Kurdî  ■  كوردی  ■  عربي
FRI, 14 DEC 2018 23:32 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

له‌ كۆشكى سپى مه‌سروور بارزانى له‌گه‌ڵ راوێژكارى سه‌رۆكى ئه‌مریكا بۆ ئاسایشى نیشتیمانى كۆبووەوە
| KDP.info


ئەمەریکا-KDP.info-  مه‌سروور بارزانى، راوێژكارى ئه‌نجوومه‌نى ئاسایشى هه‌رێمى كوردستان له‌گه‌ڵ هاوتا ئه‌مریكییه‌كه‌ى، هێربرت ماك ماسته‌ر، راوێژكارى سه‌رۆكى ئه‌مریكا بۆ ئاسایشى نیشتیمانى کۆبوویەوە.

له‌ باره‌ى كۆبوونه‌وه‌كه‌وه‌، نوێنه‌رى حكومه‌تى هه‌رێمى كوردستان له‌ واشنتن، به‌یان سامى، له‌ رێى هه‌ژمارى خۆى له‌ تۆڕى كۆمه‌ڵایه‌تى تویته‌ر نووسیویه‌تى: "گفتوگۆیه‌كى باش له‌ باره‌ى نوێترین پێشهاته‌ سیاسى و ئه‌منى و گه‌شه‌پێدانى ئابوورى كرا و هه‌روه‌ها گفتوگۆ كرا له‌ باره‌ى پته‌وتركردنى په‌یوه‌ندییه‌كانى نێوان هه‌رێمى كوردستان و ئه‌مریكا".
سه‌ردانه‌كه‌ی مه‌سروور بارزانی پاش به‌شداریكردنییه‌تی له‌ كۆنفرانسی ئاسایشی جیهان له‌ میونخ، كه‌ له‌ چوارچێوه‌ی شاندێكی باڵای هه‌رێمی كوردستان، رۆژانی ١٦ تا ١٨ـی ئه‌م مانگه‌ له‌ ئه‌ڵمانیا به‌ڕێوه‌چوو.

له‌ په‌راوێزی ٥٤ـه‌مین كۆنفرانسی ئاسایشی میونخ، كه‌ هه‌ریه‌ك له‌ نێچیرڤان بارزانی، سه‌رۆك وه‌زیرانی هه‌رێمی كوردستان و مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان، به‌شداربوون، مه‌سروور بارزانی، له‌ هه‌ژماری تایبه‌تی خۆی له‌ تۆڕی كۆمه‌ڵایه‌تی تویته‌ر بڵاویكرده‌وه‌، له‌ په‌راوێزی كۆنفرانسه‌كه‌دا، له‌گه‌ڵ به‌رپرسانی باڵای ده‌زگا هه‌واڵگرییه‌كانی چه‌ندین وڵات كۆبووه‌ته‌وه‌ و باسییان له‌ قۆناغی داهاتووی ناوچه‌كه‌ و هه‌رێمی كوردستان كردووه‌.

K24




دوایین هەواڵەکان

نێچیرڤان بارزانی و ئه‌لحه‌لبووسی دۆخی عێراق و ناوچه‌كه‌ تاوتوێ ده‌كه‌ن

FRIDAY, 14 DECEMBER 2018 22:12:12

هه‌ولێر-KDP.info-  ئێواره‌ی ئه‌مڕۆ هه‌ینی 14/12/2018، نێچیرڤان بارزانی سه‌رۆكوه‌زیرانی هه‌رێمی كوردستان، پێشوازی له‌ د. محه‌مه‌د ئه‌لحه‌لبووسی سه‌رۆكی په‌رله‌مانی عێراق و شاندێكی یاوه‌ری كرد.

 
پارتی جەژنی رۆژووی ئێزدییان پیرۆز ده‌كات

FRIDAY, 14 DECEMBER 2018 17:12:39

هه‌ولێر-KDP.info-  وێڕای پیرۆزبایی جەژنی رۆژووی ئێزدی، پارتی جەخت لەسەر پاڵپشتیی تەواو و بەردەوامیی پارتی و سەرۆك مەسعوود بارزانی دەكاتەوە بۆ پاراستنی كوولتوری رەسەنی ئێزدیاتی و گەڕاندنەوەی ئارامی و سەقامگیریی بۆ تەواوی ناوچەكانیان و كاركردن بۆ زیاتر ئاوەدانكردنەوە و پەرەپێدان و پێشكەوتنی گیانی برایەتی و پێكەوەژیان و تەبایی لای گشت پێكهاتەكانی كۆمەڵگەی كوردستانی.

 
نێچیرڤان بارزانى پیرۆزبایى له‌ ئێزدییان ده‌كات

FRIDAY, 14 DECEMBER 2018 12:12:03

هه‌ولێر-KDP.info-  نێچیرڤان بارزانى سه‌رۆكوه‌زیرانى هه‌رێمى كوردستان، له‌ په‌یامێكدا جه‌ژنى "ڕۆژى یێت ئێزى" له‌ ئێزدییان پیرۆز كرد و وێڕاى پیرۆزبایى، دووپاتى كرده‌وه‌ تا ڕفێنراوێكى ئێزدى له‌ ده‌ستى داعشدا مابێت، له‌ هه‌وڵى به‌رده‌وامدا ده‌بن بۆ ڕزگاركردنیان.

 
فڕۆکە جەنگییەکانی توركیا بە چڕی شنگال بۆردوومان ده‌كه‌ن

THURSDAY, 13 DECEMBER 2018 23:12:02

شنگال-KDP.info-  فەرماندەی فەرماندەیی پێشمەرگەی شنگال ڕایگەیاند، فڕۆکە جەنگییەکانی تورکیا بە چڕێ شنگال بۆردوومان ده‌كه‌ن، به‌ڵام زیانه‌كانی بۆردوومان نه‌زانراون.

 
سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان دەكات

THURSDAY, 13 DECEMBER 2018 16:12:04

هەولێر-KDP.info-  سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان کرد و لە پەیامیدا رایگەیاند، شانازییە بۆ هەموومان كە كوردستان وڵاتی برایەتی و پێكەوەژیانە و، دەبێ بە هیممەتی هەموو لایەك ئەو برایەتی و پێكەوەژیانە قوڵتر و فراوانتر ببێت.



 
© 2018 Kurdistan Democratic Party, KDP