Kurdî  ■  كوردی  ■  عربي
FRI, 22 MAR 2019 22:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕومیۆ ھەکاری: دەشتی نەینەوا وەک ناوچەیەکی سەربازیی ماوە
| KDP.info


دەشتی نەینەوا-KDP.info-  سکرتێری گشتیی حزبی بەیت‌نەھرێن ده‌ڵێت، ھێشتا زۆرێک لە ئاوارەکانی دەشتی نەینەوا لە ھەرێمی کوردستان ماون و بە ھۆی ڕەوشی ئەمنیی ناوچەکانیانه‌وه‌، ناتوانن بگەڕێنەوە و دەشڵێ، ھەوڵ ھەیە بۆ گۆڕینی دیمۆگرافیای دەشتی نەینەوا.

ڕومیۆ ھەکاری، سکرتێری گشتیی حزبی بەیت‌نەھرێن گوتی، ڕاسته‌ كه‌ ژمارەیەکی بەرچاوی پێکھاتەی کلد ئاشوور گەڕاونەتەوە بۆ سەر شوێنەکانیان لە دەشتی نەینەوا، بەڵام ژمارەیەکی زۆریش ئاوارەی ماون كه‌ ھێشتا نەگەڕاونەتەوە سەر ماڵوحاڵی خۆیان.

هه‌كاری دوو ھۆکار بۆ نەگەڕانەوەی ئاوارەکانی کلد ئاشوور ده‌خاته‌ به‌ر باس و بە ماڵپەڕی فەرمیی پارتی دیموکراتی کوردستانی ڕاگەیاند: ''بەشێکی پەیوەستە بەو ڕەوشەی ئێستا لە ناوچەکەدا ھەیە و لە ڕووی ئەمنییەوە دڵنیا نین لە ژیانی خۆیان، بەشێکی دیکەی پەیوەندیی بە خاپوورکردنی خانوو و شوێنی نیشتەجێبوونەوە ھەیە."

لەگەڵ پڕۆسەی ئازادکردنی شاری مووسڵ، چەندین ھێزی جیاواز و میلیشیای حەشدی لە لایەن بەغداوە لە دەشتی نەینەوا جێگیر کراون، وەک بڕیار بوو حەشدی شەعبی دوای کۆنتڕۆڵکردنی مووسڵ بگەڕێنەوە شوێنی خۆیان، بەڵام نەک ئامادەی گەڕانەوە نین، بەڵکوو چەندین تاوانیان لە دژی ھاووڵاتیانی سڤیل ئەنجام داوە و بەشێک لەوان دەچنە خانەی تاوانی جەنگی و دژی مرۆڤایەتییەوە."

هه‌كاری هه‌روه‌ها گوتی: "دەشتی نەینەوا ھێشتا وەک ناوچەیەکی سەربازی ماوە، ڕاستە بەراورد بە سەرەتای پڕۆسەی ئازادکردنی ناوچەکە توزێک باشترە، به‌ڵام لەگەڵ ئەوەشدا ھاووڵاتیان دڵنیا نین لە ڕەوشی ئەمنی و ھەندێک جار ڕووداو دێنە ئاراوە."

ڕومیۆ ھەکاری ئاماژەی بۆ ئەوە کرد كه‌ "سەرەتای تێپەڕبوونی ساڵێک بەسەر کۆنتڕۆڵکردنەوەی ناوچەی دەشتی نەینەوادایە، کەچی ھێشتا لە بەرتلە و قەرەقووش چەندین تاوان ئەنجام دراون، بێگومان خەڵکی ناوچەکە سەدلەسەد دڵنیا نین لە ڕەوشی ئەمنیی سنوورەکە، بڕیارە حەشدی شەعبی و سوپای عێراق  لە نێو شارەکان بکشێنەوە و مەلەفی ئەمنی بە پۆلیسی فیدڕاڵی بسپێردرێت، بەڵام بۆ گۆڕینی دیمۆگرافیای ناوچەکە زۆر جار کێشە دروست دەکرێت و ھەوڵی گۆڕینی دیمۆگرافیای دەشتی نەینەوا ھەیە."

