Kurdî  ■  كوردی  ■  عربي
WED, 21 NOV 2018 01:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فه‌ڕه‌نسا پشتگیرى له‌ چاره‌كردنى كێشه‌كانى نێوان هه‌ولێر و به‌غدا ده‌كات
| KDP.info


 

هه‌ولێر-KDP.info-  وه‌زیری ده‌ره‌وه‌ی فه‌ڕه‌نسا پشتگیریی وڵاته‌كه‌ى و سه‌رۆك ماكرۆنی بۆ چاره‌كردنی كێشه‌كانی هه‌ولێر و به‌غدا له‌سه‌ر بنه‌مای ده‌ستووری عێراق دووپات كرده‌وه‌، هیوایشی خواست ئه‌و گفتوگۆیانه‌ی له‌نێوان حكوومه‌تى هه‌رێمی كوردستان و حكوومه‌تی عێراقی فیدراڵدا ده‌ستیان پێكردووه‌، ئه‌نجامێكی باشیان لێ بكه‌و‌ێته‌وه‌ و ببنه‌ هۆی ده‌ستپێكردنی دانوستانێكى جیددی بۆ چاره‌كردنی ته‌واوی كێشه‌كانی نێوان هه‌ردوولا، هه‌روه‌ها ڕایگه‌یاند فه‌ڕه‌نسا هاوكار ده‌بێت و هه‌ردوولا هان ده‌دات بگه‌نه‌ چاره‌سه‌ر.

دوای ئه‌وه‌ى به‌ سه‌ردانێك گه‌یشته‌ هه‌ولێری پایته‌ختی باشووری كوردستان، ئێواره‌ى ئه‌مڕۆ دووشه‌ممه‌ 12/2/2018، ژان ئیڤ لۆدریان، وه‌زیری ده‌ره‌وه‌ی فه‌ڕه‌نسا و شاندێكى یاوه‌رى كه‌ له‌ وه‌زاره‌تى ده‌ره‌وه‌ و باڵیۆزخانه‌ى فه‌ڕه‌نسا له‌ به‌غدا و كۆنسووڵخانه‌ى گشتیى فه‌ڕه‌نسا له‌ هه‌ولێر پێكهاتبوو، له‌گه‌ڵ نێچیرڤان بارزانی سه‌رۆكوه‌زیرانی هه‌رێمی كوردستان كۆ بوونه‌وه‌.

 

له‌ كۆبوونه‌وه‌كه‌دا كه‌ قوباد تاڵه‌بانی جێگری سه‌رۆكوه‌زیران و شاندێكی باڵای حكوومه‌تی هه‌رێمی كوردستان ئاماده‌ی بوون، دواپێشهاته‌كانی گفتوگۆی لیژنه‌ ته‌كنیكییه‌كانى نێوان هه‌ولێر و به‌غدا كه‌ بۆ چه‌ند دۆسیایه‌ك دروست كراون، تاووتو كران و تیشك خرایه‌ سه‌ر دواكار و هه‌نگاوه‌كانی ئه‌و لیژنانه و دیدار و كۆبوونه‌وه‌كانى هه‌ردوو سه‌رۆكوه‌زیران نێچیرڤان بارزانى و حه‌یده‌ر عه‌بادى له‌ به‌غدا و داڤۆس‌.
هاوكات هه‌ردوولا هیوایان خواست ئه‌م كه‌ناڵه‌ی بۆ گفتوگۆ كراوه‌ته‌وه،‌ به‌ ئه‌نجامێكی ئه‌رێنی بگات و ببێته‌ هۆی ده‌ستپێكردنی دانوستانێكی سیاسی بۆ چاره‌سه‌ركردنى كێشه‌كان.

نێچیرڤان بارزانی وێڕای ده‌ربڕینی خۆشحاڵی به‌ سه‌ردانی وه‌زیری ده‌ره‌وه‌ی فه‌ڕه‌نسا، دووباره‌ سوپاسی سه‌رۆك ماكرۆنى كرد كه‌ دوای ئاڵۆزییه‌كانی ئۆكتۆبه‌ری ڕابردوو بۆ یه‌كه‌مجار له‌ پاریس پێشوازی له‌ شاندی باڵای هه‌رێمی كوردستان كرد و، ئه‌و ئابڵۆقه‌ سیاسی و دیپلۆماسیه‌ی شكاند كه‌ به‌سه‌ر هه‌رێمی كوردستاندا سه‌پێنرابوو، پێزانینی گه‌ل و حكوومه‌تی هه‌رێمی كوردستانیشی بۆ ئه‌و هه‌وڵانه‌ی فه‌ڕه‌نسا و به‌تایبه‌تی هه‌وڵه‌كانی سه‌رۆك ماكرۆن دووپات كرده‌وه‌ و ڕایگه‌یاند گه‌لی كوردستان پشتگیرى و هاوكارییه‌كانی فه‌‌ڕه‌نسا له‌یاد ناكات و به‌ چاوی ڕێز و پێزانینه‌وه‌ لێی ده‌ڕوانێت.

تاووتوكردنى دۆخی ناوچه‌كه، پرۆسه‌ی سیاسی له‌ عێراق، هه‌ڵبژاردنه‌كانی داهاتوو له‌ عێراق و هه‌رێمی كوردستان، قۆناغی دوای داعش، كۆنفرانسی ئاوه‌دانكردنه‌وه‌ی عێراق كه‌ له‌ كوێت به‌ڕێوه‌ ده‌چێت و گرینگیی به‌شداریی حكوومه‌تی هه‌رێمی كوردستان له‌ كۆنفرانسه‌كه‌دا و، هه‌وڵدان بۆ سوودمه‌ندبوون له‌ هاوكارى و پڕۆژه‌كانى، لایه‌نێكی دیكه‌ی كۆبوونه‌وه‌كه‌ بوو.


 




دوایین هەواڵەکان

باڵیۆزی فەرەنسا پیرۆزبایی لە فوئاد حوسێن کرد

TUESDAY, 20 NOVEMBER 2018 19:11:27

بەغدا-KDP.info-  باڵیۆزی فەڕەنسا لە بەغدا لەگەڵ د.فوئاد حوسێن جێگری سەرۆکوەزیران و وەزیری دارایی عێراق، کۆبوویەوە و پیرۆزبایی دەستبەکاربوونی لێ کرد.

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.



 
© 2018 Kurdistan Democratic Party, KDP