Kurdî  ■  كوردی  ■  عربي
FRI, 14 DEC 2018 23:34 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەسروور بارزانی: هەرێمی كوردستان بژاردەی زۆری لە بەردەمدان
| KDP.info


 

هەولێر-KDP.info- لە دیداریدا لەگەڵ باڵیۆزی نیوزلەندا، راوێژكاری ئەنجوومەنی ئاساییشی هەرێمی كوردستان ڕایگەیاند: "ئەگەر پێشێلكارییە دەستوورییەكان بەردەوام بن، ناتوانین بێدەنگ بین و، هەرێمی كوردستانیش بژاردەی دەستووریی زۆری لە بەردەمدان بۆ ئەوەی داكۆكی لە مافەكانی بكات".

مەسروور بارزانی، راوێژكاری ئەنجوومەنی ئاساییشی هەرێمی كوردستان، ئەمڕۆ 7/3/2018 پێشوازیی لە برادلی ساودن، باڵیۆزی نیوزلەندا لە بەغدا كرد.

لەم دیدارەدا، دواڕەوشی ناوچەكە و پەیوەندییەكانی هەرێم و بەغدا و بەردەوامیی هەماهەنگیی زیاتر لە چوارچێوەی هەوڵە نێودەوڵەتییەكانی دژ بە تیرۆر، تاوتوو كران.

باڵیۆزی نیوزلەندا، وێڕای ستاییشی رۆڵی هەرێم و هێزی پێشمەرگە لە جەنگی دژ بە تیرۆریستان، ئامادەیی وڵاتەكەی بۆ فراوانكردنی پەیوەندیی دوولایەنەی نێوان هەرێم و نیوزلەندا دەربڕی و، ئاواتی خواست هەرچی زووترە كێشەكانی هەولێر و بەغدا كۆتاییان پێ بێت، تاكو زەمینەی لەبارتر بۆ ئاشتی و سەقامگیری و بووژانەوەی ئابووری بڕەخسێت.

لە بەرانبەردا، مەسروور بارزانی جەختی لە بەردەوامیی هەرێمی كوردستان لە جەنگی دژ بە تیرۆریستان لە چوارچێوەی هاوپەیمانیی نێودەوڵەتیدا كردەوە و گوتی: "هەرێمی كوردستان وێڕای هەموو كۆسپ و تەگەرەكان، لە ریزی پێشەوەی بەرەی دژ بە تیرۆریستان دەمێنێتەوە".

لە بارەی كێشەكانی نێوان هەولێر و بەغدایش، راوێژكاری ئەنجوومەنی ئاساییشی هەرێم ڕایگەیاند: "هەرێمی كوردستان خوازیارە بەپێی دەستوور گشت كێشەكان چارە بكرێن، بەڵام ئەگەر پێشێلكارییە دەستوورییەكان بەردەوام بن، ناتوانین بێدەنگ بین و، هەرێمی كوردستانیش بژاردەی دەستووریی زۆری لە بەردەمدان بۆ ئەوەی داكۆكی لە مافەكانی بكات".

 




دوایین هەواڵەکان

نێچیرڤان بارزانی و ئه‌لحه‌لبووسی دۆخی عێراق و ناوچه‌كه‌ تاوتوێ ده‌كه‌ن

FRIDAY, 14 DECEMBER 2018 22:12:12

هه‌ولێر-KDP.info-  ئێواره‌ی ئه‌مڕۆ هه‌ینی 14/12/2018، نێچیرڤان بارزانی سه‌رۆكوه‌زیرانی هه‌رێمی كوردستان، پێشوازی له‌ د. محه‌مه‌د ئه‌لحه‌لبووسی سه‌رۆكی په‌رله‌مانی عێراق و شاندێكی یاوه‌ری كرد.

 
پارتی جەژنی رۆژووی ئێزدییان پیرۆز ده‌كات

FRIDAY, 14 DECEMBER 2018 17:12:39

هه‌ولێر-KDP.info-  وێڕای پیرۆزبایی جەژنی رۆژووی ئێزدی، پارتی جەخت لەسەر پاڵپشتیی تەواو و بەردەوامیی پارتی و سەرۆك مەسعوود بارزانی دەكاتەوە بۆ پاراستنی كوولتوری رەسەنی ئێزدیاتی و گەڕاندنەوەی ئارامی و سەقامگیریی بۆ تەواوی ناوچەكانیان و كاركردن بۆ زیاتر ئاوەدانكردنەوە و پەرەپێدان و پێشكەوتنی گیانی برایەتی و پێكەوەژیان و تەبایی لای گشت پێكهاتەكانی كۆمەڵگەی كوردستانی.

 
نێچیرڤان بارزانى پیرۆزبایى له‌ ئێزدییان ده‌كات

FRIDAY, 14 DECEMBER 2018 12:12:03

هه‌ولێر-KDP.info-  نێچیرڤان بارزانى سه‌رۆكوه‌زیرانى هه‌رێمى كوردستان، له‌ په‌یامێكدا جه‌ژنى "ڕۆژى یێت ئێزى" له‌ ئێزدییان پیرۆز كرد و وێڕاى پیرۆزبایى، دووپاتى كرده‌وه‌ تا ڕفێنراوێكى ئێزدى له‌ ده‌ستى داعشدا مابێت، له‌ هه‌وڵى به‌رده‌وامدا ده‌بن بۆ ڕزگاركردنیان.

 
فڕۆکە جەنگییەکانی توركیا بە چڕی شنگال بۆردوومان ده‌كه‌ن

THURSDAY, 13 DECEMBER 2018 23:12:02

شنگال-KDP.info-  فەرماندەی فەرماندەیی پێشمەرگەی شنگال ڕایگەیاند، فڕۆکە جەنگییەکانی تورکیا بە چڕێ شنگال بۆردوومان ده‌كه‌ن، به‌ڵام زیانه‌كانی بۆردوومان نه‌زانراون.

 
سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان دەكات

THURSDAY, 13 DECEMBER 2018 16:12:04

هەولێر-KDP.info-  سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان کرد و لە پەیامیدا رایگەیاند، شانازییە بۆ هەموومان كە كوردستان وڵاتی برایەتی و پێكەوەژیانە و، دەبێ بە هیممەتی هەموو لایەك ئەو برایەتی و پێكەوەژیانە قوڵتر و فراوانتر ببێت.



 
© 2018 Kurdistan Democratic Party, KDP