Kurdî  ■  كوردی  ■  عربي
SAT, 26 MAY 2018 11:07 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆکی ئەنجوومەنی پارێزگای سلێمانی بۆ عەبادی: هه‌موو لایه‌نه‌كانت نیگه‌ران و بێ هیوا كرد
| KDP.info


سلێمانی-KDP.info-  سەرۆکی ئه‌نجومه‌نی پارێزگای سلێمانی دەڵێت، حه‌یده‌ر عه‌بادی، سه‌رۆكوه‌زیرانی عێراق ڕاستگۆ نییه‌ له‌گه‌ڵ قسه‌كانی خۆیدا له‌باره‌ی مووچه‌ی فه‌رمانبه‌رانی كوردستانەوە، بۆیه‌ ئێستا‌ له‌ ناو فه‌رمانبه‌راندا ناڕه‌زایه‌تی دژی عه‌بادی ڕووی له‌ فراوانبوونه‌.

له‌ كۆنفرانسێکی ڕۆژنامه‌نووسیدا ئازاد محه‌مه‌د ئه‌مین، سه‌رۆكی ئه‌نجومه‌نی پارێزگای سلێمانی بە سەرۆکوەزیرانی عێراقی ڕاگه‌یاند: "په‌یامی ئه‌نجومه‌نی پارێزگای سلێمانیت ئاراسته‌ ده‌كه‌ین، به‌رامبه‌ر به‌و به‌ڵێنانه‌ی به‌ جووتیاران و مووچه‌خۆرانی هه‌رێمی كوردستانت دابوو له‌باره‌ی ناردنی شایسته ‌داراییه‌كانیان، به‌ڵام به‌ڵێنه‌كانتان له‌ چوارچێوه‌ی كۆنفرانسە ڕۆژنامه‌نووسییه‌كانی هه‌موو سێشه‌ممانێك تێپه‌ڕی نه‌كردووه‌."

سه‌رۆكی ئه‌نجومه‌نی پارێزگای سلێمانی بۆ عه‌بادی: "جگه‌ له‌ برسیكردن و بێئومێدكردنی خه‌ڵكی كوردستان هیچی دیكه‌تان نه‌كرد و هه‌موو لایه‌نه‌كانت نیگه‌ران و بێ هیوا كرد، ئێستا‌ ده‌نگی ناڕازی له‌ ناو فه‌رمانبه‌ران و ته‌واوی چین و توێژه‌كانی كوردستان به‌رامبه‌رتان له‌ هه‌ڵكشانه‌."

ڕێكه‌وت زه‌كی، ئه‌ندامی ئه‌نجومه‌نی پارێزگای سلێمانی له‌ فراكسیۆنی یه‌كێتی له‌سه‌ر هه‌مان پرس به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "هه‌رچه‌نده‌ حكوومه‌تی هه‌رێمی كوردستان به‌پێی ده‌ستووری عێراق ئاماده‌ی ئه‌وه ‌بووه‌ ڕێكکه‌وتن له‌گه‌ڵ حكوومه‌تی عێراق بكات له‌سه‌ر ده‌روازه‌ گومرگییه‌كان و فڕۆكه‌خانه‌كان، به‌ڵام ئه‌وه‌ حكوومه‌تی عێراقه‌، پابه‌ندی ده‌ستوور و به‌ڵێنه‌كانی خۆی نابێت، خۆی ده‌دزێته‌وه‌ له‌وه‌ی كه‌ ئه‌ركیه‌تی جێبه‌جێ بكات."

 

هێڤیار هه‌ڵه‌بجه‌یی

 

 




دوایین هەواڵەکان

وه‌زاره‌تی پێشمه‌رگه‌ هاوكارییه‌كه‌ی ئه‌مه‌ریكا به‌ گرینگ ده‌زانێت

SATURDAY, 26 MAY 2018 10:05:40

هه‌ولێر-KDP.info- ئه‌مه‌ریكا بۆ ساڵی داهاتوو نزیكه‌ی 300ملیۆن دۆلاری دیكه‌ی بۆ پێشمه‌رگه‌ ترخان كردووه‌ وه‌كو به‌رده‌وامیدان به‌ هاوكارییه‌كان، به‌رپرسێكی وه‌زاره‌تی پێشمه‌رگه‌ش به‌ گرینگی ده‌زانێت و ده‌ڵێت، ئه‌مه‌ریكا و هاوپه‌یمانان تاوه‌كو ئێستا به‌رده‌وامن له‌ هاوكاریكردن و مه‌شق و راهێنان به‌ هێزی پێشمه‌رگه‌.

