Kurdî  ■  كوردی  ■  عربي
SAT, 24 FEB 2018 11:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پێشتر و نها
| KDP.info


كارزان فه‌قى

پشتى 25ى ئیلۆنێ، گه‌فا هه‌ر تشته‌كێ ل قه‌واره‌‌یا هه‌رێما كوردستانێ ژ ئالیێ به‌غدا و وه‌لاتێن جیران وه‌كو توركیا و ئیرانێ دهاته‌ كرن، هه‌ر ژ برسیكرنێ و دۆرپێچ و گرتنا ده‌رگه‌هێ جیهانێ ل هه‌مبه‌ر ڤێ هه‌رێمێ، خوه‌دێ خێرا ریفراندۆمێ بنڤیسیت كو بوویه‌ به‌هانه‌یه‌ك كوردێن هه‌رێما كوردستانێ دۆست و دوژمنێن خوه‌یێن ئیراقێ و جیهانێ پێ ناسكرن، ئه‌وێن ل ته‌نگاڤیان ب خێزان ڤه‌ دناڤا ئارامییا هه‌رێما كوردستانێ د نڤستن؛ نها ب هه‌موو ره‌نگه‌كى ل به‌غدا هه‌ولا كرێتكرنا ڤێ هه‌رێمێ دده‌ن، ئیدى ئه‌ڤه‌ هه‌موو ببوو گڤاشه‌ك و ده‌نگێ نه‌رازیێ هژماره‌كا پارتێن كوردستانى ژى گڤاشه‌كا مه‌ترسیدارتر بوو ل سه‌ر حكومه‌تا هه‌رێمێ، ب وى ره‌نگى ل ده‌مێ ئالۆزیێن هه‌ردوو حكومه‌تێن به‌غدا و هه‌رێمێ، خوه‌نیشاندان ل ناڤخوه‌یا كوردستانێ هاتن كرن و گه‌له‌ك روودانێن نه‌ خواستى ژێ په‌یدا بوون و ل داویێ ئاشكه‌را ژى بوو ئه‌و نه‌ ژ بۆ داخوازیێن خه‌لكى بوون، به‌لكو مه‌ره‌مێن سیاسى هه‌بوون و هنده‌ك پارتێن بچووك خوه‌ پێ مه‌زنكرن. ژ نوو من دڤێت بێژم چه‌وا ئه‌ڤ هه‌موو مه‌ترسی و گڤاشتنا ل سه‌ر هه‌رێمێ نه‌ما و نها به‌ره‌ به‌ره‌ ئه‌و قوناغ ب داوى دهێت و جۆره‌ هێڤییه‌ك ژى ل ده‌ف خه‌لكێ كوردستانێ دروست دبیته‌ڤه‌، ل ڤێرێ ڤه‌ ئه‌و سیاسه‌تا نه‌رم ب سه‌ركه‌فت و حكومه‌تا هه‌رێمێ و سه‌رۆكێ وێ شیان ب سه‌ر وان هه‌موو ئاسته‌نگان ده‌رباز بن كو ل پێش بزاڤێن وان یێن چاكسازیێ رێگربوون، بۆ ڤى ده‌مى نابیت ئه‌م ڤان گهۆرینان ژبیر بكه‌ین:
پێشتر ب هیچ ره‌نگه‌كى نابیت ناڤێ قه‌واره‌یێ هه‌رێما كوردستانێ ژ ئالیێ سیاسى یێن ئیراقێ هاتبا گۆتن، لێ ل داویێ حه‌یده‌ر عه‌بادى ل به‌غدا پێشوازى ل نێچیرڤان بارزانى كر كو سه‌رۆكێ حكومه‌تا وێ قه‌واره‌یێ یه‌ و باس كێشه‌یێن ناڤبه‌را هه‌ولێر و به‌غدایێ هاته‌كرن.
