Kurdî  ■  كوردی  ■  عربي
WED, 21 NOV 2018 01:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هەولێر بۆ پاریس گرینگە
| KDP.info


 

هەولێر-KDP.info-  بە هاتنی ژان ئیڤ لو دریان، وەزیری دەرەوەی فەرەنسا، بۆ هەولێری پایتەختی هەرێمی کوردستان، جارێکی دیکە فەرەنسا دووپاتی کردەوە، هەولێر بۆ پاریس گرینگە و دەیەوێت ئەم پایتەختە بە بەهێزی بمێنێتەوە.

لو دریان، لە سەردانەکەیدا بۆ هەولێر لەگەڵ نێچیرڤان بارزانی، سەرۆکوەزیرانی هەرێمی کوردستان کۆبووەوە و تاووتوی پەیوەندییەکانی نێوان هەولێر و پاریس لەلایەک و لەلایەکی دیکەشەوە، هەولێر و بەغدایان کرد.

دکتۆر فرێدریک تیسۆ، کۆنسووڵی پێشووی فەرەنسا لە هەولێر لەمبارەیەوە دەڵێ "ئەم سەردانە زۆر گرینگە، چونکە گشتپرسییەکە و هێرشەکەی سەر کەرکووکم لەبیرە، زۆر ناڕەحەتکەر بوون، ئەوکاتە سەرۆک ماکرۆن لەگەڵ حکوومەتی عێراق و کوردستان قسەی کرد و داوای لێکردن چارەسەرێک بدۆزنەوە، چونکە هەرێمی کوردستان بەپێی دەستوور هەرێمێکی عێراقە و، بە دڵنیاییشەوە دەبێت هەموو سیاسەتمەدارانی عێراق رێز لە دەستوور بگرن".

لە دیتی شارەزایان، ئەم سەردانەی وەزیری دەرەوەی فەرەنسا بۆ هەولێر دەرخەری ئەوەیە، رۆژئاوا بۆچوونی وایە هەولێر هۆکاری سەقامگیرییە لە عێراق، بۆیە نایانەوێت لە بەرانبەر بەغدا و حەشدی شەعبی، هەولێرێکی لاواز لە ناوچەکەدا هەبێت.

د.عادل باخەوان، مامۆستای زانکۆ دەڵێ "دیپلۆماتکاران و تایبەتمەندان لە کاروباری عێراق پێیان وایە ئەورووپا بە گشتی و فەرەنسا بەتایبەتی، هیچ چارەسەرێکی دیکەیان نییە جگە لە ئاساییکردنەوەی پەیوەندیی هەولێر لە بەرانبەر بەغدا."
د.عادل باخەوان جەخت دەکاتەوە لەوەی "بەغدای حەشدی شەعبی و کۆمەڵگەی سوننی هەڵوەشاوە، بە هیچ شێوەیەک ناتوانن زەمانەتی ئاساییش و سەقامگیری بکەن لە عێراق، وەکو ئەوەی کورد دەتوانێت بیکات و بەرژەوەندییەکانی رۆژئاوا بپارێزێت".

ئەمە جاری یەکەم نییە ژان ئیڤ لو دریان سەردانی هەولێر دەکات، تاوەکو ئێستا چەندین جاری دیکە هاتووەتە هەولێر و، لە کاتی شەڕی دژی داعشیش سەردانی هەولێری کردووە و بەرەکانی پێشمەرگەی بەسەر کردووەتەوە.

دوای کۆتاییهاتنی شەڕی داعش، لو دریان کە بە سەردانێک لە هەولێر بوو، ئەو رایگەیاند، ئەوان هەم لە کاتی شەڕ و هەمیش لە کاتی ئاشتیدا پشتیوانی لە هەرێمی کوردستان دەکەن.

هاوکات فەرەنسا و، خودی ئیمانوێل ماکرۆن، سەرۆککۆماری ئەو وڵاتە رۆڵێکی گرینگیان لە شکاندنی گەمارۆ دیپلۆماسییەکانی سەر هەولێر بینیوە و یەکەمین دیداری سەرۆکوەزیرانی هەرێمی کوردستانیش لەگەڵ بەرپرسانی دەرەوە، لە دوای سەپاندنی گەمارۆکان بەسەر هەولێر لەگەڵ ئیمانوێل ماکرۆن، لە کۆشکی سەرۆکایەتیی فەرەنسا (ئێلیزێ) بوو.

لە ڕووداوەوە




دوایین هەواڵەکان

باڵیۆزی فەرەنسا پیرۆزبایی لە فوئاد حوسێن کرد

TUESDAY, 20 NOVEMBER 2018 19:11:27

بەغدا-KDP.info-  باڵیۆزی فەڕەنسا لە بەغدا لەگەڵ د.فوئاد حوسێن جێگری سەرۆکوەزیران و وەزیری دارایی عێراق، کۆبوویەوە و پیرۆزبایی دەستبەکاربوونی لێ کرد.

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.



 
© 2018 Kurdistan Democratic Party, KDP