 
پارتی له‌ ساڵیادی هه‌ڵگیرسانی شۆڕشی گوڵاندا: با به‌ یه‌ك ده‌نگ بڕیاری چاره‌نووسساز له‌سه‌ر ئاینده‌ی گه‌لی كورد بده‌ین

SATURDAY, 26 MAY 2018 09:05:17

هه‌ولێر-KDP.info-   به‌بۆنه‌ی (42)ه‌مین ساڵیادی هه‌ڵگیرسانی شۆڕشی گوڵانی پێشكه‌وتنخواز، پارتی ڕایده‌گه‌یێنێ، كه‌ له‌و قۆناغه‌ گرینگ و مێژووییه‌ی ئه‌مڕۆدا، ئه‌ركی سه‌رشانی هه‌مووانه‌، زه‌مینه‌ساز بن بۆ راپه‌ڕاندنی ئه‌ركه‌ مێژوویی و چاره‌نوسسازه‌كانی قۆناغه‌كه‌ و، به‌ پێویستی ده‌زانێ ''له‌سه‌ر ئاستی ناوخۆ خۆمان رێك خه‌ینه‌وه‌ و كه‌موكورتییه‌كانمان به‌ره‌و چاره‌سه‌ر ببه‌ین.'' له‌ ڕاگه‌یێندراوه‌كه‌یدا به‌و بۆنه‌وه‌ هاوكات داوا ده‌كات، هه‌موو هاوكار بن بۆ تێپه‌ڕاندنی قه‌یرانی ئابوری و به‌هێزكردنه‌وه‌ی ژێرخانی ئابووری و چاره‌سه‌ركردنی كێشه‌ی مووچه‌ و بودجه‌ و، به‌ یه‌ك ده‌نگ بڕیاری چاره‌نووسساز له‌سه‌ر ئاینده‌ی گه‌لی كورد بده‌ن.

 
ئیدارەیا شنگالێ پەیامەکا نەڕازیبوونێ ئاراستەی بەغدا و واشنتن و هەولێر و نەتەوەیێن یەکبووی دکەن

FRIDAY, 25 MAY 2018 00:05:53

شنگال-KDP.info-  پشتی نەهژمارتنا دەنگێن ئاوارەیێن شنگالێ و ئەڤێ یەکێ ژی کارڤەدانێن مەزن ل پەی خوە هشتن، و بوویە ئەگەرێ وێ یەکێ کو ئیدارەیا شنگالێ پەیامەکا نەڕازیبوونێ ئاراستەی بەغدا و واشنتن و هەولێر و نەتەوەیێین یەکبوویی بکەن.

 
"کورد مەرجی هاوبەشی و شەراکەت و هاوسەنگیی لە عێراق دەوێ"

THURSDAY, 24 MAY 2018 18:05:08

هەولێر-KDP.info- عێراقی فیدراڵ لەبەردەم تێستێکی گەورەدایە، کە ئایا کابینەی داهاتوو دەتوانێ پرەنسیپەکانی فیدڕاڵی بپارێزێ؟ ئێستا کورد مەرجەکانی خۆی لەسەر سێ بنەمای سەرەکی گەیاندوون کە ئەوانیش هاوبەشی و شەراکەت و هاوسەنگییە لە عێراقدا، چاودێرانی سیاسی دەڵێن، ئەگەر بەغدا ئەم جارە ئەم سێ بنەمایەی کوردی پێشێل کرد، ئیدی هاوسەنگیی عێراق تێک دەچێ و دەستی کورد دەکرێتەوە.

 
کاتى پێدانى چەکى پارەى گرووپى دووەمى دەرچوانى تواناسازى دیاری کرا

THURSDAY, 24 MAY 2018 18:05:06

هەولێر-KDP.info- دواى ئەوەى وەزارەتى خوێندنى باڵا و توێژینەوەى زانستى بڕیاری دا بە خەرجکردنى بڕى (652858) شەشسەد و پەنجا و دوو هەزار و هەشتسەد و پەنجا و هەشت دۆلارى ئەمریکى، وەک لیستى (2)ى ساڵى (٢٠١٨)ى تایبەت بە گرووپى دووەمى دەرچوانى تواناسازى، کە (5٤) دەرچووى تواناسازى لێى سوودمەند دەبن، ئێستا وەزارەتى خوێندنى باڵا کاتى دابەشکردنى چەکەکان دیاری دەکات.

 


 
© 2018 Kurdistan Democratic Party, KDP