Kurdî  ■  كوردی  ■  عربي
TUE, 19 JUN 2018 17:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فازڵ میرانی: وڵاتانی زلهێز لە ڕوانگەی بەرژەوەندییەکانی خۆیانەوە مامەڵە لەگەڵ داواکانمان دەکەن
| KDP.info


هەولێر-KDP.info- سكرتێری مەكتەبی سیاسیی پارتی لە پێشوازیی شاندێکی ماف و ئازادییەكان (هاك – پار)دا  ڕایگەیاند: "ئێمە گەلێكین مێژوو و جوگرافیا غەدری لێمان كردووە و وڵاتانی زلهێزیش لە ڕوانگەی بەرژەوەندیی خۆیانەوە مامەڵە لەگەڵ داواكانمان دەكەن."

ئەمڕۆ لە بارەگاى مەكتەبى سیاسى، فازڵ میرانى، سكرتێرى مەكتەبی سیاسی، پێشوازیی لە شاندێکی پارتی ماف و ئازادییەكان (هاك – پار)، بە سەرۆكایەتیی جەعفەر ستیر، جێگری سەرۆک و عارف سەڤینج، جێگر و فازڵ تاشكان و زانا سەزەن، بەرپرسی پەیوەندییەكانی ئەو پارتە كرد.

لەو دیدارەدا كە هۆشیار زێباری و عیزەدین بەرواری و مەحموود محەمەد ئەندامانی مەكتەبی سیاسی و ڕەمزی شەعبان، ئەندامی یەدەكی مەكتەبی سیاسی و خەسرۆ گۆران، بەرپرسی دەزگای هەڵبژاردن و عەلی حوسێن، بەرپرسی پەیوەندییەكانی كوردستانی و عێراقی ئامادە بوون، وێڕای بەخێرهێنانی شاندی مێوان، فازڵ میرانی خۆشحاڵیی خۆی دەربڕی بۆ ئەو دیدارە و ستایشی ڕۆڵی هاك - پاری لەبارەی پرسە نەتەوەیییەكان كرد و پەیوەندیی نێوان پارتی و هاك –پاری بە گرنگ و پتەو وەسف كرد و تیشك خرایە سەر پرسە گرنگەكانی ناوچەكە و عێراق بەگشتی و هەرێمی كوردستان بەتایبەتی و، دواپێشهات و پەرەسەندنە سیاسی و ئەمنییەکان و دووپاتی كردەوە، كە میللەتی كورد سەرەڕای ئیش و ئازارى، بە درێژاییی مێژوو هەردەم هەڵگری پەیامی ئاشتی و ئازادی لە پێناوی گەیشتن بە مافە ڕەواكانی بووە و داوای کردووە بە ڕێگای دیالۆگ و دۆستایەتی و پێكەوەژیان ئەم مافە پیادە بكرێت و هەردەم فاكتەری ئاشتی و ئارامی بووە.

سكرتێری مەكتەبی سیاسی ئاماژە بەوەدا: "ئێمە پشتیوانیی برایانی كورد دەكەین لە هەركوێ بن و یارمەتییان دەدەین بۆ خەباتی دیموكراسی و مەدەنییانەی پەرلەمانی و ئێمە پاڵپشتی پێكەوەژیانی ئاشتییانەین." هەروەها سكرتێری مەكتەبی سیاسی دووپاتی كردەوە: "ئێمە گەلێكین مێژوو و جوگرافیا غەدری لێمان كردووە و وڵاتانی زلهێزیش لە ڕوانگەی بەرژەوەندیی خۆیانەوە مامەڵە لەگەڵ داواكانمان دەكەن و ناوچەكە بە هەلومەرجێكی هەستیاردا تێدەپەرێت، كە دەبێ بەوپەڕی عەقڵانی و لۆجیكایانە مامەڵەی لەگەڵ بكرێت."

فازڵ میرانی گوتی: "پارتی هەمیشە كوردایەتی كردووە و قوربانیی زۆری داوە و خۆی بە پارێزەری دەستكەوتەكان دەزانێ و بە پەرۆشەوە جەخت لە یەكڕێزی و هاوهەڵوێستیی نیشتمانی دەكات، وەك بنەمایەكی گرنگ بۆ پاراستنی ئەو دەستكەوتانە و دیسان پاراستنی بەرژەوەندییەكانی گەلی كوردستان لە هەرپارچەیەك بێت و ڕێكخستنی هەڵوێستە نەتەوەیی و نیشتمانییەکان لەم قۆناغەدا زۆر گرنگە."

