Kurdî  ■  كوردی  ■  عربي
MON, 24 SEP 2018 17:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەنجوومەنی پارێزگا، 15 رۆژی بۆ گەڕانەوەی قایمقامی شەرعیی شنگال دیاری كرد
| KDP.info


 

شنگال-KDP.info- قایمقامی شنگال دەڵێ، ئەنجوومەنی پارێزگای نەینەوا 15 رۆژ مۆڵەتی داوە تا پارێزگاری نەینەوا رێكاری پێویست بگرێتە بەر، بۆ ئەوەی ئیدارەی شەرعیی شنگال بگەڕێتەوە سەر كار و ئەوانەیشی بە ناشەرعی هاتوون، لاببرێن.

مەحما خەلیل، قایمقامی شارۆچكەی شنگال، بە ماڵپەڕی فەرمیی پارتی دیموكراتی كوردستانی ڕاگەیاند: "ئەنجوومەنی پارێزگای نەینەوا لەسەر داوای خەڵك و ئیدارەی شنگال، كۆبوونەوەی ژمارەی 69ـی بە ئامادەبوونی 27 ئەندام ئەنجام دا و، چەندین بڕیاری لەبارەی شنگالەوە دەركردن، لەوانە ئەوانەی چوونەتە سەر ئیدارەی شنگال، بە ناشەرعی و نایاسایی دانا و بڕیار درا لە ماوەی 15 رۆژدا ئیدارەی شەرعی كە ئێمەین، بگەڕێینەوە سەر كارەكانمان، هەروەها ئەو هێزانەی ناشەرعین رێكاری یاسایی دەرحەقیان بگیرێتە بەر و، ڕەوشی سنوورەكەمان‌ ئارام بكرێتەوە تا ئاوارەكان بگەڕێنەوە، جگە لەوەیش، پێویستە رێگای سحێلە و زوممارو ڕەبیعە و شنگالیش لەگەڵ كوردستاندا بكرێتەوە".

 خەلیل ڕاشیگەیاند: "سەردانی پارێزگاری نەینەوایشمان كرد و لەگەڵیدا كۆ بووینەوە لەبارەی جێبەجێكردنی بڕیاری ئەنجوومەن و گرتنەبەری رێكارەكان، بۆ ئەوەی شەرعییەت بگەڕێتەوە بۆ شنگال، پارێزگاریش تێگەییشتنی باشی هەبوو بۆ جێبەجێكردنی بڕیارەكان لەو ماوەیەی كە دیاری كراوە".

قایمقامی شنگال ئەوەیشی خستە ڕوو كە، ئەوان كاروباری خۆیان ڕایی دەكەن بۆ ئەوەی لەو ماوەیەدا رێكارەكان تەواو ببن و بگەڕێنەوە شنگال.

 

نەشوان بەرزنجی

 




دوایین هەواڵەکان

لەنێو سیاسییەکانی ئەورووپادا باسی ساڵیادی ڕیفراندۆمی سەربەخۆییی کوردستان دەکرێت

MONDAY, 24 SEPTEMBER 2018 17:09:36

هەولێر-KDP.info-  لە کۆبوونەوەی سەرکردایەتیی لاوان پارتی گەلانی ئەوروپا لە شاری بوخارستی پایتەختی وڵاتی ڕۆمانیا، باسی یەکەمین ساڵیادی ریفراندۆمی سەربەخۆییی ھەرێمی کوردستان کرا.

ئافره‌تانی سلێمانی: ده‌نگمان بۆ لیستی 183ی پارتییه‌

MONDAY, 24 SEPTEMBER 2018 16:09:28

سلێمانی-KDP.info-  ئافره‌تانی پارێزگای سلێمانی، کە بەشداربووی كه‌رنه‌ڤاڵی لیستی 183ی پارتی بوون، داوا له‌ هاووڵاتییانی شاره‌كه‌یان ده‌كه‌ن ڕۆژی 30ی ئه‌یلوول بڕۆنه‌ سه‌ر سندووقه‌كانی ده‌نگدان و ده‌نگ به ‌لیستی 183ی پارتی بده‌ن.

 
دهۆک جگە لە پارتی هیچ لایەنێکی دیکەی ناوێ

MONDAY, 24 SEPTEMBER 2018 16:09:57

دهۆک -KDP.info- دهۆکییەکان لە هەڵبژاردندا زۆرترین دەنگیان بۆ پارتییە و هیچ لایەنێکی تر قبووڵ ناکەن وەک بەرپرسی لقەکانی پارتی دەڵێن، دهۆکییەکان دەزانن تەنیا ئەوەی پشتگیریی گەلی کورد بکات و خاوەن مەبدەئی دروست بێت، تەنیا پارتی و بارزانییە.

 
خەسرۆ گۆران: حەوت ھەزار بریکارمان ئامادە کردووە

MONDAY, 24 SEPTEMBER 2018 15:09:14

هەولێر -KDP.info-پارتی لەسەر ئاستی جیاواز ئامادەکاریی تەواوی کردووە بۆ پڕۆسەی ھەڵبژاردن و بەرپرسی دەزگای ھەڵبژاردنیش دەڵێ، لە ڕێگەی حەوت ھەزار بریکارەوە چاودێریی پڕۆسەی ھەڵبژاردنی پەرلەمانی کوردستان دەکەین.

 
عەبدولسەلام بەرواری: نھێنیی مانەوەی پارتی میللەتە

MONDAY, 24 SEPTEMBER 2018 15:09:59

هەولێر-KDP.info- پارتی دیموکراتی کوردستان لە ماوەی ٧٢ ساڵی ڕابردوودا پێشڕەویی شۆڕش و قۆناغە جیاوازەکانی خەڵکی کوردستانی کردووە و شرۆڤەکارێکیش ئاماژە بەوە دەکات نھێنیی مانەوەی پارتی وەک حزبی یەکەمی کوردستان بۆ ڕێبازی پیرۆزی بارزانی و بوونی میللەت لە دەوری پارتی دەگەڕێتەوە.

 


 
© 2018 Kurdistan Democratic Party, KDP