمی کوردستان سوود لە ئەزموونە پێشکەوتووەکەیان وەربگرێت.

 
شاندێکی پەرلەمانی کوردستان لە بەغدا لەگەڵ نوێنەری پەرلەمانی وڵاتانی دراوسێ کۆوونەوە

SUNDAY, 21 APRIL 2019 17:04:40

هەولێر-KDP.info-  سه‌رۆكی لێژنه‌ی په‌یوه‌ندییه‌كانی ده‌ره‌وه‌ و ڕه‌وه‌ندی كورد له‌ په‌رله‌مانی كوردستان ئاماژه‌ به‌وه‌ ده‌كات كه‌ شاندێكی په‌رله‌مانی كوردستان له‌ به‌غدا به‌شداریی له‌ كۆڕبه‌ندێكی گه‌وره‌ی ناوچه‌كەدا‌ كردووه‌ و له‌وێش دیداری گرنگ ئه‌نجام دراوه‌.

 
"گوندەکانی مەخموور ھانایان بۆ پێشمەرگە ھێناوە"

SUNDAY, 21 APRIL 2019 17:04:24

مەخموور-KDP.info- یادگار ئەحمەد، فەرماندەی ھێزی پێشمەرگە لە مەخموور گوتی، دانیشتووانی گوندەکانی کورد لە سنووری مەخموور بەھۆی ھەڕەشە چڕەکانی داعشەوە خەریکە گوندەکانیان چۆڵ دەکەن و حکوومەتی عێراقیش نایانپارێزێت. ئەگەر ئەرکی پاراستنیان بدرێتە پێشمەرگە یەک کەس ناتوانێ تەعدایان لێ بکات، چونکە ھانایان بۆ پێشمەرگە ھێناوە بیاپارێزێت.

 
مەسروور بارزانی ھێرشە تیرۆریستیەکەی سریلانکای سەرکۆنە کرد

SUNDAY, 21 APRIL 2019 16:04:28

هەولێر-KDP.info-  مەسروور بارزانی راوێژکاری ئەنجوومەنی ئاسایشی هەرێمی کوردستان پرسە و سەرەخۆشی گەیاندە نراجان ئاران سینگا، بالیۆزی سریلانکا لە عێراق.

د. عەبدولڕەزاق: پێشوازی لە بڕیاری قەدەغەكردنی گواستنەوەی گەنم دەكەین

SUNDAY, 21 APRIL 2019 15:04:53

هەولێر-KDP.info- حكوومەتی عێراق گواستنەوەی گەنمی لە نێوان پارێزگاكانی عێراقدا قەدەغە كرد، بەرپرسێكی حكوومەتی ھەرێمی كوردستانیش پێی وایە، بڕیارەكە گونجاوە و دەتوانرێت لەو ڕێگەیەوە ھێنانی گەنمی بیانی قەدەغە بكرێت و تێكەڵی گەنمی پارێزگاكان نەكرێت.

 


 
© 2018 Kurdistan Democratic Party, KDP