Kurdî  ■  كوردی  ■  عربي
THU, 21 JUN 2018 03:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دۆستێکی سەرۆک بارزانی بە سەرۆکی پارتە دیموکراتەکانی جیھان ھەڵبژێردرا
| KDP.info


 

هەولێر-KDP.info-  لەمیانی کۆبوونەوەی سەرۆکەکانی پارتە دیموکراتەکانی جیھان و ھەڵبژاردنی سەرۆکێکی تازە بۆ سەرۆکی پارتە دیموکراتەکانی جیھان لە مەدریدی پایتەختی ئیسپانیا، (ستیفن ھارپەر) سەرۆکی حکوومەتی پێشووی کەنەدا بە زۆرینەی دەنگ، وەکو سەرۆکی پارتە دیموکراتەکانی جیھان ھەڵبژێردرا.

لەوبارەوە فەلاح حەسەن جێگری سەرۆکی لاوانی پارتە دیموکراتەکانی جیھان رایگەیاند، ھارپەر دۆستێکی نزیکی جەنابی سەرۆک بارزانییە و کاتی خۆیشی کە سەرۆکی حکوومەتی کەنەدا بووە، بە فەرمی سەردانی کوردستانی کردووە. ئەوکات لەلایەن سەرۆکی ھەرێمی کوردستان جەنابی سەرۆک بارزانی پێشوازیی کراوە.

 

فەلاح حەسەن کە لاوێکی باشووری کوردستان و جێگری سەرۆکی لاوانی دیموکراتەکانی جیھانە، گوتی، "بەڕێز ھارپەر پێیگوتم، من دۆستێکی نزیکی سەرۆک بارزانیم و خۆشەویستیم ھەیە بۆ گەلی ھەرێمی کوردستان، ھەروەھا سەردانی ھەولێرم کردووە و سەردانی پێشمەرگەشم لە ھێڵەکانی پێشەوەی بەرگری کردووە لە شەڕی دژی داعشدا."

جێگری سەرۆکی لاوانی جیھانی کە بە فەرمی بەشداریی دەنگدانەکەی کردووە دەڵێت، "ئەمە دەستەکەوتێکی باشە بۆ ھەرێمەکەمان لەم کات و ساتەدا کە بەڕێز ستیفن ھاڕپەر ئەم پۆستەی وەرگرتووە، ھیوادارم ھەنگاوێکی ئەرێنی بێت بۆ پشتگیریی نێودەوڵەتی لە مافەکانی گەلی کورد."

شایەنی باسە پارتە دیموکراتەکانی جیھان کە ناسراوە بە (یەکێتیی دیمۆکراتەکانی جیھان - IDU) لە ساڵی ١٩٨٣ دامەزراوە و زیاتر لە ٦٣ وڵات لەسەر ئاستی جیھان تیایدا ئەندامن و، گەورەترین چەترە بۆ کۆکردنەوەی پارتەکان لە جیھاندا.




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP