Kurdî  ■  كوردی  ■  عربي
SUN, 24 JUN 2018 02:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"یادكردنەوەی جلوبەرگی كوردی لە كەركووك قەدەغەیە و پشكنینێكی چڕی قوتابیان دەكرێت"
| KDP.info


 

كەركووك-KDP.info- بە بڕیاری سەرۆكی زانكۆی كەركووك، یادكردنەوەی رۆژی جلوبەرگی كوردی لە كەركووك قەدەغە كراوە و، ئەمڕۆیش ژمارەیەكی زۆری قوتابیان بە جلوبەرگی كوردییەوە چوونەتە زانكۆ، بەڵام رێگرییان لێ كراوە نەیانهێشتووە بچنە ناو زانكۆ.

ساڵانە یادی رۆژی جلوبەرگی كوردی لە سەرجەم شار و چارۆچكەكانی هەرێمی كوردستان و ناوچە كوردستانییەكانی دەرەوەی ئیدارەی هەرێمی كوردستان بە چەندین چالاكی و لەبەركردنی جلوبەرگی كوردی دەكرێتەوە، لە كەركووكیش هەموو ساڵێك لەو رۆژەدا قوتابیانی زانكۆ جلوبەرگی كوردی دەپۆشن، بەڵام بۆ ئەمساڵ رێگە بە قوتابیانی زانكۆی كەركووك نەدراوە ئەو یادە بكەنەوە و جلوبەرگی كوردییان لێ قەدەغە كراوە.

لەو بارەیەوە، عەدنان كەركووكی، گوتەبێژی ئەنجوومەنی سەركردایەتیی كەركووك_ گەرمیانی پارتی، بە ماڵپەڕی فەرمیی پارتی دیموكراتی كوردستانی راگەیاند: "سەرۆكی زانكۆی كەركووك بڕیارێكی دەركردووە و گشتاندنی بۆ هەموو زانكۆكان كردووە، بەوەی كە نابێت رێگە بدرێت یادی رۆژی جلوبەرگی كوردی بكرێتەوە و، هەر كەسێك بیەوێت ئەویادە بكاتەوە، پێویستە رێگری لێ بكرێت.

كەركووكی گوتیشی: "پرۆسەی بەعەرەبكردن بەردەوامە و رێگە نادەن كورد جلوبەرگی خۆی لەبەر بكات و ئاڵای كوردستانیش قەدەغەكراوە، هەروەها عەرەب بەردەوامی هاوردە دەكرێن و كورد لاواز دەكرێت، ئەمەیش هەمووی لەبەر ئەوەیە ئەو شارە تەعریب بكەن".

لای خۆیشیەوە، بەڕێوەبەری ئاساییشی ناوچەی ئازادی لە كەركووك، عەقید كاوە مەلاپەروێز، بە ماڵپەڕی فەرمیی پارتی دیموكراتی كوردستانی راگەیاند: "راستە یادكردنەوەی رۆژی جلوبەرگی كوردی قەدەغە كراوە و رێگەیش بە هیچ كەسێك نادرێت لە كەركووك ئەو یادە بكاتەوە، هەر كەسێكیش یادەكە بكاتەوە، رێگری لێ دەكەن".

مەلاپەروێز گوتیشی: "ئەمڕۆ ژمارەیەكی زۆری قوتابیانی زانكۆی كەركووك وەكوو ساڵای رابردوو ویستوویانە بە جلوبەرگی كوردییەوە بچنە زانكۆ، بەڵام رێگەیان بە هیچیان نەداوە و هەمووانیان گەڕاندووەتەوە، جگە لەوەیش پشكنینێكی زۆر چڕی قوتابیان دەكرێت و، ترسیان هەیە بە دزییەوە جلوبەرگی كوردی ببەنە ژوورەوە و لەوێ لەبەری بكەن".

