Kurdî  ■  كوردی  ■  عربي
MON, 24 SEP 2018 17:14 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

جێگرى سه‌رۆكى پارتى به‌شدارى له‌ كۆبوونه‌وه‌ى فراكسیۆنى پارتى کرد
| KDP.info


هەولێر-KDP.info-  جێگرى سه‌رۆكى پارتى دیموکراتی کوردستان به‌شدارى له‌ كۆبوونه‌وه‌ى فراكسیۆنى پارتى کرد و لە دیدارەکەدا جێگەری سەرۆکی پارتی، پوخته‌یه‌كی ده‌رباره‌ى دوایین پێشهاته‌كانى گفتوگۆى نێوان حكوومه‌تى هه‌رێمى كوردستان و حكوومه‌تى عێراقى فیدرال پێشكه‌ش كرد و هیواى خواست كه‌ گفتوگۆكان بگه‌نه‌ ئه‌نجامێكى باش و هه‌ڵوێستى حكوومه‌تى هه‌رێمى كوردستانی بۆ چاره‌كردنى ته‌واوى كێشه‌كان له‌سه‌ر بنه‌ماى ده‌ستوورى عێراق، دووپات كردوه‌.

پێشنیوه‌ڕۆى ئه‌مڕۆ چوارشه‌ممه‌ 7/3/2018  نێچیرڤان بارزانى جێگرى سه‌رۆكى پارتى دیموكراتى كوردستان له‌ هه‌ولێر، به‌شدارى له‌ كۆبوونه‌وه‌ى فراكسیۆنى پارتى له‌ په‌رله‌مانی كوردستان كرد.



له‌ كۆبوونه‌وه‌كه‌دا هه‌ریه‌كه‌ له‌ به‌ڕێزان جه‌عفه‌ر ئێمنكى جێگرى سه‌رۆكى په‌رله‌مان و ئومێد خۆشناو سه‌رۆكى فراكسیۆنى پارتى له‌ په‌رله‌مانى كوردستان، پوخته‌یه‌كیان ده‌رباره‌ى كاره‌كانى ئه‌م خوله‌ى په‌رله‌مان و ڕۆڵى فراكسیۆنى پارتى پێشكه‌ش كرد و تیشكیان خسته‌ سه‌ر ئه‌و كێشه‌ و گرفتانه‌ى هه‌ر له‌ سه‌ره‌تاوه‌ به‌هۆى دۆخى سیاسییه‌وه‌ ڕه‌نگدانه‌وه‌یان له‌سه‌ر په‌رله‌مانى كوردستان و كاره‌كانى هه‌بووه‌.

لاى خۆیه‌وه‌  جێگرى سه‌رۆكى پارتى وێڕاى سوپاس و ده‌ستخۆشى و پێزانین بۆ كار و ئه‌ركه‌كانى یه‌كه‌ به‌ یه‌كه‌ى په‌رله‌مانتارنى فراكسیۆنى پارتى، پوخته‌یه‌كیشى ده‌رباره‌ى دوایین پێشهاته‌كانى گفتوگۆى نێوان حكوومه‌تى هه‌رێمى كوردستان و حكوومه‌تى عێراقى فیدرال پێشكه‌ش كرد و هیواى خواست كه‌ گفتوگۆكان بگه‌نه‌ ئه‌نجامێكى باش و هه‌ڵوێستى حكوومه‌تى هه‌رێمى كوردستانی بۆ چاره‌سه‌ركردنى ته‌واوى كێشه‌كان له‌سه‌ر بنه‌ماى ده‌ستوورى عێراق، دووپات كردوه‌.

تاوتوێكرنى دۆخى ناوخۆى سیاسیى هه‌رێمى كوردستان و هه‌ڵبژاردنه‌كانى داهاتوو له‌ عێراق و هه‌رێمى كوردستان و پێشهاته‌كانى ناوچه‌كه‌ به‌گشتى، لایه‌نێكى دیكه‌ی كۆبوونه‌وه‌كه‌ بوو كه‌ تیایدا ژماره‌یه‌ك له‌ په‌رله‌مانتاران دید و بۆچوونى خۆیان خسته‌ ڕوو.

 




دوایین هەواڵەکان

لەنێو سیاسییەکانی ئەورووپادا باسی ساڵیادی ڕیفراندۆمی سەربەخۆییی کوردستان دەکرێت

MONDAY, 24 SEPTEMBER 2018 17:09:36

هەولێر-KDP.info-  لە کۆبوونەوەی سەرکردایەتیی لاوان پارتی گەلانی ئەوروپا لە شاری بوخارستی پایتەختی وڵاتی ڕۆمانیا، باسی یەکەمین ساڵیادی ریفراندۆمی سەربەخۆییی ھەرێمی کوردستان کرا.

ئافره‌تانی سلێمانی: ده‌نگمان بۆ لیستی 183ی پارتییه‌

MONDAY, 24 SEPTEMBER 2018 16:09:28

سلێمانی-KDP.info-  ئافره‌تانی پارێزگای سلێمانی، کە بەشداربووی كه‌رنه‌ڤاڵی لیستی 183ی پارتی بوون، داوا له‌ هاووڵاتییانی شاره‌كه‌یان ده‌كه‌ن ڕۆژی 30ی ئه‌یلوول بڕۆنه‌ سه‌ر سندووقه‌كانی ده‌نگدان و ده‌نگ به ‌لیستی 183ی پارتی بده‌ن.

 
دهۆک جگە لە پارتی هیچ لایەنێکی دیکەی ناوێ

MONDAY, 24 SEPTEMBER 2018 16:09:57

دهۆک -KDP.info- دهۆکییەکان لە هەڵبژاردندا زۆرترین دەنگیان بۆ پارتییە و هیچ لایەنێکی تر قبووڵ ناکەن وەک بەرپرسی لقەکانی پارتی دەڵێن، دهۆکییەکان دەزانن تەنیا ئەوەی پشتگیریی گەلی کورد بکات و خاوەن مەبدەئی دروست بێت، تەنیا پارتی و بارزانییە.

 
خەسرۆ گۆران: حەوت ھەزار بریکارمان ئامادە کردووە

MONDAY, 24 SEPTEMBER 2018 15:09:14

هەولێر -KDP.info-پارتی لەسەر ئاستی جیاواز ئامادەکاریی تەواوی کردووە بۆ پڕۆسەی ھەڵبژاردن و بەرپرسی دەزگای ھەڵبژاردنیش دەڵێ، لە ڕێگەی حەوت ھەزار بریکارەوە چاودێریی پڕۆسەی ھەڵبژاردنی پەرلەمانی کوردستان دەکەین.

 
عەبدولسەلام بەرواری: نھێنیی مانەوەی پارتی میللەتە

MONDAY, 24 SEPTEMBER 2018 15:09:59

هەولێر-KDP.info- پارتی دیموکراتی کوردستان لە ماوەی ٧٢ ساڵی ڕابردوودا پێشڕەویی شۆڕش و قۆناغە جیاوازەکانی خەڵکی کوردستانی کردووە و شرۆڤەکارێکیش ئاماژە بەوە دەکات نھێنیی مانەوەی پارتی وەک حزبی یەکەمی کوردستان بۆ ڕێبازی پیرۆزی بارزانی و بوونی میللەت لە دەوری پارتی دەگەڕێتەوە.

 


 
© 2018 Kurdistan Democratic Party, KDP