Kurdî  ■  كوردی  ■  عربي
FRI, 14 DEC 2018 23:12 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی پەیامێکی پیرۆزبایی ئاراستەی یەکێتیی قوتابیان و لاوان کرد
| KDP.info


هەولێر-KDP.info- نێچرڤان بارزانی جێگری سه‌رۆكی پارتی دیموكراتی كوردستان  به‌ بۆنه‌ی یادی دامه‌زراندنی یه‌كێتی لاوانی دیموكراتی كوردستان و یەکێتیی قوتابیانی کوردستان پەیامێکی پیرۆزبایی ئاراستەکردن کە ئەمە دەقەکەیەتی:


هەڤاڵان سکرتێر و ئەندامانی سکرتاریەتی "یەکێتی لاوانی دیموکراتی کوردستان"ی تێکۆشەر..
سڵاوی خەبات و تێکۆشان.
بە بۆنەی شەست و پێنجەمین ساڵیادی دامەزراندنی ڕێکخراوی "یەکێتی لاوانی دیموکراتی کوردستان" گەرمترین پیرۆزبایی لە خۆتان و یەکە یەکەی ئەندامانی ڕێکخراوە تێکۆشەرەکەتان دەکەم و لە ڕێگەی ڕێکخراوەکەشتانەوە ئەم یادە شکۆدارە لە سەرجەم لاوانی ئازیزی کوردستان پیرۆز دەکەم و هیوادارم ئەم بۆنەیە هاندەرێکی بەهێز بێت بۆ زیاتر خەباتی ڕێکخراوەییتان لە پێناو خواستەکانی لاوانی کوردستاندا.
یەکێتی لاوانی دیموکراتی کوردستان کە ئەو سەروەریەی پێبڕاوە پێشەنگی خەباتی ڕێکخراوەیی و مەدەنی بێت لە مێژووی خەباتی مەدەنیانەی کوردستاندا، خاوەنی مێژوویەکی پڕ لە سەروەرییە و هەمیشە مەڵبەندی  پێگەیاندنی چەندین کادری دڵسۆز و سەرکردە و تێکۆشەری دیار بووە کە ڕۆڵی گرنگیان لە بزاڤی ڕزگاریخوازیماندا بینیوە، جگە لەو شەهیدە نەمرانەی کە لە شۆڕش و ڕاپەڕینەکاندا بەخشیویەتە گەل و نیشتیمانەکەمان.
لاوان سامانێکی گرنگی نەتەوەیین و ئاییندەی هەر گەلێک پەیوەستە بە ئاستی هۆشیاری و هەستی بەرپرسیارێتی و توانا و بەهرەی توێژی لاوانیەوە. خەباتی مەدەنیانە و ڕێکخراوانەی لاوان هەمیشە بەشێکی سەرەکی بووە لە خەبات و بزاڤی گەلانی جیهان و خەباتی شه‌ ست و پێنج  ساڵه‌ی یەکێتی لاوانی دیموکراتی کوردستانیش بەشێکی گرنگ و سەرەکی بزاڤی ڕزگاریخوازیمانە و ئەم ڕۆڵەی ڕێکخراوە تێکۆشەرەکەتان بەرز دەنرخێنین. بڵاوکردنەوەی هۆشیاریی نەتەوەیی و نیشتیمانی و هەستی بەرپرسیارێتی لەنێو توێژی لاواندا ئەرکێکی گرنگی ڕێکخراوە تێکۆشەرەکەتانە و قۆناغی ئێستای کوردستانیش ئەرک و کاری زیاترتان لێدەخوازێ، بە تایبەت لە ڕووی کارکردن بۆ پتەوکردنی هەستی ئینتیمای لاوان بۆ نیشتیمان و دۆزی ڕەوای گەلەکەمان و دروستکردنی کەسایەتیەکی دروست و بڕوابەخۆ لای لاوی کوردستانی وەک تاکێکی خاوەن ئیرادە و بیر و بەرهەم، وێڕای پەروەردەی دروستی نەتەوەیی و نیشتیمانی بە جیهانبینی قوتابخانە و کولتوورە مرۆڤدۆستانەکەی پارتی و بارزانی. 
لەگەڵ هیوای سەرکەوتن و پێشکەوتنی بەردەوام بۆ ڕێکخراوە تێکۆشەرەکەتان..
بەرز و شکۆدار بێت یادی دامەزراندنی یەکێتی لاوانی دیموکراتی کوردستان..

