Kurdî  ■  كوردی  ■  عربي
MON, 10 DEC 2018 08:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فازڵ میرانی: پەسەندکردنی بودجە پێچەوانەى ئەو پرەنسیپانە بوو كە عێراقى نوێی لەسەر دامەزراوە
| KDP.info


هەولێر-KDP.info- سكرتێری مەکتەبی سیاسیی پارتی دیموکراتی کوردستان لە دیداریدا لەگەڵ کونسووڵی تورکیا لە هەولێر ئاماژەى بە نوێكردنەوە بەردەوامى ئابلۆقەى ئاسمانیى سەر فڕۆكەخانەكانى هەرێمى كوردستان لە گەشتەكانى دەرەوە كرد، كە ئەمە پێچەوانەى جاڕنامەى گەردوونیى مافى مرۆڤە و چۆن سەرۆكوەزیران سزاى بەشێك لە هاونیشتمانییەكانى دەدات، كە بانگەوازى عێراقى یەكپارچە و یەكگرتوو دەكات.


ئەمڕۆ لە بارەگاى مەكتەبى سیاسیی پارتی دیموكراتى كوردستان، فازڵ میرانى، سكرتێرى مەكتەبى سیاسی پێشوازیى لە كونسووڵى كۆمارى توركیا، هاكان قراچاى و جێگرى كونسووڵى توركیا لە هەرێمى كوردستان كرد.

لە دانیشتنەكەدا وێڕاى بەخێرهێنانى مێوانان, سكرتێرى مەكتەبى سیاسى سەبارەت بە بارودۆخى ئێستاى هەرێمى كوردستان و عێراق و ناوچەكە بەگشتى دوا و تیشكى خستە سەر ڕەوشى سیاسى و ئابوورى و هەڵبژاردنەكانى داهاتووى عێراق و هەرێمى كوردستان، بەتایبەتى پەیوەندییەكانى نێوان هەولێر و بەغدا و ئەو كێشە و گرفتە هەڵواسراوانەى  كە گرنگن بە ڕێگاى دیالۆگ و لەسەر بنەماى دەستوور چارەسەر بكرێن.

دواتر فازڵ میرانى ئاماژەى بە ئەو ناحەقیەى بەرامبەر خەڵكى هەرێمى كوردستان كرد، کە بە پەسەندكردنى یاساى بودجە لە ئەنجومەنى نوینەرانى عیراق بە زۆرینەى دەنگ و بەبێ ئامادەبوونى نوێنەرانى كورد کرا و ئەمە پێچەوانەى ئەو پرەنسیپانەیە كە عێراقى نوێی لەسەر دامەزراوە، لە تەوافق و هاوسەنگى و بەبێ فەرامۆشكردنى هیچ پێكهاتەیەك و ئەمە دەرهاوێشتەى عەقڵیەتى تاكڕەوانەیە لە بڕیاردانى دەسەڵاتدارانى عێراق.

میرانى ئاماژەى بە نوێكردنەوە بەردەوامى ئابڵۆقەى ئاسمانیى سەر فڕۆكەخانەكانى هەرێمى كوردستان لە گەشتەكانى دەرەوە كرد و گوتی، ئەمە پێچەوانەى جاڕنامەى گەردوونیى مافى مرۆڤە، چۆن سەرۆكوەزیران سزاى بەشێك لە هاونیشتمانییەكانى دەدات، كە بانگەوازى عێراقى یەكپارچە و یەكگرتوو دەكات.
سكرتێرى مەكتەبى سیاسى ئاماژە بە پیوەندییەكانى نێوان هەردوولا دا و هیواى خواست ئەم پەیوەندییانە بەرەو پێشتر بچن .
كونسووڵی كۆمارى توركیاش سوپاسى سكرتێرى مەكتەبى سیاسی كرد و تەئكیدى كرد كە ئەوان لەگەڵ چارەى ئاشتییانەى كێشەكانن بە دیالۆگ و لێكتێگەیشتن، وا كە هیچ پێكهاتەیەك فەرامۆش نەكرێت و ڕەچاوى مافى هەموو لایەك بكرێت.

 




دوایین هەواڵەکان

نێچیرڤان بارزانی سه‌ره‌خۆشی له‌ قه‌داسه‌تی پاتریارك مار گۆرگیسی سێیه‌م سڵێوه‌ ده‌كات

SUNDAY, 09 DECEMBER 2018 22:12:41

هه‌ولێر-KDP.info-  نێچیرڤان بارزانی سه‌رۆكوه‌زیرانی هه‌رێمی كوردستان، له‌ په‌یامێكدا هاوخه‌میی خۆی به‌ كۆچی دوایی خوشكی قەداسەتی پاتریارک مار گۆرگیسی سێیەم سڵێوە، پارتیارکی کەنیسەی ئاشووریی ڕۆژهەڵات لە جیهان و خانه‌واده‌كه‌ی ڕاده‌گه‌یێنێ كه‌ ئه‌مه‌ ده‌قه‌كه‌یه‌تی:

 
د.نەجمەدین کەریم: خیانەتی ١٦ ئۆکتۆبەر وایکرد ٥٠% خاک لە دەستبدەین

SUNDAY, 09 DECEMBER 2018 18:12:59

مێرگەسۆر-KDP.info-  بەڕێوەبەرایەتیی ڕۆشنبیریی هونەریی مێرگەسۆر و سەنتەری ڕۆشنبیریی مێرگەسۆر بۆ ساڵی چوارەم دیداری مێرگەسۆریان بەڕێوە برد و باس لە پاراستنی دەستكەوتەكانی هەرێمی كوردستان و بەهێزكردنی هەستی نەتەوایەتی لای تاكی كورد كرا.

 
فرسەت سۆفی: پارتی لە کوردستان هەوڵ بۆ چاکسازییەکی سەرتاسەری دەدات

SUNDAY, 09 DECEMBER 2018 18:12:28

ھەولێر-KDP.info- فرسەت سۆفی، ئەندامی فراکسیۆنی پارتی لە خولی پێشووی پەرلەمانی کوردستان ئاشکرای کرد کە بۆ پێکھێنانی کابینەی نوێی حکوومەتی ھەرێمی کوردستان، پارتی ھەوڵی حکوومەتێکی نوێ و  بەھێز دەدات و چوار ساڵی داھاتووش چاکسازییەکی سەرتاسەری لە ھەرێمی کوردستان ئەنجام دەدەین.

 
261 پارچەزەوی لە دهۆک دابەش کران

SUNDAY, 09 DECEMBER 2018 18:12:26

دهۆک -KDP.info- سەرۆکی کۆمەڵەی زێندانیانی سیاسی لە دهۆک ڕایگەیاند، ئەمڕۆ لە ڕێگای تیروپشکەوە ٢٦١ پارچەزەوی بۆ زێندانیانی سیاسی دابەش کران.

 
بەغدا دەیەوێ لە کاتی بەڕێوەچوونی سەرژمێریدا پێکھاتەکان لەسەر کورد ھەژمار نەکرێن

SUNDAY, 09 DECEMBER 2018 18:12:34

ھەولێر-KDP.info-   بڕیارە لە ساڵی دابێت ئامادەکاریی تەواو بۆ بەڕێوەچوونی سەرژمێریی گشتیی دانیشتوانی عێراق بکرێت و ئەندامێکی لیژنەی سەرژمێریش دەڵێ، بەغدا پیلانی ھەیە پرسیاری نەتەوە ھەر بە یەکجاری لە سەرژمێریی گشتیدا لاببرێت.

 


 
© 2018 Kurdistan Democratic Party, KDP