Kurdî  ■  كوردی  ■  عربي
SAT, 26 MAY 2018 10:59 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کەرەم: تا دووشەممەی دابێ بەغدا دەرفەتی هەیە
| KDP.info


ەغدا-KDP.info- سەرۆکی فراکسیۆنی پارتی دیموکراتی کوردستان لە پەرلەمانی عێراق گوتی، ئێمە شێوازی ناڕەزایەتیی خۆمان لەبارەی پڕۆژەیاسای بودجە دەگۆڕین و بەشداری کۆبوونەوەکان دەکەین و ڕێگە نادەین بودجە پەسەند بکرێت، ئەمەش وا دەکات حکوومەتی عێراق لە کۆنفرانسی کوێت بۆ ئاوەدانکردنەوەی عێراق زیانی زۆری بەرکەوێت.

حکوومەتی عێراق بەڵێنی بە کورد دابوو، کە داواکاریی کورد لە پڕۆژەیاسای بودجە جێبەجێ بکات و لیژنەیەک لە نوێنەرانی کورد لە لیژنەی دارایی پێک ھێندرا بۆ ئەوەی لەگەڵ وەزارەتی دارایی لەبارەی پشکی کورد لە بودجە ڕێککەوتن بکەن، بەڵام بریکاری وەزیری دارایی ئامادە نەبوو پێشوازی لە لیژنەکە بکات و کوردیش لە پەرلەمان ڕێگەی نەدا خوێندنەوەی دووەم بۆ بودجە بکرێت، بۆیە سەرۆکایەتیی پەرلەمان کۆبوونەوەی بۆ حەفتەی داھاتوو دواخست.

لەمبارەیەوە سەرۆکی فراکسیۆنی پارتی دیموکراتی کوردستان لە پەرلەمانی عێراق، عەرەفات کەرەم، بە ماڵپەری فەرمیی پارتی دیموکراتی کوردستانی ڕاگەیاند: "ئێمە شێوازی نارەزایەتیی خۆمان لەبارەی پڕۆژەیاسای بودجە گۆڕیووە و، بەشداری لە کۆبوونەوەکان لەبارەی پڕۆژەیاسای بودجەوە دەکەین و ڕێگەش نادەین گفتوگۆی لەبارەوە بکرێت و ڕێگریی لێ دەکەین، تاوەکو داواکاریی ئێمە جێبەجێ دەکرێت، یان نابێت ئەو پڕۆژەیاسایە تێپەرێندرێت."

عەرەفات کەرەم  گوتی: "لە کۆبوونەوەی ڕابردوودا داوامان لە سەرۆکی پەرلەمان کرد خوێندنەوەی دووەم بۆ پڕۆژەیاسای بودجە نەکرێت، بەڵام گوێی لێ نەگرتین، بۆیە ئێمەش ڕێگەمان نەدا خوێندنەوە بۆ بودجە بکرێت، چونکە عەبادی خاوەن بەڵێنی خۆی نەبووە لە جێبەجێکردنی دواکاریی ئێمە."

کەرەم گوتیشی: "بڕیارە ڕۆژی یەکشەممەی دابێ درێژە بە کۆبوونەوەی دووشەممەی ڕابردوو بدرێت لەبارەی پڕۆژەیاسای بودجە و ڕۆژی دووشەمەی داھاتووش کۆنفرانسی کوێت لەبارەی ئاوەدانکردنەوەی عێراقەوە ئەنجام دەدرێت، بۆیە ئەگەر دواکاریی کورد جێبەجێ نەکرێت و تا ئەوکاتەی پڕۆژەیاسای بودجە پەسەند نەکرێت حکوومەتی عێراق و سەرۆکوەزیرانی عێراق، حەیدەر عەبادی، ڕووبەڕووی ڕەخنەی زۆری وڵاتان دەبنەوە و زیانی زۆریش دەکەن و کۆنگرەکەش وەکو پێویست سەرکەوتوو نابێت، چونکە کورد پێکھاتەیەکی سەرەکییە لە عێراق و ناکرێت پشتگوێ بخرێت و پڕۆژەیاسای بودجەش پەسەند ناکرێت."

بڕیارە ١٢ی ئەم مانگە لە کوێت کۆنفرانسی ئاوەدانکردنەوەی عێراق بەڕێوە بچێت و تا ١٤ی مانگ بەردەوام دەبێت و چەندین وڵاتی ھەرێمی و نێودەوڵەتی بەشداریی تێدا دەکەن و کۆمەک و ھاوکاری بۆ عێراق کۆ دەکرێتەوە.

