Kurdî  ■  كوردی  ■  عربي
TUE, 18 SEP 2018 21:19 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وه‌زاره‌تی په‌روه‌رده‌ له‌ باره‌ی رۆژی جلی كوردییه‌وه‌ ئاگادارییه‌ك بڵاوده‌كاته‌وه‌
| KDP.info


 
 
هه‌ولێر-KDP.info- وه‌زاره‌تی په‌روه‌رده‌ی حكوومه‌تی هه‌رێمی كوردستان، سه‌رجه‌م قوتابخانه‌كانی هه‌رێمی كوردستان ئاگادار ده‌كاته‌وه‌، رۆژی جلوبه‌رگی نه‌ته‌وه‌یی، ده‌كه‌وێته‌ رۆژی شه‌ممه‌، كه‌ پشووه‌ له‌ قوتابخانه‌كان و ده‌وام نییه‌، بۆیه‌ ئه‌و رۆژه‌ له‌گه‌ڵ رۆژی پێنجشه‌ممه‌، 8ی مارس/ ئادار، ده‌بێته‌ یه‌ك.
 
به‌ گوێره‌ی راگه‌یه‌ندراوه‌كه‌ی وه‌زاره‌تی په‌روه‌رده‌، پێویستە مەراسیمەکە لەگەڵ 8ی مارس، كه‌ رۆژی جیهانی ژنانه‌، ئەنجام بدرێت و هه‌ردوو رێوڕه‌سمه‌كه‌، لە ڕۆژی پێنجشەممە، 8ی مارس/ ئادار تێکەڵ بکرێن.
 
وه‌زاره‌تی په‌روه‌رده‌ له‌ راگه‌یه‌ندراوه‌كه‌یدا، ئاماژه‌ به‌وه‌ ده‌كات، پۆشینی جلوبەرگی نەتەوەیی ئارەزوومەندانەیە و گوشار ناخرێتە سەر هیچ کەس لە پۆشینی.
 
رۆژی 10ی ئاداری هه‌موو ساڵێك وه‌ك رۆژی جلوبه‌رگی كوردی دیاریكراوه‌ و ساڵانه‌ له‌و رۆژه‌دا، قوتابییان و فه‌رمانبه‌ران، له‌ جلی كوردی ده‌وام ده‌كه‌ن.
 
ده‌قی راگه‌یه‌ندراوه‌كه‌ی وه‌زاره‌تی په‌روه‌رده‌:
 
ئاگادارییەک لە وەزارەتی پەروەردە
 
بۆ سەرجەم قوتابخانەکانی سەرتاسەری هەرێمی کوردستان
 
ڕۆژی 'جلوبەرگی نەتەوەیی' کە دەکەوێتە ڕۆژی شەممە و لەبەر ئەوەی ڕۆژی شەممە پشووی فەرمییە لە قوتابخانەکاندا، پێویستە مەراسیمەکە لەگەڵ '۸ی مارس' ئەنجام بدرێت، واتە هەردوو مەراسیمەکە لە ڕۆژی '٥شەممە/ ۸ی مارس) تێکەڵ بکرێن و یادیان بکرێتەوە.
 
تێبینی:
 
پۆشینی جلوبەرگی نەتەوەیی ئارەزوومەندانەیە و پاڵەپەستۆ ناخرێتە سەر هیچ کەس لە پۆشینی.
 
وەزارەتی پەروەردە
 
بەڕێوەبەرایەتی ڕاگەیاندن



دوایین هەواڵەکان

د. چواس: پارتی ڕەھەندێکی زۆری نیشتمانی و پێشکەوتنی سیاسیشی بۆ گەلی کورد ھەیە

TUESDAY, 18 SEPTEMBER 2018 20:09:45

ھەولێر-KDP.info- پسپۆڕێکی سیاسی دەڵێت، پارتی ھەرچەندە لە بانگەشە و بەرنامەکانیدا ھەمیشە ڕەھەندی خزمەتگوزاری و پێشکەوتنی ھەیە، ڕەھەندێکی زۆری نیشتمانی و پێشکەوتنی سیاسیشی بۆ گەلی کورد ھەیە. بۆیەش دانانی دەستووری خستووەتە بەرنامەی کاری و گرنگییەکی زۆری پێ داوە و بە دەستکەوتێکی نەتەوەیی دەزانێت.

پۆڵۆنیا مێژووی خەباتی گەلی کوردستان بۆ ئازادی و سەربەخۆیی بەرز دەنرخێنێت

TUESDAY, 18 SEPTEMBER 2018 17:09:39

هەولێر-KDP.info- کونسووڵی کۆماری پۆڵۆنیا لە دیداریدا لەگەڵ بەرپرسی مەکتەبی پێوەندییەکانی دەروەی پارتی دەڵێ، ئەمساڵ یادی سەربەخۆییی پۆلۆنیا دەکەنەوە و لەو یادەشدا مێژووی خەباتی گەلی کوردستان بۆ ئازادی و سەرەبەخۆیی بەرز دەنرخێنن.

 
جووتیارانی كوردستان: ده‌نگمان بۆ لیستی 183ی پارتییه‌

TUESDAY, 18 SEPTEMBER 2018 15:09:23

هه‌ڵه‌بجه  -KDP.info-له‌ كارنامه‌ی لیسته‌كه‌ی پارتی دیموكراتی كوردستاندا به‌ ژماره‌ 183 بۆ هه‌ڵبژاردنی په‌رله‌مانی كوردستان گرنگیدان به‌ جووتیاران هاتووه،‌ بۆ ئه‌وه‌ی كشتوكاڵی كوردستان ببوو‌ژێننه‌وه و‌ پێداویستیی ناوخۆ پڕ بكەنه‌وه‌.

 
پرسەنامەی بارەگای بارزانی بۆ خانەوادەی مامە عەزە

TUESDAY, 18 SEPTEMBER 2018 14:09:48

به‌ناوی خودای گه‌وره‌ و میهره‌بان

 
مه‌سروور بارزانی پێشوازی له‌ باڵیۆزی نیوزلاند له‌ عێراق ده‌كات

TUESDAY, 18 SEPTEMBER 2018 14:09:10

هەولێر-KDP.info- راوێژكاری ئه‌نجوومه‌نی ئاسایشی هه‌رێمی كوردستان رایگەیاند، هه‌رێمی كوردستان هه‌وڵی پێكهێنانی هاوپه‌یمانیه‌تیه‌ك ده‌دات، كه‌ داخوازییه‌كانی كوردستان و مادده‌ و بڕگه‌كانی ده‌ستوور جێبه‌جێ ده‌كات. هه‌روه‌ها ئاماژه‌ی به‌ چڕكردنه‌وه‌ی هه‌وڵه‌كان بۆ دامه‌زراندنی ئه‌نجوومه‌نی باڵای سیاسه‌تی ستراتیژی له‌ عێراق دا، وه‌ك هه‌وڵێكی گرینگ بۆ رێگه‌گرتن له‌ تاكڕه‌وی له‌ به‌ڕێوه‌بردن و ده‌ركردنی بڕیاره‌ چاره‌نووسسازه‌كاندا.



 
© 2018 Kurdistan Democratic Party, KDP