لەگەڵ ھێرشی تیرۆریستانی داعش بۆ سەر مووسڵ نزیکەی ٢٠٠ ھەزار ئاوارەی کلد ئاشوور سریان بەرەو ھەرێمی کوردستان ئاوارە بوون و، هێشتا بەشێکی زۆریان لە شارۆچکەی عەنکاوەی نزیک ھەولێر و شاری دھۆک و ناحیەی ئەلقۆش نیشته‌جێ كراون.

قائید میرۆ




دوایین هەواڵەکان

حکوومەتی هەرێمی کوردستان ماتەمی راگەیاند

FRIDAY, 22 MARCH 2019 12:03:20
هەولێر-KDP.info- حکوومەتی هەرێمی کوردستان بەهۆی رووداوەکەی دوێنی شاری مووسڵ پەیامێکی بڵاوکردەوە و تیایدا راگرتنی بۆنە و ئاهەنگەکانی جەژنی نەورۆزی راگەیاند.
 
نێچیرڤان بارزانی په‌یوه‌ندی به‌‌ پارێزگاری مووسڵه‌وه‌ ده‌كات

THURSDAY, 21 MARCH 2019 22:03:42
هه‌ولێر-KDP.info- ئێواره‌ی ئه‌مڕۆ پێنجشه‌ممه‌ 21/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، په‌یوه‌ندییه‌کی ته‌له‌فۆنی به‌ به‌ڕێز نه‌وفه‌ل حه‌ممادی پارێزگاری مووسڵه‌وه‌ كرد و تیایدا پرسه‌ و سه‌ره‌خۆشی و هاوخه‌میی خۆی و گه‌لی كوردستانی به‌ به‌ڕێزیان و به‌ ڕێگای ئه‌ویشه‌وه‌ به‌ كه‌سوكاری قوربانیان ڕاگه‌یاند که‌ ئێواره‌ی ئه‌مڕۆ له‌ مووسڵ به‌هۆی ژێرئاوكه‌وتنی به‌له‌مێكی گه‌شتیارانه‌وه‌ له‌ ڕووباری دیجله‌ به‌ ده‌یان که‌س گیانیان له‌ده‌ست دا.
 
پرسه‌نامه‌ی باره‌گای بارزانی بۆ به‌ڕێز ئانۆ جه‌وهه‌ر عه‌بدۆکا‎

THURSDAY, 21 MARCH 2019 22:03:43
به‌ناوی خودای مه‌زن و دڵۆڤان
 
به‌ڕێز کاک ئانۆ جه‌وهه‌ر عه‌بدۆکا
 
به‌دڵگرانیه‌وه‌ هه‌واڵی کۆچی دوایی خاتوو (سارا تۆما بێهنام) هاوژینی خوالێخۆشبوو هونه‌رمه‌ند (عه‌بدولمه‌سیح ئێلیا عه‌بدۆکا) و داپیری به‌ڕێزتانمان پێگه‌یشت.
نێچیرڤان بارزانی: هاوخه‌میی قووڵی خۆمان بۆ که‌سوکاری قوربانیانی ئه‌مڕۆی مووسڵ ده‌رده‌بڕ‌ین

THURSDAY, 21 MARCH 2019 21:03:33
هەولێر-KDP.info- نێچیرڤان بارزانی، سه‌رۆکوه‌زیرانی هه‌رێمی کوردستان په‌یامێکی پرسه‌ و سه‌ره‌خۆشی ئاراسته‌ی که‌سوکاری قوربانیانی رووداوی ئه‌مڕۆی ژێرئاوکه‌وتنی به‌له‌مێکی گه‌شتیاری له‌ مووسڵ کرد و هه‌موو هاوکاری و پشتیوانییه‌کی داموده‌زگاکانی حکوومه‌تی هه‌رێمی کوردستانی بۆ لێقه‌وماوان نیشان دا.
 
سەرۆک بارزانی سەرەخۆشی لە کەسوکاری ڕووداوەکەی شاری موسڵ دەکات

THURSDAY, 21 MARCH 2019 21:03:26

هەولێر-KDP.info- سەرۆک بارزانی سەرەخۆشی لە کەسوکاری ڕووداوەکەی شاری موسڵ دەکات

ئەمە دەقەكەیەتی:



 
© 2018 Kurdistan Democratic Party, KDP