Kurdî  ■  كوردی  ■  عربي
WED, 21 NOV 2018 01:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی، سەرەخۆشی لە خانه‌واده‌ی نیشتمانپه‌روه‌ر نه‌جمه‌دین یووسفی دەکات
| KDP.info


 

 

هەولێر-KDP.info-  مه‌كته‌بی سیاسیی پارتی دیموكراتی كوردستان، لە پەیامێکدا سەرەخۆشی لە كه‌سایه‌تیی تێكۆشه‌ر و نیشتمانپه‌روه‌ر (نه‌جمه‌دین یووسفی) دەکات و ڕایدەگەیەنێ کە، كه‌سایه‌تییه‌كی خاوه‌ن هه‌ڵوێست و وه‌فادار بووە به‌رامبه‌ر رێبازی بارزانیی نه‌مر و كاروانی شۆڕش و خه‌باتی رزگاریخوازی گه‌لی كورد، له‌ چه‌ند ساڵی رابردوویشدا خزمه‌تێكی به‌رچاوی پێشكه‌ش به‌ چه‌ندین خانه‌واده‌ی سەربەرزی شه‌هیدان و پێشمه‌رگه‌ بریندار و په‌ككه‌وته‌كانی شه‌ڕی رووبه‌ڕووبوونه‌وه‌ی تیرۆریستانی داعش كردووه‌. به‌داخه‌وه‌ له‌ده‌ستدانی زیانێكی گه‌وره ‌بوو.

دەقی پەیامەکە:

به‌ڕێزان خانه‌واده‌ی كه‌سایه‌تیی نیشتمانپه‌روه‌ر و هه‌ڤاڵی تێكۆشه‌ر(نه‌جمه‌دین یووسفی)
  
به‌ داخ و په‌ژاره‌یه‌كی زۆره‌وه‌ هه‌واڵی كۆچی دواییی كه‌سایه‌تیی تێكۆشه‌ر و ناودار و كادیر و سه‌ركرده‌ی دڵسۆزی رێبازی پارتی و بارزانی (نه‌جمه‌دین یووسفی)مان پێگه‌یشت، به‌و بۆنه‌ خه‌مناكه‌وه‌ پرسه‌ و سه‌ره‌خۆشیی خۆمان ئاراسته‌ی به‌ڕێزتان و تێكڕای كه‌سوكاری خوالێخۆشبوو و هه‌ڤاڵانی پارتیمان ده‌كه‌ین، خۆمان به‌ هاوبه‌شی خه‌متان ده‌زانین و ئومێده‌وارین خوای گه‌وره‌ سه‌بر و ئارامی و دڵنه‌وایی به‌ ئێوه‌ و هه‌موو لایه‌ك ببه‌خشێ.

  نه‌جمه‌دین یووسفی له ‌ساڵی 1957 له‌ شاری به‌غدا په‌یوه‌ندی به‌ پارتیمانه‌وه‌ ده‌كات و، دواتر له‌ سەرەتاکانی هەڵگیرسانی شۆڕی مەزنی ئەیلوول ده‌چێته‌ ناو ریزه‌كانی شۆڕش وه‌كو پێشمه‌رگه‌ و کادیرێکی بوێر، له‌به‌ر لێهاتوویی ده‌كرێته‌ ئه‌ندامی ناوچه‌ و دواتر له‌ ساڵی 1963 به‌رپرسیاره‌تیی لیژنه‌ی ناوچه‌ی ئامێدی پێده‌سپێردرێت و، پاشانیش ده‌بێته‌ كارگێڕی لقی یه‌كی پارتیمان.

هه‌ڤاڵی خوالێخۆشبوو له‌ ساڵی 1979 وه‌كو ئه‌ندامی كۆمیته‌ی ناوه‌ندی پارتیمان ده‌ستنیشان ده‌كرێت و  به‌رپرسیارەتیی  لقی یه‌ك وەردەگرێت. جیا لەوە له‌ ساڵانی هه‌شتاكان چه‌ندین ئه‌رك و به‌رپرسیاره‌تی له‌ ده‌ڤه‌ره‌كانی خرێنه‌ و لۆلان و شنۆ و دۆڵی بالیسان و سنووری لقی دووی پارتیمان، به‌وپه‌ڕی لێهاتوویی و دڵسۆزییه‌وه‌ راده‌په‌ڕێنێت.

خوالێخۆشبوو، كه‌سایه‌تییه‌كی خاوه‌ن هه‌ڵوێست و وه‌فادار بوو به‌رامبه‌ر رێبازی بارزانیی نه‌مر و كاروانی شۆڕش و خه‌باتی رزگاریخوازی گه‌لی كورد، له‌و پێناوه‌شدا له‌ خزمه‌ت و تێكۆشان به‌رده‌وام بوو، له‌ چه‌ند ساڵی رابردوویشدا خزمه‌تێكی به‌رچاوی پێشكه‌ش به‌ چه‌ندین خانه‌واده‌ی سەربەرزی شه‌هیدان و پێشمه‌رگه‌ بریندار و په‌ككه‌وته‌كانی شه‌ڕی رووبه‌ڕووبوونه‌وه‌ی تیرۆریستانی داعش كردووه‌. به‌داخه‌وه‌ له‌ده‌ستدانی زیانێكی گه‌وره ‌بوو.

جارێكی دیكه‌ سه‌ره‌خۆشی له‌ خۆمان و ئێوه‌ و تەواوی بنه‌ماڵه‌ی هه‌ڤاڵی كۆچكردومان ده‌كه‌ین و، داواكارین له‌ خوای گه‌وره‌ به‌ به‌هه‌شتی به‌رین شاد بكات.

انالله وانا الیه‌ راجعون

مه‌كته‌بی سیاسیی پارتی دیموكراتی كوردستان




دوایین هەواڵەکان

باڵیۆزی فەرەنسا پیرۆزبایی لە فوئاد حوسێن کرد

TUESDAY, 20 NOVEMBER 2018 19:11:27

بەغدا-KDP.info-  باڵیۆزی فەڕەنسا لە بەغدا لەگەڵ د.فوئاد حوسێن جێگری سەرۆکوەزیران و وەزیری دارایی عێراق، کۆبوویەوە و پیرۆزبایی دەستبەکاربوونی لێ کرد.

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.



 
© 2018 Kurdistan Democratic Party, KDP