پێشتر دناڤا سێزده‌ خالێن په‌رله‌مانێ ئیراقێ هاتبوو بریاردان كو ئه‌گه‌ر ئه‌نجامێن ریفراندۆما سه‌ربه‌خۆییا هه‌رێما كوردستانێ نه‌هێته‌ هه‌لوه‌شاندن؛ ب هیچ ره‌نگه‌كى نابیت حكومه‌تا ئیراقێ دانوستاندنێ ل گه‌ل حكومه‌تا هه‌رێمێ بكه‌ت، لێ بێى هه‌لوه‌شاندنا ئه‌نجامێ ریفراندۆمێ عه‌بادى نه‌چار بوو ل گه‌ل سه‌رۆكێ جڤاتا وه‌زیرێن هه‌رێمێ كۆم بیت و لژنه‌یێن خوه‌ ژى بۆ هنارتنا مووچه‌یێن فه‌رمانبه‌رێن هه‌رێمێ ره‌وانه‌ بكه‌ت.
پێشتر هیچ ئاماژه‌یه‌ك ژ بۆ ڤه‌كرنا گه‌شتێن ئاسمانیێن نێڤ ده‌وله‌تى ل هه‌ردوو فرۆكخانه‌یێن هه‌ولێر و سلێمانیێ نه‌بوون، لێ نها باس ده‌ستپێكرنا وان گه‌شتان ژى دهێته‌ كرن.
پێشتر ئیران ب هه‌موو ره‌نگان دژى سیاسیێن هه‌رێمێ د ئاخفت هه‌تا وى راده‌ى هێزێن خوه‌ ل سه‌ر سنورى كۆمڤه‌ كربوون، لێ ل رۆژێن بۆرى ب فه‌رمى وان نێچیرڤان بارزانى و شانده‌كێ حكومه‌تێ ل ته‌هرانێ پێشوازیكر، گۆتنێن وان یێن نها ل گه‌ل نێچیرڤان بارزانى ب 180 پله‌یان ل گه‌ل گه‌فێن پشتى ریفراندۆمێ جیاوازبوون.
پێشتر ئیرانێ هه‌ردوو ده‌رگه‌هێن خوه‌یێن سنورى حاجى ئۆمه‌ران و په‌روێزخان ل سه‌ر هه‌رێمێ داخستن، ڤه‌كرنا وێ ژى ب مه‌رجێ هه‌لوه‌شاندنا ئه‌نجامێن ریفراندۆمێ ڤه‌ هاتبوو گرێدان، لێ بێى كو حكومه‌تا هه‌رێمێ وێ مه‌رجى ب جهـ بنیت‌، نها ئه‌و ده‌رگه‌هـ ژى ڤه‌كرینه‌ و هاتن و چوونا گه‌شتیارى و بازرگانى دناڤ دا ئاسى یه‌.
پێشتر گه‌فا هێرشكرنێ بۆ سه‌ر ده‌رگه‌هێ سنوریێ ئیبراهیم خه‌لیل ژلایێ سوپایێ ئیراقێ و ب هاریكاریا توركیا هه‌بوو و دخواستن ژى سێگۆشه‌یان ئیران- توركیا- سوریا ب سوپایێ ئیراقێ ب هێته‌ راده‌ستكرن، لێ حكومه‌تا هه‌رێمێ ئه‌و ژى نه‌كر و شیا وێ په‌یوه‌ندییا ئالۆز و ئاماژه‌یێن شه‌رى ب دوماهى بینیت.
پێشتر دناڤخوه‌یا هه‌رێمێ بزاڤێن هه‌لوه‌شاندنا ڤێ كابینه‌یا حكومه‌تێ هه‌بوو، لێ داویێ ئه‌و حكومه‌ت ب بهێزى ده‌ركه‌ت و نها ژى بوویه‌ تاكه‌ رێكا ده‌ربازبوون ژ ڤێ قه‌یرانێ.
كه‌واته‌ ئه‌ڤه‌ هنده‌كن ژ وان گهورینێن كو پشتى كرنا ریفراندۆمێ و روودانێ 16ى ئكتۆبه‌رێ درووست بوون. ب ڤان گهورینان ژى به‌ره‌ به‌ره‌ ئه‌و بێ متمانه‌ییا دناڤبه‌را خه‌لك و حكومه‌تێ دا دروست بووى، به‌ره‌ف داویێ دچیت و ره‌نگه‌ ب رێكه‌فتنا به‌غدا و هه‌ولێرێ ل سه‌ر هنارتنا مووچه‌یێن فه‌رمانبه‌ران ره‌وش وه‌كو جاران ئاسایى ببیت.