شاندی هاك – پاریش سوپاسی مەكتەبی سیاسی كرد بۆ ئەو پێشوازییە و پاڵپشتیی بەردەوامی پارتەكەیان دووپات كردەوە و ئاماژەیان بۆ ئەوە كرد کە گەلی كورد وەكو هەموو گەلانی دنیا تێدەكۆشێ بۆ پیادەكردنی مافە ڕەواكانی بە شێوەیەكی سەردەمیانە و بە ڕێگای دیموکراتی و خەباتی مەدەنی و دیموكراسیدا.

 




دوایین هەواڵەکان

"خێزانێكی كوردی ئێزدی چوونەتە شنگال و چارەنووسیان نادیارە"

TUESDAY, 19 JUNE 2018 16:06:04

شنگال-KDP.info- ماوه‌ی شه‌ش ڕۆژه‌ خێزانێكی كوردی ئێزدی له ‌سنووری قه‌زای شێخان به ‌مه‌به‌ستی كارێكی ئیداره‌ی سه‌ردانی قه‌زای شنگالیان كردووه‌، به‌ڵام تاوه‌كو ئێستا نه‌گه‌ڕاونه‌ته‌وه‌ و چاره‌نووسیان نادیاره‌.

 
"پێشمەرگە ئۆپەراسیۆن دژی داعشەكانی مەخموور ئەنجام دەدات"

TUESDAY, 19 JUNE 2018 14:06:23

مەخموور -KDP.info- چەند ڕۆژێكە تیرۆریستانی داعش لە سنووری مەخموور جووڵەیان زیاد كردووە و، وەك بەرپرسێكیش دەڵێت، ئەگەر داعش نیەتی ھەبێت، دەتوانێت شارەكانیش داگیر بكات، بەڵام پێشمەرگە ئامادەكاری دەكات بۆ لەنێوبردنیان. فەرماندەیەكی میحوەری مەخمووریش ئاشكرای كرد، بە نیازی ئۆپەراسیۆنن بۆ لەنێوبردنی داعشەکانی مەخموور.

 
"پەیامەكەی سەرۆك بارزانی، كلیلی چارەكردنی كێشەكانی ھەرێم و عێراقە"

TUESDAY, 19 JUNE 2018 13:06:18

ھەولێر-KDP.info- لایەنە سیاسییەكان، پەیامەكەی " سەرۆك بارزانی" بە ئەرێنی دەبینن و باوەڕیان وایە، كلیلی چارەكردنی كێشەكانی كوردستان و عێراقە. دەشڵێن، لە بری ئەوەی لە ڕاگەیاندنەكانەوە وەڵام و وەڵامكاری بكرێت، پێویستە لەسەر مێزی گفتوگۆ دابنیشن.

 
عارف ڕوشدی: لە چوارچێوەی پەیامەكەی سەرۆكدا، ئامادەكاری بۆ كۆبوونەوەی لایەنەكان كراوە

TUESDAY, 19 JUNE 2018 12:06:34

هەولێر-KDP.info- سەرۆك بارزانی، لە پەیامی جەژنی رەمەزاندا داوای لە گشت ھێزە سیاسییەكانی ھەرێمی كوردستان كرد، بۆ دەربازكردنی ئەم قۆناغە، دوای جەژن كۆ ببنەوە، راوێژكاری مەكتەبی سیاسیی پارتییش دەڵێ، خواستی سەرۆك بارزانی یەكڕیزیی نێوان لایەنەكانە و، دەست بە ئامادەكاری بۆ ئەنجامدانی كۆبوونەوەی لایەنەكان كراوە.

 
دادگای فیدراڵی، لەبارەی تانەی لایەنەكانەوە كۆ دەبێتەوە

TUESDAY, 19 JUNE 2018 12:06:11

بەغدا-KDP.info- سەرۆكی لیژنەی یاسایی لە پەرلەمانی عێراق گوتی، بڕیارە دووسبەی دادگای فیدراڵی كۆ ببێتەوە و تێیدا گفتوگۆ لەبارەی بڕیارەكانی پەرلەمانی عێراقەوە دەكات، كە لایەنەكان تانەیان لێ داوە، چونكە بڕیاری نایاسایی و نادەستوورین.

 


 
© 2018 Kurdistan Democratic Party, KDP