 

بڵند ئیبراھیم

 


 




دوایین هەواڵەکان

وه‌زاره‌تی پێشمه‌رگه‌ هاوكارییه‌كه‌ی ئه‌مه‌ریكا به‌ گرینگ ده‌زانێت

SATURDAY, 26 MAY 2018 10:05:40

هه‌ولێر-KDP.info- ئه‌مه‌ریكا بۆ ساڵی داهاتوو نزیكه‌ی 300ملیۆن دۆلاری دیكه‌ی بۆ پێشمه‌رگه‌ ترخان كردووه‌ وه‌كو به‌رده‌وامیدان به‌ هاوكارییه‌كان، به‌رپرسێكی وه‌زاره‌تی پێشمه‌رگه‌ش به‌ گرینگی ده‌زانێت و ده‌ڵێت، ئه‌مه‌ریكا و هاوپه‌یمانان تاوه‌كو ئێستا به‌رده‌وامن له‌ هاوكاریكردن و مه‌شق و راهێنان به‌ هێزی پێشمه‌رگه‌.

 
پارتی له‌ ساڵیادی هه‌ڵگیرسانی شۆڕشی گوڵاندا: با به‌ یه‌ك ده‌نگ بڕیاری چاره‌نووسساز له‌سه‌ر ئاینده‌ی گه‌لی كورد بده‌ین

SATURDAY, 26 MAY 2018 09:05:17

هه‌ولێر-KDP.info-   به‌بۆنه‌ی (42)ه‌مین ساڵیادی هه‌ڵگیرسانی شۆڕشی گوڵانی پێشكه‌وتنخواز، پارتی ڕایده‌گه‌یێنێ، كه‌ له‌و قۆناغه‌ گرینگ و مێژووییه‌ی ئه‌مڕۆدا، ئه‌ركی سه‌رشانی هه‌مووانه‌، زه‌مینه‌ساز بن بۆ راپه‌ڕاندنی ئه‌ركه‌ مێژوویی و چاره‌نوسسازه‌كانی قۆناغه‌كه‌ و، به‌ پێویستی ده‌زانێ ''له‌سه‌ر ئاستی ناوخۆ خۆمان رێك خه‌ینه‌وه‌ و كه‌موكورتییه‌كانمان به‌ره‌و چاره‌سه‌ر ببه‌ین.'' له‌ ڕاگه‌یێندراوه‌كه‌یدا به‌و بۆنه‌وه‌ هاوكات داوا ده‌كات، هه‌موو هاوكار بن بۆ تێپه‌ڕاندنی قه‌یرانی ئابوری و به‌هێزكردنه‌وه‌ی ژێرخانی ئابووری و چاره‌سه‌ركردنی كێشه‌ی مووچه‌ و بودجه‌ و، به‌ یه‌ك ده‌نگ بڕیاری چاره‌نووسساز له‌سه‌ر ئاینده‌ی گه‌لی كورد بده‌ن.

 
ئیدارەیا شنگالێ پەیامەکا نەڕازیبوونێ ئاراستەی بەغدا و واشنتن و هەولێر و نەتەوەیێن یەکبووی دکەن

FRIDAY, 25 MAY 2018 00:05:53

شنگال-KDP.info-  پشتی نەهژمارتنا دەنگێن ئاوارەیێن شنگالێ و ئەڤێ یەکێ ژی کارڤەدانێن مەزن ل پەی خوە هشتن، و بوویە ئەگەرێ وێ یەکێ کو ئیدارەیا شنگالێ پەیامەکا نەڕازیبوونێ ئاراستەی بەغدا و واشنتن و هەولێر و نەتەوەیێین یەکبوویی بکەن.

 
"کورد مەرجی هاوبەشی و شەراکەت و هاوسەنگیی لە عێراق دەوێ"

THURSDAY, 24 MAY 2018 18:05:08

هەولێر-KDP.info- عێراقی فیدراڵ لەبەردەم تێستێکی گەورەدایە، کە ئایا کابینەی داهاتوو دەتوانێ پرەنسیپەکانی فیدڕاڵی بپارێزێ؟ ئێستا کورد مەرجەکانی خۆی لەسەر سێ بنەمای سەرەکی گەیاندوون کە ئەوانیش هاوبەشی و شەراکەت و هاوسەنگییە لە عێراقدا، چاودێرانی سیاسی دەڵێن، ئەگەر بەغدا ئەم جارە ئەم سێ بنەمایەی کوردی پێشێل کرد، ئیدی هاوسەنگیی عێراق تێک دەچێ و دەستی کورد دەکرێتەوە.

 
کاتى پێدانى چەکى پارەى گرووپى دووەمى دەرچوانى تواناسازى دیاری کرا

THURSDAY, 24 MAY 2018 18:05:06

هەولێر-KDP.info- دواى ئەوەى وەزارەتى خوێندنى باڵا و توێژینەوەى زانستى بڕیاری دا بە خەرجکردنى بڕى (652858) شەشسەد و پەنجا و دوو هەزار و هەشتسەد و پەنجا و هەشت دۆلارى ئەمریکى، وەک لیستى (2)ى ساڵى (٢٠١٨)ى تایبەت بە گرووپى دووەمى دەرچوانى تواناسازى، کە (5٤) دەرچووى تواناسازى لێى سوودمەند دەبن، ئێستا وەزارەتى خوێندنى باڵا کاتى دابەشکردنى چەکەکان دیاری دەکات.

 


 
© 2018 Kurdistan Democratic Party, KDP