نێچیرڤان بارزانی
جێگری سەرۆکی پارتی دیموکراتی کوردستان
١٨/٢/٢٠١٨

هه‌ فاڵان سکرتێر و ئەندامانی سکرتاریەتی یەکێتی قوتابیانی کوردستانی تێکۆشەر..
سڵاوی خەبات و تێکۆشان.
بە بۆنەی شەست و پێنجەمین ساڵیادی دامەزراندنی ڕێکخراوی "یەکێتی قوتابیانی کوردستان" گەرمترین پیرۆزبایی لە خۆتان و سەرجەم ئەندامانی ڕێکخراوە تێکۆشەرەکەتان دەکەم و لە ڕێگەی ئێوەیشەوە ئەم یادە شکۆدارە لە تێکڕای قوتابیانی ئازیزی کوردستان پیرۆز دەکەم و هیوادارم ئەم بۆنەیە هاندەرێکی بەهێز بێت بۆ زیاتر خەباتی ڕێکخراوەییتان لە پێناو خواست و ئامانجەکانی قوتابیاندا کە سامانێکی گرنگ و پڕ بەهای نەتەوەیی و نیشتیمانیمانن.
یەکێتی قوتابیانی کوردستان کە پێشەنگی خەباتی ڕێکخراوەیی و مەدەنیانەی کۆمەڵگای کوردستانە، خاوەنی مێژوویەکی پڕ لە سەروەرییە و قوتابخانەی پێگەیاندنی چەندین سەرکردە و تێکۆشەری دیار بووە کە ڕۆڵی گرنگیان لە بزاڤی ڕزگاریخوازیماندا بینیوە.
یەکەم هەنگاوی پێشکەوتن و گەشەی هەر کۆمەڵگایەک لە دەرگای قوتابخانە و مەڵبەندەکانی زانست و پەروەردەوە دەستپێدەکەن، بزاڤی پێشکەوتن بەرەو ئاییندەیەکی گەش بە بەشداریی کارایانەی هەموو توانا حکومی و ناحکومیەکان دەخرێتە ڕێ، بۆیە خەباتی شارستانیانە و سەردەمیانەتان بۆ بەدیهێنانی خواست و ئامانجەکانی توێژی قوتابیان بەرز دەنرخێنین و بە ستایشەوە دەڕوانینە بەشداریکردنی چالاکانەتان لە داڕشتن و گەشەپێدانی سیستمی خوێندن و پەروەردە و پێشکەوتنی کایەی زانستیدا؛ قۆناغی هەستیاری ئێستاشمان ئەرکی زیاترتان لێدەخوازێ، بە تایبەت لە ڕووی بڵاوکردنەوەی هۆشیاری و ئینتیمای نیشتیمانی و هەستی بەرپرسیارێتی لای قوتابی وەک تاکێکی کارا و سەرکەوتووی خاوەن بیر و بەرهەم.
هۆڵ و تاقیگەکانی خوێندن هەمیشە سەنگەری زانست و پێشکەوتنی نیشتیمانن و یەکێتی قوتابیانی کوردستانیش هەمیشە پێشمەرگە ئاسا چاوەڕێی ئەرکی گەورە و دڵسۆزانەی لێدەکرێت لە پێناو ئاییندەیەکی پرشنگدار و شکۆداردا بۆ گەل و نیشتیمانە ئازیزەکەمان.
هیوای بەردەوامیی سەرکەوتن و پێشکەوتنی زیاترتان بۆ دەخوازم.
بەرز و شکۆدار بێت یادی دامەزراندنی یەکێتی قوتابیانی کوردستان..



