Kurdî  ■  كوردی  ■  عربي
TUE, 18 SEP 2018 21:19 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بەڕێوەبەری ئاساییشی داقووق: داعش شەوانە بە ‌ئاسایی لە ‌ناوچەكەدا هاتوچۆ دەكەن
| KDP.info


 

داقووق-KDP.info- بەڕێوەبەری ئاساییشی داقووق ئاشكرای كرد، بە هۆی ئەوەی هێزە عێراقییەكان و حەشدی شەعبی توانای پاراستنی ئەمنییەتی ناوچەكەیان نییە، داعش بە جۆرێك سەری هەڵداوەتەوە كە، شەوانە بە ‌ئاسایی و بە بێ ترس بە چەندین ئۆتۆمبێلەوە هاتوچۆ دەكەن.

لە دوای ڕووداوەكانی 16ـی ئۆكتۆبەرەوە، كوشتن و تیرۆركردن و ڕفاندن لە سنووری پارێزگای كەركووك بە شێوەیەكی بەرچاو زیادی كردووە و، تیرۆریستانی داعشیش جارێكی دیكە لە ‌ناوچەكە سەریان هەڵداوەتەوە، ئەمەیش وەك چاودێران باسی دەكەن، هۆكارەكەی بۆ ئەوە دەگەڕێتەوە هێزە ئەمنییەكان توانای پاراستنی ئەمنییەتی ناوچەكەیان نییە.

 بەڕێوەبەری ئاساییشی داقووق، فارووق ئەحمەد، بە ‌ماڵپەڕی فەرمیی پارتی دیموكراتی كوردستانی ڕاگەیاند: "پڕۆسەی بەعەرەبكردن بەردەوامە و عەرەبە هاوردەكان‌ بە زەبری ‌زۆر زەوییەكان لە كوردەكان وەردەگرنەوە، بە تایبەت ئەو زەوییانەی لە ساڵی1970 تا 2003 داگیریان كردبوون و جارێكی دیكە بۆ كورد گەڕێندرابوونەوە، زۆرێك لەو زەوییانە لە كوردەكان وەرگیراونەتەوە و بەشێكیشی تا ئێستا كورد ئامادە نییە چۆڵیان بكات و تا ئێستا بەرگەی گرتووە و عەرەبەكانیش دەیانەوێت لە ڕێگەی یاساییەوە ئەو زەوییانە لە كورد وەرگرنەوە و حكوومەتی عێراق پشتگیرییان بكات، بۆیە زوڵمێكی زۆر لە كورد دەكرێت".

فارووق ئەحمەد گوتیشی: "دۆخی ئەمنیی ناوچەكە زۆر خراپە و كوشتن و ڕفاندن و تاڵانكردن و دزیكردن بەردەوامە، بە تایبەت ئەوانەی دەوڵەمەندن دەرفێندرێن و بە ‌پارە ئازاد دەكرێن و هەندێكیشیان دەكوژرێن".

بەڕێوەبەری ئاساییشی داقووق هەروەها ڕاشیگەیاند: "ناوچەی كاكەیی و ئەو ناوچانەی پێشتر پێشمەرگە لە ناوچەی ئەلبومحەمەد هەبوو و پارێزگاری لێ دەكرد، ئێستا جموجۆڵی داعش بە ‌شێوەیەكی بەرچاو و ئاشكرا زیادی كردووە، كە شەوانە تیرۆریستان بە ‌چەندین ئۆتۆمبێل لە ناوچەكەدا‌ بە بێ ترس هاتوچۆ دەكەن، ئەمەیش مەترسییەكی گەورەیە بۆ سەر خەڵكی داقووق و تەنانەت كەركووكیش، هۆكارەكەیشی بۆ ئەوە دەگەڕێتەوە، كە هێزە عێراقییەكان توانای پاراستنی ئەمنییەتی ناوچەكەیان نییە."

 

بڵند ئیبراهیم

 




دوایین هەواڵەکان

د. چواس: پارتی ڕەھەندێکی زۆری نیشتمانی و پێشکەوتنی سیاسیشی بۆ گەلی کورد ھەیە

TUESDAY, 18 SEPTEMBER 2018 20:09:45

ھەولێر-KDP.info- پسپۆڕێکی سیاسی دەڵێت، پارتی ھەرچەندە لە بانگەشە و بەرنامەکانیدا ھەمیشە ڕەھەندی خزمەتگوزاری و پێشکەوتنی ھەیە، ڕەھەندێکی زۆری نیشتمانی و پێشکەوتنی سیاسیشی بۆ گەلی کورد ھەیە. بۆیەش دانانی دەستووری خستووەتە بەرنامەی کاری و گرنگییەکی زۆری پێ داوە و بە دەستکەوتێکی نەتەوەیی دەزانێت.

پۆڵۆنیا مێژووی خەباتی گەلی کوردستان بۆ ئازادی و سەربەخۆیی بەرز دەنرخێنێت

TUESDAY, 18 SEPTEMBER 2018 17:09:39

هەولێر-KDP.info- کونسووڵی کۆماری پۆڵۆنیا لە دیداریدا لەگەڵ بەرپرسی مەکتەبی پێوەندییەکانی دەروەی پارتی دەڵێ، ئەمساڵ یادی سەربەخۆییی پۆلۆنیا دەکەنەوە و لەو یادەشدا مێژووی خەباتی گەلی کوردستان بۆ ئازادی و سەرەبەخۆیی بەرز دەنرخێنن.

 
جووتیارانی كوردستان: ده‌نگمان بۆ لیستی 183ی پارتییه‌

TUESDAY, 18 SEPTEMBER 2018 15:09:23

هه‌ڵه‌بجه  -KDP.info-له‌ كارنامه‌ی لیسته‌كه‌ی پارتی دیموكراتی كوردستاندا به‌ ژماره‌ 183 بۆ هه‌ڵبژاردنی په‌رله‌مانی كوردستان گرنگیدان به‌ جووتیاران هاتووه،‌ بۆ ئه‌وه‌ی كشتوكاڵی كوردستان ببوو‌ژێننه‌وه و‌ پێداویستیی ناوخۆ پڕ بكەنه‌وه‌.

 
پرسەنامەی بارەگای بارزانی بۆ خانەوادەی مامە عەزە

TUESDAY, 18 SEPTEMBER 2018 14:09:48

به‌ناوی خودای گه‌وره‌ و میهره‌بان

 
مه‌سروور بارزانی پێشوازی له‌ باڵیۆزی نیوزلاند له‌ عێراق ده‌كات

TUESDAY, 18 SEPTEMBER 2018 14:09:10

هەولێر-KDP.info- راوێژكاری ئه‌نجوومه‌نی ئاسایشی هه‌رێمی كوردستان رایگەیاند، هه‌رێمی كوردستان هه‌وڵی پێكهێنانی هاوپه‌یمانیه‌تیه‌ك ده‌دات، كه‌ داخوازییه‌كانی كوردستان و مادده‌ و بڕگه‌كانی ده‌ستوور جێبه‌جێ ده‌كات. هه‌روه‌ها ئاماژه‌ی به‌ چڕكردنه‌وه‌ی هه‌وڵه‌كان بۆ دامه‌زراندنی ئه‌نجوومه‌نی باڵای سیاسه‌تی ستراتیژی له‌ عێراق دا، وه‌ك هه‌وڵێكی گرینگ بۆ رێگه‌گرتن له‌ تاكڕه‌وی له‌ به‌ڕێوه‌بردن و ده‌ركردنی بڕیاره‌ چاره‌نووسسازه‌كاندا.



 
© 2018 Kurdistan Democratic Party, KDP