Kurdî  ■  كوردی  ■  عربي
FRI, 22 FEB 2019 08:14 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆکی کانتۆنی عەفرین: هاتنی شاندی پەرلەمان هەنگاوێکی مێژووییە
| KDP.info


 

دهۆک-KDP.info-   شاندێکی پەرلەمانی کوردستان کە لە پێنچ پەرلەمانتار لە فراکسیۆنە جیاوازەکان پێک هاتووه‌، گەیشتنە عەفرین و هاوسەرۆکی کانتۆنی عەفرینیش، چوونی شاندەکە بۆ عەفرین بە هەنگاوێکی مێژوویی ناو برد.

هاوسەرۆکی کانتۆنی عەفرین هیڤی مستەفا، بە ماڵپەڕی فەرمیی پارتی دیموکراتی کوردستانی گوت: ''هاتنی ئەو شاندە بۆ کانتۆنی عەفرین لەم کاتە نەخۆشەدا، هەنگاوێکی پیرۆزە و پشتگرییەکی مەعنەوییە بۆ ئێمە، چونکە ئێستا ئێمەش بە هەموو شێوەیەک تێکۆشانی خۆمان دەکەین و ئەوەش دەبێتە پشتگیرییەک، کە زیاتر پارێزگاری لە شارەکەمان بکەین."

ئەو دەڵێت: "کورد وایە، لە هەر جێگایەک بن هەست بە ئازارەکانی یەکتری دەکەن. ئێمەش لێرەوە سڵاو بۆ تەواوی گەلی کورد لە باشوور دەنێرین بۆ ئەو پشتگیرییەی کە لە ئێمەی دەکەن.''

لە ٢٠-١-٢٠١٨ هێزەکانی تورکیا لەسەر سنوورەوە تۆپبارانی شاری عەفرین دەکەن و دەیانەوێ بچنە نێو شار، کەچی تا ئێستا به‌رگریێكی سه‌خت لەو شارە هه‌یه‌. به‌ هۆی هه‌وڵی داگیركاریی سوپای توركیا و هێزه‌ چه‌كداره‌كانی سووریا كه‌ له‌ژێر فه‌رنانی توه‌كیادان، سه‌دان کوژراو و بریندار لە هەردوولا هەنە و، زیاتر لە ٤٠٠ هاووڵاتی سڤیلیش بوونەتە قوربانی.

هاوکات عەلی هاڵۆ، ئەندامی پەرلەمانی کوردستان و ئەندامانی شاندی پەرلەمان بۆ عەفرین بە ماڵپەری فەرمیی پارتی دیموکراتی کوردستانی گوت: ''بۆ پشتگیریی شاری عەفرین چووین و ده‌واودەرمانیشمان لەگەڵ خۆمان بردووە. لە ئێستایشدا خەریکی ئامادەکردنی ڕاپۆرتێکین لەسەر شاری عەفرین، بۆ ئەوەی گفتوکۆ لەسەر ئەو ڕاپۆرتە بکەین و ئەو ناوچانەی زیانیان بەرکەوتووە."

لە ١٠ی ئەم مانگەدا شاندی پەرلەمانی کوردستان سەردانی شاری عەفرینیان کرد، شاندەکەی پەرلەمانی كوردستان پێكهاتبوو لە عەلی هالۆ، عەباس فەتاح، شێركۆ حەمەئەمین، ئەبوكاروان و سوهراب میكایل، بە نوێنەرایەتیی پەرلەمانی كوردستان بەرەو ڕۆژئاوای كوردستان بەرێ كەوتن.

کــاروان باعەدری

 




دوایین هەواڵەکان

سەرۆك بارزانی پێشوازی لە باڵیۆزی كۆماری ئیسلامیی ئێران لە بەغدا دەكات

THURSDAY, 21 FEBRUARY 2019 16:02:47

هەولێر-KDP.info-  ڕۆژی پێنجشەممە ٢١ـی ٢ـی ٢٠١٩ لە سەلاحەددین سەرۆك مەسعوود بارزانی پێشوازی لە ئیرەج مەسجدی باڵیۆزی كۆماری ئیسلامیی ئێران لە بەغدا و شاندێكی یاوەری كرد كە پێكهاتبوو لە كونسوڵەكانی كۆماری ئیسلامیی ئێران لە هەولێر و سلێمانی و كەربەلا و نەجەف.

مه‌سروور بارزانی پێشوازی لە سەرۆكی دەزگای مەدا بۆ ڕاگەیاندن و ڕۆشنبیری و ھونەر كرد

THURSDAY, 21 FEBRUARY 2019 16:02:14

هەولێر-KDP.info-  ئه‌مڕۆ پێنج شەممە ٢١/٢/٢٠١٩ مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان پێشوازی لە فەخری كەریم، سەرۆكی دەزگای مەدا بۆ ڕاگەیاندن و ڕۆشنبیری و ھونەر كرد.

"لە مەخموور داعش ھێرشی کردە سەر گوندێک"

THURSDAY, 21 FEBRUARY 2019 15:02:16

مەخموور-KDP.info-  چەکدارانی داعش لە سنووری قەزای مەخموور ھێرشیان کردە سەر دانیشووانی گوندێکی ناوچەکە و بەرپرسێکی پارتییش لە مەخموور ئاشکرای کرد، بڕیارە پێشمەرگە بگەڕێتەوە ئەو شوێنانەی مەترسییان لەسەرە تا داعش کەڵک لەو بۆشاییە ئەمنییە وەرنەگرێت کە سوپای عێراق توانای کۆنتڕۆڵکردنی نییە.

 
د. بەشیر حەداد داوای ڕوونكردنەوە لە ئەنجومەنی باڵای دادوەریی عێراق دەكات

THURSDAY, 21 FEBRUARY 2019 15:02:52

بەغدا-KDP.info-  لەسەر لادانی زمانی كوردی لە لۆگۆ نوێیەكەیان، د. بشیر حەداد، جێگری سەرۆكی ئەنجومەنی نوێنەرانی عێراق داوای ڕوونكردنەوە لە ئەنجومەنی باڵای دادوەریی عێراق دەكات.

 
شاندێكی پارتە سیاسییەكانی یۆنان سەردانی مەکتەبی پێوەندییەکانی دەرەوەی پارتیی کرد

THURSDAY, 21 FEBRUARY 2019 15:02:26

هەولێر-KDP.info-  سەرۆكی شاندەکە بە ناوی شاندەوە سوپاسی بەرپرسی پەیوەندییەكانی دەرەوەی كرد بۆ ئەم پێشوازییە و ڕایگەیاند كە گەلی یۆنان و هەردوو پارتی گەل و نیودیموكراتی یۆنان ڕێز لە خەبات و داخوازییەكانی گەلی كوردستان دەگرن.

 


 
© 2018 Kurdistan Democratic Party, KDP