Kurdî  ■  كوردی  ■  عربي
FRI, 14 DEC 2018 23:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لە کەرکووک بڕیاری روخاندنی سێ گەڕەکی کوردنشین درا
| KDP.info


کەرکووک-KDP.info-  پارێزگاری كه‌ركووك فه‌رمانی تێكدانی سێ گه‌ڕه‌كی كوردنشینی كه‌ركووكی ده‌ركرد و ئه‌ندامێكی ئه‌نجوومه‌نی پارێزگای كه‌ركووكیش ده‌ڵێ، بڕیاره‌كه‌ی پارێزگار  بیانوویه‌كه‌ بۆ ده‌ركردنی كورد لە کەرکووک و جێگه‌ی قبووڵكردن نییه‌.

پارێزگاری به‌وه‌كاله‌تی كه‌ركووك راكان سه‌عید، بەنووسراوی فه‌رمانی بۆ رووخاندنی ژماره‌یه‌ك گه‌ڕه‌كی كوردنشینی شاری كه‌ركووك ده‌ركردوو موكڕه‌ له‌سه‌ر ئه‌وه‌ی ده‌بێت كورد شاره‌كه‌ چوڵبكات، به‌پێی نووسراوی پارێزگاری كه‌ركووك هه‌ریه‌ك له‌ گه‌ڕه‌كه‌كانی په‌نجا عه‌لی و باروتخانه‌ و فه‌یله‌ق دەبێ بڕوخێندرێن.

  جوان حه‌سه‌ن ئه‌ندامی ئه‌نجوومه‌نی پارێزگای كه‌ركووك به‌ مالپه‌ڕی فه‌رمیی پارتی دیموكراتی كوردستانی راگه‌یاند" به‌دواداچوونمان بۆ نووسراوی پارێزگاری به‌ وه‌كاله‌تی كه‌ركووك له‌باره‌ی روخاندنی ژماره‌یه‌ك گه‌ڕه‌كی كورد نشینی شاری كه‌ركووك كردووه‌ و پارێزگاری كه‌ركووك پێی راگه‌یاندووین، ئه‌مه‌ لابردنی زیاده‌ڕۆیه‌ له‌ گه‌ڕه‌كه‌ نوێیه‌كانی شاری كه‌ركووك، پێموایه‌ ئه‌مه‌ش به‌هانه‌یه‌كه‌ بۆ ئه‌وه‌ی خانووی كورد خاپووربكرێن و گه‌ڕه‌كه‌ كوردنشینه‌كان تێكبدرێن، چونكه‌ سه‌رده‌می پێش پڕۆسه‌ی ئازادی عێراقیش زیاده‌ڕۆیی هه‌بووه‌ و پارێزگار ئاماده‌نییه‌ ده‌ستی بۆ ببات.

دوای رووداوه‌كانی 16ی ئۆكتۆبه‌ر ئه‌مه‌ بۆ چه‌ندین جاره‌ پارێزگار و ده‌سته‌ڵاتدارانی كه‌ركووك هه‌ڕه‌شه‌ له‌ هاوڵاتیانی كورد ده‌كه‌ن و ده‌یانه‌وێ كورد له‌ شاری كه‌ركووك ده‌ربكه‌ن له‌مباره‌یه‌وه‌ جوان حه‌سه‌ن ئه‌وه‌شی ئاشكراكرد، "بڕیاره‌كه‌ی پارێزگاری به‌ وه‌كاله‌تی كه‌ركووك جێگه‌ی نیگه‌رانی و قبووڵكردن نییه‌، له‌به‌ر ئه‌وه‌ی هه‌موو دانیشتوانی نێو ئه‌و خانوانه‌ كوردن و دوای پڕۆسه‌ی ئازادی عێراق گه‌ڕاونه‌ته‌وه‌ شاره‌كه‌ی خۆیان.

قائید میرۆ

 




دوایین هەواڵەکان

نێچیرڤان بارزانی و ئه‌لحه‌لبووسی دۆخی عێراق و ناوچه‌كه‌ تاوتوێ ده‌كه‌ن

FRIDAY, 14 DECEMBER 2018 22:12:12

هه‌ولێر-KDP.info-  ئێواره‌ی ئه‌مڕۆ هه‌ینی 14/12/2018، نێچیرڤان بارزانی سه‌رۆكوه‌زیرانی هه‌رێمی كوردستان، پێشوازی له‌ د. محه‌مه‌د ئه‌لحه‌لبووسی سه‌رۆكی په‌رله‌مانی عێراق و شاندێكی یاوه‌ری كرد.

 
پارتی جەژنی رۆژووی ئێزدییان پیرۆز ده‌كات

FRIDAY, 14 DECEMBER 2018 17:12:39

هه‌ولێر-KDP.info-  وێڕای پیرۆزبایی جەژنی رۆژووی ئێزدی، پارتی جەخت لەسەر پاڵپشتیی تەواو و بەردەوامیی پارتی و سەرۆك مەسعوود بارزانی دەكاتەوە بۆ پاراستنی كوولتوری رەسەنی ئێزدیاتی و گەڕاندنەوەی ئارامی و سەقامگیریی بۆ تەواوی ناوچەكانیان و كاركردن بۆ زیاتر ئاوەدانكردنەوە و پەرەپێدان و پێشكەوتنی گیانی برایەتی و پێكەوەژیان و تەبایی لای گشت پێكهاتەكانی كۆمەڵگەی كوردستانی.

 
نێچیرڤان بارزانى پیرۆزبایى له‌ ئێزدییان ده‌كات

FRIDAY, 14 DECEMBER 2018 12:12:03

هه‌ولێر-KDP.info-  نێچیرڤان بارزانى سه‌رۆكوه‌زیرانى هه‌رێمى كوردستان، له‌ په‌یامێكدا جه‌ژنى "ڕۆژى یێت ئێزى" له‌ ئێزدییان پیرۆز كرد و وێڕاى پیرۆزبایى، دووپاتى كرده‌وه‌ تا ڕفێنراوێكى ئێزدى له‌ ده‌ستى داعشدا مابێت، له‌ هه‌وڵى به‌رده‌وامدا ده‌بن بۆ ڕزگاركردنیان.

 
فڕۆکە جەنگییەکانی توركیا بە چڕی شنگال بۆردوومان ده‌كه‌ن

THURSDAY, 13 DECEMBER 2018 23:12:02

شنگال-KDP.info-  فەرماندەی فەرماندەیی پێشمەرگەی شنگال ڕایگەیاند، فڕۆکە جەنگییەکانی تورکیا بە چڕێ شنگال بۆردوومان ده‌كه‌ن، به‌ڵام زیانه‌كانی بۆردوومان نه‌زانراون.

 
سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان دەكات

THURSDAY, 13 DECEMBER 2018 16:12:04

هەولێر-KDP.info-  سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان کرد و لە پەیامیدا رایگەیاند، شانازییە بۆ هەموومان كە كوردستان وڵاتی برایەتی و پێكەوەژیانە و، دەبێ بە هیممەتی هەموو لایەك ئەو برایەتی و پێكەوەژیانە قوڵتر و فراوانتر ببێت.



 
© 2018 Kurdistan Democratic Party, KDP