بڵند ئیبراهیم




دوایین هەواڵەکان

"رێگای یاسایی بۆ دەستبەکاربوونی پەرلەمانی عێراق ھەیە"

SATURDAY, 23 JUNE 2018 18:06:58

هەولێر-KDP.info- پەرلەمانی عێراق ھەموو ھەوڵێکی خستووەتە کار بۆ درێژکردنەوەی تەمەنی خۆی، بڕیارە سبەی کۆبوونەوەیەکی دیکەش بەڕێوە بچێت، چاودێرێکیش پێی وایە ڕێگەی یاسایی ھەیە و نابێت پەرلەمان دەست بۆ بابەتی درێژکردنەوی تەمەنی خۆی ببات.

 
ھەندێک لایەن ئاستەنگ بۆ پێکھێنانی حکوومەتی عێراق دروست دەکەن

SATURDAY, 23 JUNE 2018 16:06:28

هەولێر-KDP.info- عێراق بە ھۆی بەڕێوەچوونی پڕۆسەی ھەڵبژاردنەکانی مانگی ڕابردوو لە ڕەوشێکی ھەستیاردا دەرباز دەبێت و شرۆڤەکارێکی سیاسیش پێی وایە ھێشتا ئەزموونی دیموکراتی لە عێراق لاوازە و ھەندێ لایەن ئاستەنگ بۆ پڕۆسەی سیاسی دروست دەکەن.

 
"ئەنجومەنی پارێزگاکانی هەرێم تەمەنی یاسایی کۆتایی دێ"

SATURDAY, 23 JUNE 2018 16:06:19

هه‌ولێر-KDP.info- ئه‌مڕۆ ماوه‌ی یاساییی ئه‌نجومه‌نی پارێزگاكانی هه‌رێمی كوردستان كۆتایی پێ دێت و له‌ سبه‌یه‌وه‌ ده‌بنه‌ ئه‌نجومه‌نی كاربه‌ڕێكه‌ر، سه‌رۆكی فراكسیۆنی پارتیش له‌ ئه‌نجومه‌نی پارێزگای هه‌ولێر ده‌ڵێ، ئه‌نجومه‌ن سێ مانگ ده‌توانێت له‌ كاره‌كه‌ی به‌رده‌وام بێت، دواتر دوو ڕێگا هه‌یه‌ بۆ ئه‌وه‌ی ئه‌نجومه‌نی وه‌زیران چاره‌ی ئه‌و كێشه‌یه‌ بكات، ئه‌ویش یاسای هه‌ڵبژاردنی ئه‌نجومه‌نی پارێزگاكان هه‌موار بكاته‌وه‌، یان هه‌ڵبژاردنی ئه‌نجومه‌نی پارێزگاكان ئه‌نجام بدرێن.

 
حەمید روبەتکى: ب کەرتێ پیشەسازیێ بەرهەمێ خومالى زێدە دبیت

SATURDAY, 23 JUNE 2018 14:06:47

دهۆک-KDP.info- بەرپرسێ پشکا پیشەسازى ل ژۆرا بازرگانیا دهۆکێ راگەهاند، فەرە حکومەتا هەرێما کوردستانێ گرنگیێ بدەتە کەرتێ پیشەسازى، جونکى ئەڤ کەرتە ستووینا پێشکەفتنا هەمى مللەتایە، دیسان ئەڤ کارگەهێن ل هەرێما کوردستانێ کار دکەن ب کوالیتەکا باش و بلند بەرهەمێ خومالى دروست دکەن.

 
ئەنجوومەنی شارۆچكەی شنگال: دەگەڕێینەوە شنگال

SATURDAY, 23 JUNE 2018 11:06:06
شنگال-KDP.info- سەرۆكی ئەنجوومەنی شارۆچكەی شنگال ڕایدەگەیێنێت، بڕیارە لە چەند رۆژی دابێ بگەڕێنەوە بۆ شنگال و دەست بە دەوامی فەرمیی خۆیان بكەنەوە. دەشڵێت، باس لەوە دەكرێت كە ئەمەریكا بنكە سەربازییە كۆنەكەی لەسەر چیای شنگال نۆژەن دەكاتەوە، بەمەیش ئەمنییەت بۆ تەواوی ناوچەكە دەگەڕێتەوە.
 


 
© 2018 Kurdistan Democratic Party, KDP