Kurdî  ■  كوردی  ■  عربي
FRI, 22 FEB 2019 08:14 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

جووڵاندنی ھێزێکی پێشمەرگە بەرەو کەرکووک، ڕه‌ت كرایه‌وه‌
| KDP.info


 

هەولێر-KDP.info-  ماوەی دوو ڕۆژە لە ھەندێ دەزگەی ڕاگەیاندنی نێوخۆیی و عەرەبی باس لە جووڵاندنی ھێزی پێشمەرگە بەرەو کەرکووک دەکرێت، بەرپرسێکی باڵای وەزارەتی پێشمەرگەش ڕەتی کردەوە ھیچ جووڵەیەکی ھێز ھەبێت بەرەو کەرکووک و دەشڵێ، تەنیا ھێزەکانمان ئاڵوگۆڕ کردووە.

 

ئەرشەد ساڵحی، سەرۆکی بەرەی تورکمانی لە کەرکووک لە کۆنگرەیەکی ڕۆژنامەوانیدا ئاماژەی بۆ ئەوە کرد: "ھێزی پێشمەرگە بەرەو کەرکووک جووڵەی پێ کراوە و لەسەر ئەو ھەنگاوەی پێشمەرگە نووسینگەی سەرۆکوەزیرانی عێراق ئاگادار کراوەتەوە، تا جووڵەی پێشمەرگە بەرەو کەرکووک بوەستێندرێت."

 

لەبەرامبەر ھەموو ئەو دەنگویانەی دوو ڕۆژە لەبارەی ھێزی پێشمەرگە لە کەرکووک دەکرێت، لیوا قارەمان کەمال، جێگری سەرۆکئەرکانی ھێزەکانی پێشمەرگە بە ماڵپەڕی فەرمیی پارتی دیموکراتی کوردستانی ڕاگەیاند: "ھەموو ئەو زانیارییانەی باس لە دەستپێکردنی جموجووڵی ھێزی پێشمەرگە بەرەو کەرکووک دەکەن، دوورن لە ڕاستیەوە، ئێمەش ئەوەمان بیستووە لە ھەندێ دەزگای ڕاگەیاندن بڵاو کراوەتەوە، گوایە پێشمەرگە لە دەوروبەری کەرکووک جووڵەی پێ کراوە، ئەمەش لە ڕاستیەوە دوورە و ھیچ جۆرە ھێزێکی پێشمەرگە بە مەبەستی ھێرشکردن و پێشڕەوی بەرەو کەرکووک نەجووڵێندراوە."

 

لەبارەی ھەبوونی ھێزی پێشمەرگە لە نزیک کەرکووک، لیوا قارمان ئاماژەی بۆ ئەوە کرد: "ئێمە ھێزی پێشمەرگەمان ھەن نزیکن لە شاری کەرکووک، لەوانەیە زۆر جار گۆڕانکاری لەو ھێزانەدا بکرێت و ئاڵۆگۆڕی ھێز ھەیە، كه‌ ڕه‌نگه‌ خەڵکێک بە جووڵاندنی ھێز تێگەیشتبێ."

 

قائید میرۆ




دوایین هەواڵەکان

سەرۆك بارزانی پێشوازی لە باڵیۆزی كۆماری ئیسلامیی ئێران لە بەغدا دەكات

THURSDAY, 21 FEBRUARY 2019 16:02:47

هەولێر-KDP.info-  ڕۆژی پێنجشەممە ٢١ـی ٢ـی ٢٠١٩ لە سەلاحەددین سەرۆك مەسعوود بارزانی پێشوازی لە ئیرەج مەسجدی باڵیۆزی كۆماری ئیسلامیی ئێران لە بەغدا و شاندێكی یاوەری كرد كە پێكهاتبوو لە كونسوڵەكانی كۆماری ئیسلامیی ئێران لە هەولێر و سلێمانی و كەربەلا و نەجەف.

مه‌سروور بارزانی پێشوازی لە سەرۆكی دەزگای مەدا بۆ ڕاگەیاندن و ڕۆشنبیری و ھونەر كرد

THURSDAY, 21 FEBRUARY 2019 16:02:14

هەولێر-KDP.info-  ئه‌مڕۆ پێنج شەممە ٢١/٢/٢٠١٩ مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان پێشوازی لە فەخری كەریم، سەرۆكی دەزگای مەدا بۆ ڕاگەیاندن و ڕۆشنبیری و ھونەر كرد.

"لە مەخموور داعش ھێرشی کردە سەر گوندێک"

THURSDAY, 21 FEBRUARY 2019 15:02:16

مەخموور-KDP.info-  چەکدارانی داعش لە سنووری قەزای مەخموور ھێرشیان کردە سەر دانیشووانی گوندێکی ناوچەکە و بەرپرسێکی پارتییش لە مەخموور ئاشکرای کرد، بڕیارە پێشمەرگە بگەڕێتەوە ئەو شوێنانەی مەترسییان لەسەرە تا داعش کەڵک لەو بۆشاییە ئەمنییە وەرنەگرێت کە سوپای عێراق توانای کۆنتڕۆڵکردنی نییە.

 
د. بەشیر حەداد داوای ڕوونكردنەوە لە ئەنجومەنی باڵای دادوەریی عێراق دەكات

THURSDAY, 21 FEBRUARY 2019 15:02:52

بەغدا-KDP.info-  لەسەر لادانی زمانی كوردی لە لۆگۆ نوێیەكەیان، د. بشیر حەداد، جێگری سەرۆكی ئەنجومەنی نوێنەرانی عێراق داوای ڕوونكردنەوە لە ئەنجومەنی باڵای دادوەریی عێراق دەكات.

 
شاندێكی پارتە سیاسییەكانی یۆنان سەردانی مەکتەبی پێوەندییەکانی دەرەوەی پارتیی کرد

THURSDAY, 21 FEBRUARY 2019 15:02:26

هەولێر-KDP.info-  سەرۆكی شاندەکە بە ناوی شاندەوە سوپاسی بەرپرسی پەیوەندییەكانی دەرەوەی كرد بۆ ئەم پێشوازییە و ڕایگەیاند كە گەلی یۆنان و هەردوو پارتی گەل و نیودیموكراتی یۆنان ڕێز لە خەبات و داخوازییەكانی گەلی كوردستان دەگرن.

 


 
© 2018 Kurdistan Democratic Party, KDP