دوایین هەواڵەکان

پنتاگۆن: لە پشتیوانیکردنی دارایی هێزی پێشمەرگە بەردەوام دەبین

FRIDAY, 23 FEBRUARY 2018 16:02:01

ئەمەریکا-KDP.info-  وەزارەتی بەرگریی ئەمەریکا کە بە پنتاگۆن ناسراوە رایدەگەیەنێ کە ئەوان لە پشتیوانیکردنی دارایی هێزی پێشمەرگە بەردەوام دەبن.

وەزیری دەرەوەی ئیسپانیا: ریفراندۆمی کوردستان و کەتەلۆنیا زۆر لە یەکدی جوودان

FRIDAY, 23 FEBRUARY 2018 16:02:29

ئیسپانیا-KDP.info-  وەزیری دەرەوەی ئیسپانیا (ئەلفونسۆ دەستیس) لە دیداریدا لەگەڵ فەلاح حەسەن جێگری سەرۆکی لاوانی سیاسی جیهان دەڵێ،  ئێستا ئەوان لەوە گەیشتوون کە ریفراندۆمی ھەرێمی کوردستان و کەتەلۆنیا زۆر لەیەکدی جوودان.

له‌ كۆشكى سپى مه‌سروور بارزانى له‌گه‌ڵ راوێژكارى سه‌رۆكى ئه‌مریكا بۆ ئاسایشى نیشتیمانى كۆبووەوە

FRIDAY, 23 FEBRUARY 2018 10:02:26

ئەمەریکا-KDP.info-  مه‌سروور بارزانى، راوێژكارى ئه‌نجوومه‌نى ئاسایشى هه‌رێمى كوردستان له‌گه‌ڵ هاوتا ئه‌مریكییه‌كه‌ى، هێربرت ماك ماسته‌ر، راوێژكارى سه‌رۆكى ئه‌مریكا بۆ ئاسایشى نیشتیمانى کۆبوویەوە.

ڕومیۆ ھەکاری: دەشتی نەینەوا وەک ناوچەیەکی سەربازیی ماوە

FRIDAY, 23 FEBRUARY 2018 10:02:45

دەشتی نەینەوا-KDP.info-  سکرتێری گشتیی حزبی بەیت‌نەھرێن ده‌ڵێت، ھێشتا زۆرێک لە ئاوارەکانی دەشتی نەینەوا لە ھەرێمی کوردستان ماون و بە ھۆی ڕەوشی ئەمنیی ناوچەکانیانه‌وه‌، ناتوانن بگەڕێنەوە و دەشڵێ، ھەوڵ ھەیە بۆ گۆڕینی دیمۆگرافیای دەشتی نەینەوا.

ئەنجوومەنی پارێزگای هەولێر: هێرشکردنەسەر کەسایەتییەکانی پایتەختی هەرێمی کوردستان قبووڵكراو نییه‌

THURSDAY, 22 FEBRUARY 2018 22:02:24

هه‌ولێر-KDP.info-  لە دوای ئەوەی لە برۆکسلی پایتەختی بەلجیکا کەسێک هێرش دەکاتە سەر پارێزگاری هەولێر، دەستەی سەرۆکایەتیی ئەنجوومەنی پارێزگای هەولێر، ئیدانەی ئەو هێرشە دەکەن و داوا لە دەزگا بەرپرسیارەکان دەکەن رێکاری یاسایی بگرنەبەر.

 


 
© 2017 Kurdistan Democratic Party, KDP