Kurdî  ■  كوردی  ■  عربي
WED, 21 NOV 2018 01:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حەشدی شەعبی هەڵدەكوتنە سەر ماڵی كوردان لە كەركووك
| KDP.info


 

كەركووك-KDP.info-  هێزەكانی حەشدی شەعبی گەڕان و پشكنینی گەڕەك و ماڵە كوردییەكانیان لە كەركووك چڕ كردووەتەوە و، كوردیان لەو شارە هەراسان كردووە.

دیاری حوسێن، جێگری لێپرسراوی ئەنجوومەنی سەركردایەتیی پارتی دیموکراتی کوردستان، ڕاگەیاند، "بە بەردەوامی هێزەكانی حەشدی شەعبی ماڵە كوردەكان لە كەركووك دەپشكنن و، بیانوو بە هاووڵاتیانی كورد دەگرن، تاوەكوو ناچاریان بكەن شارەكەیان جێ بهێڵن و ماڵە عەرەب لە شوێنیان نیشتەجێ بكەن."

لە دوای داگیركردنی كەركووك و خورماتوو لە 16ـی ئۆكتۆبەری ساڵی ڕابردوو لەلایەن حەشدی شەعبی و سوپای عێراق بە ڕێبەرایەتیی ئێران و باڵێكی حزبێكی كوردی، هاووڵاتیانی كورد لە ترسی كوشتن و لەناوبردنیان ناوچاكانیان جێ هێشتووە، ئەوانەیشی ماونەتەوە، لەلایەن هێزە داگیركارەكانەوە هەراسان كراون.

دیاری حوسێن بۆ ماڵپەڕی فەرمیی پارتی دیموكراتی كوردستان گوتیشی، "ئەو هێزانەی حەشدی شەعبی بە ناوی بوونی چەك و چەكدارەوە، ماڵی كوردەكان دەپشكنن كە قسەكانیان هیچ بنەمایەكی نییە و، تەنها بۆ ئەوەیە پاڵەپەستۆ لەسەر كورد لەو شارە دروست بكەن، لەگەڵ ئەوەیشدا ماڵەكان دەپشكنن و، ئەو ماڵانەی ئاڵتوون و شتی بەنرخیان هەبێت، لێیان دەدزن."

هێڤیار هەڵەبجەیی




دوایین هەواڵەکان

باڵیۆزی فەرەنسا پیرۆزبایی لە فوئاد حوسێن کرد

TUESDAY, 20 NOVEMBER 2018 19:11:27

بەغدا-KDP.info-  باڵیۆزی فەڕەنسا لە بەغدا لەگەڵ د.فوئاد حوسێن جێگری سەرۆکوەزیران و وەزیری دارایی عێراق، کۆبوویەوە و پیرۆزبایی دەستبەکاربوونی لێ کرد.

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.



 
© 2018 Kurdistan Democratic Party, KDP