نێچیرڤان بارزانی
جێگری سەرۆکی پارتی دیموکراتی کوردستان
  




دوایین هەواڵەکان

نێچیرڤان بارزانی و ئه‌لحه‌لبووسی دۆخی عێراق و ناوچه‌كه‌ تاوتوێ ده‌كه‌ن

FRIDAY, 14 DECEMBER 2018 22:12:12

هه‌ولێر-KDP.info-  ئێواره‌ی ئه‌مڕۆ هه‌ینی 14/12/2018، نێچیرڤان بارزانی سه‌رۆكوه‌زیرانی هه‌رێمی كوردستان، پێشوازی له‌ د. محه‌مه‌د ئه‌لحه‌لبووسی سه‌رۆكی په‌رله‌مانی عێراق و شاندێكی یاوه‌ری كرد.

 
پارتی جەژنی رۆژووی ئێزدییان پیرۆز ده‌كات

FRIDAY, 14 DECEMBER 2018 17:12:39

هه‌ولێر-KDP.info-  وێڕای پیرۆزبایی جەژنی رۆژووی ئێزدی، پارتی جەخت لەسەر پاڵپشتیی تەواو و بەردەوامیی پارتی و سەرۆك مەسعوود بارزانی دەكاتەوە بۆ پاراستنی كوولتوری رەسەنی ئێزدیاتی و گەڕاندنەوەی ئارامی و سەقامگیریی بۆ تەواوی ناوچەكانیان و كاركردن بۆ زیاتر ئاوەدانكردنەوە و پەرەپێدان و پێشكەوتنی گیانی برایەتی و پێكەوەژیان و تەبایی لای گشت پێكهاتەكانی كۆمەڵگەی كوردستانی.

 
نێچیرڤان بارزانى پیرۆزبایى له‌ ئێزدییان ده‌كات

FRIDAY, 14 DECEMBER 2018 12:12:03

هه‌ولێر-KDP.info-  نێچیرڤان بارزانى سه‌رۆكوه‌زیرانى هه‌رێمى كوردستان، له‌ په‌یامێكدا جه‌ژنى "ڕۆژى یێت ئێزى" له‌ ئێزدییان پیرۆز كرد و وێڕاى پیرۆزبایى، دووپاتى كرده‌وه‌ تا ڕفێنراوێكى ئێزدى له‌ ده‌ستى داعشدا مابێت، له‌ هه‌وڵى به‌رده‌وامدا ده‌بن بۆ ڕزگاركردنیان.

 
فڕۆکە جەنگییەکانی توركیا بە چڕی شنگال بۆردوومان ده‌كه‌ن

THURSDAY, 13 DECEMBER 2018 23:12:02

شنگال-KDP.info-  فەرماندەی فەرماندەیی پێشمەرگەی شنگال ڕایگەیاند، فڕۆکە جەنگییەکانی تورکیا بە چڕێ شنگال بۆردوومان ده‌كه‌ن، به‌ڵام زیانه‌كانی بۆردوومان نه‌زانراون.

 
سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان دەكات

THURSDAY, 13 DECEMBER 2018 16:12:04

هەولێر-KDP.info-  سەرۆك بارزانی پیرۆزبایی جەژنی ڕۆژووی ئێزیدی لە خوشك و برا ئێزیدییەكان کرد و لە پەیامیدا رایگەیاند، شانازییە بۆ هەموومان كە كوردستان وڵاتی برایەتی و پێكەوەژیانە و، دەبێ بە هیممەتی هەموو لایەك ئەو برایەتی و پێكەوەژیانە قوڵتر و فراوانتر ببێت.



 
© 2018 Kurdistan Democratic Party, KDP